Jean 3:16 - Ma Zhiklè

¹⁶ Gar haha Zhiklè a woy herkeda a ndav na, a mva ta kra nengaʼa, kra nengaʼa staɗgenè, aman ko wawa man a nco nengaʼa a ndav na, a zi azɓai, a nʼngotso nshèffè a mèdèp.

Mofa New Testament

¹⁶ Gar haha Zhiklè a woy herkeda a ndav na, a mva ta kra nenga'a, kra nenga'a staƋgenè, aman ko wawa man a nco nenga'a a ndav na, a zi azɓai, a n'ngotso nshèffè a mèƋèp.

Jean 3:16 ပူးပေါင်းရင်းမြစ်များ

Genèse 22:12

A Zhiklè a ngaɗa: Jèkeda kra ngaya, ka lama na ɓai! Aman antanta i suna, ka gi zlau Zhiklè. Ko kra ngaya staɗgenè, ka jèkaha a sam ga ɓai.

Genèse 22:2

A Bi Zhiklè a ngaɗa na: Co Isaac, kra ngaya, kra ngaya staɗ-genè, man ka woya a ndav ngaya, a ko do a kokwar Morija, a ka vayè a sam nʼndèr skwi a Zhiklè a géɗ za man i da ngra ka.

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Matthew 9:13

Vo-do, va-sun skwi haha: I woy aman ndo a si ndo te va, mvi skwi a Zhiklè ka ɓai. I shkè aman i bèhè ndohi nzuraʼa ka ɓai; i shkè, a i bèhè ndohi malihai.

Marc 12:6

Njèkè kra nengaʼa staɗ, man a woya a ndav na. Te deɓaʼa a nzlündo nengaʼa a sam ta, a huro, a ngaɗa: Ta gi hori kra ga.

Luke 2:14

Nʼnjèlè a sam Zhiklè te géɗèʼa, gumai a herkeda, a sam ndohai man Zhiklè a va ta pombai!

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Jean 1:18

Ko ndo staɗ a nrka Zhiklè di ɓai. Kra nengaʼa staɗgenè, man a nzi a sam Bab na, nengaʼa nʼngreda nga.

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

Jean 10:28

a i va ta nshèffè a mèdèp, ta zi azɓai a mèdèp, ndo azɓai man a ngezl ta te ri ga.

Jean 3:15

Ko wawa man a cè nengaʼa a ndav na, a ngè-cè nshèffè a mèdèp.

Jean 3:18

Ko wawa man a nco a ndav na, ta ga na kita a gèɗ azɓai. Aman ko wawa man a nca a ndav ɓai, kita a zhè a gèɗ nengaʼa ma, te man a nca nzlembaɗ kra Zhiklè, kra Zhiklè staɗgenè, a ndav na ɓai.

Jean 3:36

Ndo man a nco kra Zhiklè a ndav na, a nʼngotso nshèffè a mèdèp. Ndo man a fi gèɗ a kra Zhiklè azɓai, a rkè nshèffè a di azɓai, aman Zhiklè a gi ndav a gèɗ nengaʼa.

Jean 6:40

Aman nasa skwi man nengaʼa man a zlindekayè a woyaʼa. Aman ko wawa man a rka kra na, a cè nengaʼa a ndav na, a ngècè nshèffè a mèdèp, a i slambaɗda a pats nʼndikèma skwai.

Romans 5:10

Aman Zhiklè a mʼmenda gumi a hai te mʼmetsi kra nengaʼa, te va man nga mayamhi Zhiklè dai, holholaʼa antanta, man gèɗ nga mpela ma, nga da mbel nga te nshèffe nengaʼa.

Romans 5:8

Aman Zhiklè a ngreda mwoy-ndo nengaʼa a sam nga, te man Kristi a mʼmets na a géɗ nga, aman nga ndohi malihi dai.

Romans 8:32

Nengaʼa a ntsotskava kra nengaʼa ɓai, aman a mvau a géɗ nga tèlèba, a da va nga skwi tèlèba a nda nengaʼa azɓi ɗè?

Ephésiens 2:4

Aman Zhiklè, man ndo a sia te va kumba, a géɗ mwoy-ndo nengaʼa mbiaʼa, man a woy nga a vna,

2 Thessalonians 2:16

Aman nengaʼa, Bi nga Yèsu Kristi, a Zhiklè, Bab nga, man a woy nga a ndav na, a va nga skwi mbid nga man a nzi dai a mèdèp, a skwi man nga zhèrè te ndav,

Titus 3:4

Aman a pats man pombi Zhiklè, Bi mʼmbel nga, a mwoy ndo nengaʼa a ngudko va a dai,

Hébreux 2:9

Nga rkaʼa, Yèsu man nʼnzi kètè ta manda na gèɗ a hi a sam golahi Zhiklè; a géɗ matakwan mʼmetsi nengaʼa ta paɗa na gèɗ a nslébèrdè, a nʼnjèlè, te man a ntor mʼmetsai te di man a ndohi tèlèba.

1 John 3:1

Va-rka, mwoy-ndo man bab Zhiklè a woy nga a vna, aman a baha nga wudahi Zhiklè, na nga!

1 John 4:19

Nga woyaʼa, te man nengaʼa a nwoy nga nshèlèkuraʼa.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,