Jean 3:17 - Ma Zhiklè

¹⁷ Zhiklè a nzlündko kra nengaʼa a herkeda, a ngi kita herkeda ka ɓai. A nzlündo, aman herkeda a mbél na a géɗ nengaʼa.

Mofa New Testament

¹⁷ Zhiklè a nzlündko kra nenga'a a herkeda, a ngi kita herkeda ka ɓai. A nzlündo, aman herkeda a mbèl na a gèƋ nenga'a.

Jean 3:17 ပူးပေါင်းရင်းမြစ်များ

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Matthew 18:10

Va-gu maya aman kin da kwol ta wudahi nkèshèa haha ɓai, ko staɗ! Aman i gaɗa kinè, golahi Zhiklè tengaʼa ta rka Bab ga pèc pècèk te zhiklè.

Matthew 18:11

(Aman kra-ndo a mshkè, a mbel ta ndohi man ta zlak ta).

Luke 19:10

Kra-ndo a mshkè, a woyaʼa, a mbela skwi man a ze na.

Luke 9:56

A to do a kokwar ngiɗè.

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

Jean 10:36

A kin gaɗa na ndo man Zhiklè a nkezlaʼa, man a zlündkoda a herkeda: Ka derde Zhiklè! A géɗ man i gaɗa: I kra Zhiklè.

Jean 11:42

Aman i suna, ka cè ma ga pèc pècèk. Aman a gèɗ ndohi man ta zlatsa haha, i gèɗè ma ar haha; aman ta cè a ndav ta, ka, ka nzlindekayè.

Jean 17:18

Lèmèlèmè ara man ka zlindekayè a herkeda, i zlinde ta a herkeda ba.

Jean 17:21

Aman ta tèlèba ta gi a nstaɗ, lèmèlèmè ara nga, ka Bab ga, te iyè, a iyè te ka, a tengaʼa ba, ta te nga; a herkeda da co a ndav na, ka nzlindekayè.

Jean 17:23

Iyè te tengaʼa, ka te iyè, aman ta gi a nstaɗ, jèlèlèʼa; a herkeda da suna, ka nzlindekayè, ka woy ta a ndav ngaya, lèmèlèmè ara man ka woy iyè a ndav ngaya.

Jean 17:25

Bab nzuraʼa! Herkeda a sen ka ɓai; aman iyè i sen ka, a tengaʼa ba ta suna, ka nzlindekayè.

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

Jean 17:8

Aman ma man ka vayè, i va ta ma, a ta co. Ta sun a vava, i shkè te ka, a ta co a ndav, ka, ka nzlindekayè.

Jean 20:21

A Yèsu a ngaɗa ta zaʼa: Gumi a nda kinè! Lèmèlèmè ara man Bab ga a nzlindekayè, i ba i zlinde kinè.

Jean 3:34

Ndo man Zhiklè a zlündo, a gèɗè ma Zhiklè. Zhiklè a vi Mèzhèɓ na a livè azɓai.

Jean 5:36

Aman ma malwuɗi ga a fena ma malwuɗi Jean. A mizlinè man Bab ga a mvayè man i giaʼa, aman i ndevaʼa, mizlinè sa a ngredyè a sam kinè, ara man Bab ga a nzlindekayè.

Jean 5:38

A ma nengaʼa a nzi te ndav kinè azɓai, te man kin cè nengaʼa man a zlündo, a ndav kinè ɓai.

Jean 5:45

Kin hur ɓai, i da pin kinè a sam Bab ga. Ndo ngiɗè a pin kinè, nengaʼa Moise, man ndav kinè a zhèr skwi te ri nengaʼa.

Jean 6:29

A Yèsu a mʼmbeɗa ta a ma: Na haha mizlinè Zhiklè, aman kin cè nengaʼa man Zhiklè a zlündkoɗa, a ndav kinè.

Jean 6:38

I shkè te zhiklè, a i gi skwi ara ndav ga man a woya ka ɓai. I shkè, aman i gi skwi man nengaʼa man a zlindekayè a woyaʼa.

Jean 6:40

Aman nasa skwi man nengaʼa man a zlindekayè a woyaʼa. Aman ko wawa man a rka kra na, a cè nengaʼa a ndav na, a ngècè nshèffè a mèdèp, a i slambaɗda a pats nʼndikèma skwai.

Jean 6:57

Ara man Bab ga, man a zhè a nshèffè, a zlindekayè, a i nzi a nshèffè man a Bab ga, lèmèlèmè ko wawa man a ndi zluèɗ va ga, a nzi a nshèffè a géɗ ga.

Jean 7:29

Aman iyè, i sun nengaʼa, te man i shkè te nengaʼa. Nengaʼa a nzlindekayè.

Jean 8:11

A ngwoz a ngaɗa na: Bai, ko staɗ ba. A Yèsu a ngaɗa na: Anai ko iyè, i ga ka kita a gèɗ azɓai. Do ngaya! Aman te deɓ nta ka da gu mali asaɓai!

Jean 8:42

A Yèsu a ngaɗa ta: Aman agassa Zhiklè Bab kinè, ar kin woy iyè a ndav kinè. I shkè te Bab Zhiklè, i shkè a ri ga ka ɓai. Aman nengaʼa a nzlinde-kayè.

1 John 2:2

Nengaʼa skwi mpil gèɗ malihi nga, malihi nga genè ka ɓai, aman mali herkeda tèlèba.

1 John 4:14

A nga rkaʼa a di nga, a nga gi malwuɗai, Bab Zhiklè a nzlündo kra nengaʼa a ndo mbél herkeda.