Jean 2:24 - Ma Zhiklè

²⁴ Aman Yèsu, nengaʼa a nfa gèɗ a tengaʼa ɓai. Aman nengaʼa a sen ta tèlèba.

Mofa New Testament

²⁴ Aman Yèsu, nenga'a a nfa gèƋ a tenga"a ɓai. Aman nenga'a a sen ta tèlèba.

Jean 2:24 ပူးပေါင်းရင်းမြစ်များ

I Rois 8:39

ka da tsenaʼa te zhiklè te géɗèʼa, a sam nʼnzi ngaya, a ka pra ta malai, a ka ga na a ndo staɗ staɗ tèlèba ara skwi nengaʼa man a gau. Aman ka staɗgenè ka sun ndav ndohi tèlèba.

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

I Chroniques 29:17

I suna, Zhiklè ga, ka jkeda ndav ndo; skwi nzuraʼa ambaha ka. Skwi haha tèlèba i va ka a ndav nzuraʼa, a i wuffè, aman i rka ndohi ngaya man ta ɓica va haha, a ta va ka skwi a ndav tèlèba.

Jérémie 17:9

Ndav ndo, ambaɓi a vata ba, nsun wa? A ngwèdè ndo a fena skwi ngiɗè.

Matthew 9:4

Aman Yèsu a sun skwi man ta huro, a ngaɗa ta: Kin hur skwi ambaɓi ar haha èhèmè?

Marc 2:8

A nasa nasa Yèsu a sun te Mèzhèɓ na, skwi man ta hur te ndav ta, a ngaɗa ta:

Jean 1:42

A ndaʼa a sam Yèsu. Aman Yèsu a rkaʼa, a ngaɗa na: Ka Simon, kra Jonas; sèi ta baha ka Céphas (ara ngèɗè, kwa).

Jean 16:30

Antanta nga suna, ka sun skwi tèlèba, ko ndo ngiɗè a ndzhad ka ɓai. Gar haha nga co a ndav nga, ka shkè te Bi Zhiklè.

Jean 21:17

A ngaɗa na mamakaraʼa: Simon, kra Jonas, ka woy iyè dè? A Pierre a kuɗi te ndav na, a géɗ man a ndzhoɗo mamakaraʼa: Ka woy iyè dè? A ngaɗa na: Bai, ka sun skwi tèlèba, ka suna, i woy ka. A Yèsu a ngaɗa na: War tambakihi ga!

Jean 4:16

A Yèsu a ngaɗa na: Do, baha na baki ngaya, a kin shkè!

Jean 5:42

Aman i sen kinè, mwoy-ndo Zhiklè a te ndav kinè ɓai.

Jean 6:15

Aman Yèsu a rka, ta woy a ta shkè a ta gshèʼa, a ta woy a ta fi a bai, a ndo na a deɓa a za zaʼa. Nengaʼa a géɗ na.

Jean 6:64

Aman ndohi tsaɗ tsaɗ ta zhè te ndev kinè, ta cè a ndav azɓai. Te nhinkaɗ na Yèsu a sen ta ndohi man ta da cè a ndav azɓai, a ndo man a da ga na ri a gèɗ.

Actes 1:24

A ta tsu rai: Bi Zhiklè, ka sun ndav ndohi tèlèba; ngreda nga ndo te ndev ndohi ncèwa haha,

Actes 15:8

A Zhiklè man a sun ndav ndohai, a ngu malwudai a sam tengaʼa, a mva ta Mèzhèɓ Zhiklè lèmèlèmè ara man a nga,

Deutéronome 31:21

Te deɓaʼa matakwan tsaɗ tsaɗ kumba, a nlèyè, a da gs ta, a dimèsh haha man a pca ta a gèɗ azɓai, a gi a skwi malwuɗi a sam ndohi haha. I sun skwi man ta hérè te ndav ta a vava, antanta langa, ga i de ta a kokwar man i mbaɗa a i da va ta.

Hébreux 4:13

Ko skwi staɗ nʼngheda a sam nengaʼa ɓai. Aman skwi tèlèba nʼngreda tʼuda a sam di Zhiklè, nengaʼa aman te deɓaʼa sèi nga da menda na skwi tèlèba.

Apocalypse 2:23

A i woya man i bazl ta wudahi ta. A mpi ndohi Zhiklè tèlèba sèi da suna, iyè man i wuzhè ndav, kala nguzgoz ba, a i va na a ndo staɗ staɗ te ndev kinè ara mizlinè na.

I Samuel 16:7

Aman Ndo nzi pèc pècèk a ngaɗa na Samuel: Ndo da ga ka di ɗokɗoka ɓai! Ka hur a géɗ ndo ngurèa ɓai! I woy nengaʼa ɓai. Zhiklè a woy ndo te di azɓai, ara man ndohi ta woyaʼa. Ndohi ta woy ndo te dai; aman Zhiklè a pi di a ndav.