Jean 9:5 - Ma Zhiklè

⁵ Aman i zhè tʼherkeda, i skwi nhél sam herkeda.

Mofa New Testament

⁵ Aman i zhè t'herkeda, i skwi nhél sam herkeda.

Jean 9:5 ပူးပေါင်းရင်းမြစ်များ

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Mal. 4:2

Aman a kinè, man kin slébèrdè nzlembaɗ ga, pats ngizuraʼa a vèngè, a skwi mʼmbel ndo te va sakaʼa. Kinè, kin dè auda a kin tsi ɓarwasl ara kra zlè man a hakaɗauda te kuɗom.

Matthew 4:16

ndohi man ta nza te ruva, ta rka skwi nhél sam mbiaʼa; a sam ndohi man ta nza a sam mʼmetsai, te mèzhèɓ mʼmetsai, skwi nhél sam a nhulko gèɗ.

Matthew 5:14

Kinè skwi nhél sam herkeda. Kokwar mbiaʼa a géɗ za a nghédè azɓai.

Luke 2:32

skwi nhél sam man a ngreda ta civèɗ a ndohi herkeda tèlèba; nʼnjèlè a sam Israel, ndohi ngaya.

Jean 12:46

I shkè a herkeda, i skwi nhél sam. Aman ko wawa man a ciyè a ndav na, a nzi te ruva azɓai.

Jean 8:12

A Yèsu a ngaɗa ta zaʼa: Iyè, skwi nhél sam herkeda. Ko wawa man a dzadzar-kayè, a dè te ruva azɓai, aman a ngècè skwi nhèl sam nshèffè.

Actes 13:47

Aman Bi Zhiklè a gaɗa nga arsa: I ge ka a skwi nhel sam ndohi herkeda, a ka gi a skwi mbél ndo, ha verzi herkeda.

Actes 26:18

A ka winè di tengaʼa, aman ta menkada deɓa te ruva a sam skwi nhel sam, te wuɗi-bi madzagai a sam Bi Zhiklè, aman ta ngècè mprè mali tengaʼa, a skwi nʼndi gai a nda tengahi tèlèba, man Zhiklè a kezla ta te ncè Zhiklè a ndav.

Actes 26:23

ara man sèi skwa a dza na Kristi, a nengaʼa a gi a ndo nshèlèkuraʼa te ndev ndohi mʼmetsaʼa man ta slambaɗkaɗauda te mʼmetsai, a ngreda ta skwi nhél sam a ndohi nte deɓa.

Ephésiens 5:14

Gar haha Zhiklè a gaɗa: Piɗèkwe ngaya, man ka nzhuna. Slambaɗa te ndev ndohi mʼmetsaʼa, a Kristi a di a hela ka sam te ndav ngaya.

Apocalypse 21:23

Kokwar nʼnza, skwi nhel sam azɓai, ko pats, ko kia. Aman nʼnjèl Zhiklè a hél sam; kra tambak skwi nhél samaʼa.