Jean 2:19 - Ma Zhiklè

¹⁹ Yèsu a mʼmbeɗa ta a ma: Va-mbeɗda gi Zhiklè nkezlaʼa haha aussa, te mʼmèn makar i ɗizlèʼa.

Mofa New Testament

¹⁹ Yèsu a m'mbeƌa ta a ma: Vambeƌda gi Zhiklè nkezla'a haha aussa, te m'mèn makar i ƌizlè'a.

Jean 2:19 ပူးပေါင်းရင်းမြစ်များ

Matthew 12:40

Aman lèmèlèmè ara Jonas a nʼnza a hwaɗ klèf mbiaʼa pats makar, vaɗ makar, lèmèlèmè kra-ndo a da nzi thwaɗ herkeda, pats makar, vaɗ makar.

Matthew 16:21

A hüno a pats nasa, aman a senda ta a golahi nengaʼa: Sèi i dè a kokwar Jérusalem; ndohi nhalaʼa a ndohi mvi skwi a Zhiklè mbibihiaʼa a malamhai ta da gay matakwan mbiaʼa, a ta da keɗyè, aman a pats mamakaraʼa i da slambaɗkaɗauda.

Matthew 27:40

Ka, man ka mbeɗa gi Zhiklè, a ka rèmè ngiɗè te mʼmèn makar – ar ka – mbela va ngaya a ri ngaya; aman ka, ka kra Zhiklè, sulomkaɗahai a wof ngézlèlè haha!

Matthew 27:63

Bai, ma ndo matsa man a pe ta ndohi a wai, a haka nga gèɗ: A ngaɗa, a pats man a nʼnza a nshèffè dai: Te deɓ mʼmèn makar i da slèmbèɗè auda te mʼmetsai.

Marc 14:58

Nga tsena ara man a gaɗa: I woya man i mbeɗda gi Zhiklè haha aussa, man ri ndo a ngau, a i da rèm ngiɗè te mʼmèn makar, gi man ri ndo a ngu ka ɓai.

Marc 15:29

Ndohi man ta beza a pa, ta durdo, a ta gidè gèɗ kwotakwotaʼa, a ta gada: Ɗakwa, ka, ka gaɗa: i mbeɗda gi Zhiklè aussa, a i rèmèʼa te mʼmèn makar,

Marc 8:31

Te deɓaʼa a hüno man a senda ta, ara man kra-ndo a da si matakwan a vata, ara man ndohi nhalaʼa a ndohi mvi skwi a Zhiklè mbibihiaʼa a malamhai ta da kwolaʼa, a ta da keɗaʼa, aman te deɓ mʼmèn makar a da slambaɗkaɗauda zaʼa.

Jean 11:25

A Yèsu a ngaɗa na: Iye, nslambaɗkaɗ ndo, a nshèffè. Ko wawa man a ciyè a ndav na, a nzi a nshèffè, ko a mʼmets na.

Jean 5:19

A Yèsu a mʼmbeɗa ta a ma: A vava, a vava, i gaɗa kinè: Kra a slaha man a gi skwi a ri na azɓai, ko staɗ. Sèi skwi man a rka, Bab na a giaʼa. A skwi man nengaʼa a giaʼa, kra nengaʼa ba, a giaʼa.

Actes 2:24

Zhiklè a nslambaɗkaɗauda, a mprokoɗauda te matakwan mʼmetsai. Mʼmetsi a slaha man a ngsa ɓai.

Actes 2:32

Yèsu haha, Zhiklè a nslambaɗda. Nga tèlèba ndohi malwuɗihi a géɗ skwi sa.

Actes 3:15

Aman Bi nshèffè, kin keɗaʼa. Nengaʼa, Zhiklè a nslambaâda te ndev ndohi mʼmetsaʼa. Nga ndohi malwuɗihi te skwi haha.

Actes 3:26

Te tser ngaya, gwoli ndohi herkeda tèlèba ta da ngècè mpshè ma. Aman Zhiklè a nslambaɗda Yèsu, ndo mizlinè nengaʼa, a nzlündo a sam kinè, aman a pshè kinè ma, a gi aman ndo staɗ staɗ a menkada deɓa te mali na.

Actes 6:14

Nga tsena ara man a gaɗa: Yèsu ndo Nazareth a di a gedassa sam haha, a ngwèdè tsuf haha man Moise a va nga.

Romans 4:24

Zhiklè a da rka nga arsa, aman nga co a ndav, a nslambaɗdekoɗa Yèsu, Bi nga, auda te ndev ndohi mʼmetsaʼa.

Romans 6:4

Gar haha te baptême, nara man ta re nga a vèvèɗ a nda nengaʼa. Aman lèmèlèmè ara Kristi a nslambaɗkaɗauda te va ndohi mʼmetsaʼa, a sam nʼnjèl Bab na, lèmèlèmè nga, sèi nga dè te nshèffè mɓuaʼa.

Romans 8:11

Aman Mèzhèɓ Zhiklè man a slambaɗdeko Yèsu auda te ndev ndohi mʼmetsai a zhè te ndav kinè, Zhiklè man a slambaɗdeko Yèsu auda te ndev ndohi mʼmetsaʼa a da vi nshèffè a va kinè man tʼhwaɗ mʼmetsai, te Mèzhèɓ nengaʼa man a nzi te ndav kinè.

1 Corinthians 15:12

Aman nga njè Kristi, ara man Zhiklè a slambaɗda te ndev ndohi mʼmetsaʼa, tengahia ngiɗè te ndev kinè ta gaɗa: nslambaɗkaɗauda te ndev ndohi mʼmetsaʼa azɓai èhèmè?

Colossiens 2:12

Ta re kinè a nda nengaʼa te baptême, kin slambaɗkaɗauda a nda nengaʼa te ncè-a-ndav, man Zhiklè a giaʼa, nengaʼa man a slambaɗda te ndev ndohi mʼmetsaʼa.

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.