Jean 4:34 - Ma Zhiklè

³⁴ A Yèsu a ngaɗa ta: Na haha, skwi nʼndi ga, aman i gi skwi man ndo nzlindekayè a woya i giaʼa, a i ndivè mizlinè nengaʼa.

Mofa New Testament

³⁴ A Yèsu a ngaƋa ta: Na haha, skwi n'ndi ga, aman i gi skwi man ndo nzlindekayè a woya i gia'a, a i ndivè mizlinè nenga'a.

Jean 4:34 ပူးပေါင်းရင်းမြစ်များ

Job 23:12

Ma nkwèr man a gaɗayè, i jèkeda ɓai. I bür ma nengaʼa te ndav ga.

Psaumes 40:8

A i gaɗa: Na haha, i shkè ma; ta wìndo te ɗèlèwèr a géɗ ga.

Matthew 26:39

Te deɓaʼa a nco sak a ma kètè, a ntseda medi a hai, a ntsu rai, a ngaɗa: Bab ga, aman ara man a gai, kokwi haha do do auda a sam ga; aman ara man iyè a nwoya ka ɓai, aman ara man ka, ka woyaʼa.

Matthew 3:15

Aman Yèsu a mʼmbeɗa na a ma: Sèi ka gi ar haha; na haha ambaha nga, aman nga ndeva ngi-zuraʼa tèlèba. A Jean a nco.

Matthew 9:19

A Yèsu a nslambaɗa, a ta dzodzora a golahi nengaʼa.

Luke 15:10

I gaɗa kine: Lèmèlèmè golahi Zhiklè ta wuffè a géɗ ndo mali staɗ, man a ngwèdè ndav na.

Luke 19:10

Kra-ndo a mshkè, a woyaʼa, a mbela skwi man a ze na.

Luke 2:49

A Yèsu a ngaɗa ta: Kin woyè èhèmè? Kin sun ɓi ɗè, aman i gi sèi skwi Bab ga?

Jean 17:4

I nzal ka a géɗ herkeda, a i ndeva mizlinè ngaya, man ka vayè a i giaʼa.

Jean 19:28

Te deɓaʼa, aman Yèsu a suna, skwi tèlèba nʼndeva ma, a ngaɗa, ara man ɗèlèwèr Zhiklè a gaɗa: Iyam a dzayè!

Jean 19:30

Aman Yèsu a tor iyam, a ngaɗa: Nrufa ma! A nkalda gèɗ na hai, a mʼmets na.

Jean 4:32

Aman Yèsu a ngaɗa ta: I ngots skwi nʼndi man kin sun bai.

Jean 5:30

I slaha a i gi skwi a géɗ ga ɓai; i bèzlè kita, ara man i tsenaʼa. Kita ga nzuraʼa. I woy skwi ara man iyè i woya ka ɓai, aman skwi man nengaʼa man a zlindekayè a woyaʼa.

Jean 5:36

Aman ma malwuɗi ga a fena ma malwuɗi Jean. A mizlinè man Bab ga a mvayè man i giaʼa, aman i ndevaʼa, mizlinè sa a ngredyè a sam kinè, ara man Bab ga a nzlindekayè.

Jean 6:33

Nasa movar Zhiklè, man a shkèhi te zhiklè, a va ta nshèffè a ndohi herkeda.

Jean 6:38

I shkè te zhiklè, a i gi skwi ara ndav ga man a woya ka ɓai. I shkè, aman i gi skwi man nengaʼa man a zlindekayè a woyaʼa.

Jean 8:29

A nengaʼa man a zlindekayè a zhè a sam ga. A jèkyè a pa a géɗ ga azɓai, te man i gi skwi man ambaha pèc pècèk.

Actes 20:35

I ngreda kinè skwi tèlèba, aman sèi nga gi mizlinè arsa, a nga takaha ta ndohi man wuɗi ta azɓai, a nga hér ma Bi Yèsu, man a gaɗa: man ka vi skwai, a wuffedè ndav ngaya a fena man ka ngècè skwai.

Hébreux 12:2

Ngo-pokoy di a Yèsu, ndo nhinè a ndo nrufa ncè-a-ndav; nengaʼa man a géɗ mwuffe man a zhè a ma nengaʼa, a nco wof ngézlèl na, nʼnga hori ɓai, te deɓaʼa a nʼnzahai a civèɗ ri mandi sam nʼnzi bi Zhiklè.