Jean 7:4 - Ma Zhiklè

⁴ Ndo a nghédè skwi na azɓai man a woy ndohi ta shinèʼa. Aman ka gu ar haha, ngreda va ngaya auda a sam ndohi herkeda!

Mofa New Testament

⁴ Ndo a nghéƋè skwi na azɓai man a woy ndohi ta shinè'a. Aman ka gu ar haha, ngreda va ngaya auda a sam ndohi herkeda!

Jean 7:4 ပူးပေါင်းရင်းမြစ်များ

I Rois 22:13

A ndo sak man a mdo a bahka na Michée a ngaɗa na aranta: Ndohi nhadka ma tèlèba ta hodko na ma mwuffè a bai. Ka ba, goɗ lèmèlèmè ara tengaʼa, hodko ma mwuffè!

Matthew 23:5

Aman skwi tèlèba ta gi a sam di ndohi genè. Ta ngreda ɗèlèwèr mbiaʼa, man ta tsi ri a vna, a bècècèr maslaka mbiaʼa.

Matthew 4:6

a ngaɗa na: Aman ka, ka kra Zhiklè, kalde va ngaya a hai! Aman ta Windo te ɗèlèwèr Zhiklè: Zhiklè a da gaɗa ta golahi nengaʼa, aman a ta ɓer ka, a ta ndaw ka, aman kwa a da tsama ka sak azɓai.

Matthew 6:16

Aman kin jèkeda skwi nʼndai, kin da gursa di ɓai, ara ndohi nʼngwèdè ndo. Tengaʼa ta min dai, aman ndohi ngiɗè ta rkaʼa, ara man ta jèkeda skwi nʼndai. A vava i gaɗa kinè: Ta ngots skwi ntul ta ma.

Matthew 6:5

Aman kin tsi rai, kin gu ara ndohi nʼngwèdè ndo ɓai, man ta woy a ta zlècè, a ta tsi ri te gi-njèngè-ma-Zhiklè, a zolom civèɗ, a ta woy a ndohi ngiɗè ta rka ta. A vava i gaɗa kinè: Ta ngots skwi ntul ta ma.

Luke 6:45

Ndo man amba a cko skwi man amba auda te ndav nengaʼa man amba. A ndo man ambaɓai a cko skwi man ambaɓai auda te ndav nengaʼa man ambaɓai. Skwi man a nʼndha te ndav, a gaɗkaɗauda te ma.

Jean 18:20

A Yèsu a ngaɗa na: I goɗ maʼa a sam di ndohi tèlèba, pèc pècèk. I senda ta te gi njèngè ma Zhiklè, te gi Zhiklè, a sam man ndohi Juif tèlèba ta ɓica va, i goɗa metsar ka ɓai. Ka dzhadyè èhèmè?

Jean 7:3

A kramamhi nengaʼa ta gaɗa na: Slambaɗa, a ko do a kokwar Judée, a golahi ngaya ba ta rka mizlinè man ka giaʼa.

Jean 7:5

Aman kramamhi nengaʼa ba, ta ca a ndav ɓai.