Jean 1:18 - Ma Zhiklè

¹⁸ Ko ndo staɗ a nrka Zhiklè di ɓai. Kra nengaʼa staɗgenè, man a nzi a sam Bab na, nengaʼa nʼngreda nga.

Mofa New Testament

¹⁸ Ko ndo staƌ a nrka Zhiklè di ɓai. Kra nenga'a staƌgenè, man a nzi a sam Bab na, nenga'a n'ngreƋa nga.

Jean 1:18 ပူးပေါင်းရင်းမြစ်များ

Genèse 16:13

A nengaʼa a mva na nzlembaɗ a Ndo nzi pèc pècèk, man ta goɗ a vna: Ka Atta-El-roi. A vava, a haha, i rka nengaʼa man a rkayè, a di ga ɗe?

Genèse 18:33

Te deɓaʼa Ndo nzi pèc pècèk a ndo na, aman ta goɗ ngèɗè a Abraham klèng ma. A Abraham a mʼmenkaɗ na a deɓa a ngwai.

Exode 23:21

Gau maya a géɗ ngaya, a sam na; fu gèɗ a ngèɗè nengaʼa, ka Sala va a sam na bai. Aman kin da tèwèɗè ma nengaʼa, a da pra kinè mali kinè azbai. Aman iyè, te nengaʼa.

Exode 24:10

a ta rka Bi Zhiklè Israel; sam sak nengaʼa kwa saphir, di a rkè cerhaʼa te pa, ara giɗfèk nhelaʼa.

Proverbes 8:30

i zhè a tsagi nengaʼa, nga a vna, a nengaʼa a wuffè a géɗ ga pèc pècèk, a i gècè a sam na.

Esaie 40:11

A wèr rèwè na ara ndo mɓer skwai, a humbètè wud tambakihi a ndav nengaʼa, a tiɓish ta a sam staɗ, a lè ta mam tambakihi zhèhèɗ-zhèhèɗèa.

Lamentations de Jérémie 2:12

Ta gada ta mam ta: Skwi nʼndi tema? Ta tiɗ ta a mai, ara ndohi man ta bazl ta a dal kokwar, ta bazl ta a wa mam ta.

Nombres 12:8

I gèɗè a nengaʼa te ma kwakwaʼa, te nshunè ka ɓai, a njkedè ndo ka ɓai. A nengaʼa a rka Mèzhèɓ Ndo nzi pèc pècèk! Kos kin ga zlau ɓai a kin ga na ma a va Moise, ɓèl ga, èhèmè?

Matthew 11:27

Skwi tèlèba Bab ga a mvay a rai. Ndo ngiɗè a sun kra ɓai, sèi Bab kra a suna a vava. Ndo ngiɗè a sun bab kra ɓai, sèi kra a suna a vava, a ndohi man kra a ngreda ta.

Luke 10:22

A ngaɗa ta golahi nengaʼa: Skwi tèlèba Bab ga a mvay a rai. Ndo ngiɗè a sun kra ɓai sèi bab na a suna a vava. A ndo ngiɗè a sun Bab kra ɓai, sèi kra na a suna a vava, a ndo man kra a ngreda na.

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Jean 12:41

Ma haha Esaie a goɗ a géɗ man a rka nʼnjèl nengaʼa, a ngoɗ a géɗèʼa.

Jean 13:23

Aman staɗ te va golahi a zhè a sam skwi nʼndai, a dingèdè va a Yèsu, nengaʼa man Yèsu a woyaʼa a ndav na.

Jean 14:9

Yèsu a ngaɗa na: Nʼnzi ga a sam kinè kumba, a ka senyè ɓi dè, Philippe? Ndo man a rkayè, a rka Bab ga ma, a ka gad kè: Ngra nga Bab nga?

Jean 17:26

A i ngreda ta nzlembaɗ ngaya; a i ngréɗèʼa dai. Aman mwoy-ndo ngaya man ka woy iyè a vna, da zhè a sam ta, a iyè te tengaʼa.

Jean 17:6

I ngreda ta nzlembaɗ ngaya a ndohi man ka vayè tʼherkeda. Tengaʼa a ngaya, a ka pay a iyè, a ta fu gèɗ a ma ngaya.

Jean 3:11

A vava, a vava i gaɗa ka, nga gèdè skwi man nga suna, a nga ngréɗè skwi man nga rkaʼa, a kin cè malwuɗi nga azɓai.

Jean 6:46

A géɗ man ndo a rka Bab ga a di ɓai. Sèi nengaʼa man a shkè te Bi Zhiklè, nengaʼa a rka Bab na a di na.

2 Corinthians 4:4

a sam ndohi man ta ca a ndav ɓai, man madzagai a pizlèma ta di ta a ruva, aman ta slaha a ta rka skwi nhél sam man a zhè te ma mbelaʼa te nʼnjèlè Kristi ɓai. Kristi, nengaʼa va Zhiklè.

Deutéronome 4:12

Te deɓaʼa Ndo nzi pèc pècèk a ngaɗka kinè te va vogwa. Kin tsena daʼai nengaʼa, aman kin rka nengaʼa ɓai. Sei ngèɗè nengaʼa genè!

Colossiens 1:15

Nengaʼa lèmèlèmè ara Zhiklè man ndo a nrka a di ɓai, tsuvom skwi tèlèba man Zhiklè a gau.

1 Timothy 1:17

A sam Bi Yèsu man a zhè a mvi a mvai, man a ndivè azɓai, man nga rka a di ɓai, Zhiklè, man maya na zhè staɗgenè, nslébèrdè a nʼnjèlè pèc pècèk a mèdèp! Amen!

1 Timothy 6:16

nengaʼa staɗgenè, man a metsi azɓai, nengaʼa man a nzi a sam nhélaʼa, man nga slaha nga dè a pa azɓai, man ndo a nrka di ɓai, man ndo a slaha a nrka ɓai, nslébèrdè a wuɗai pèc pècèk a mèdèp. Amen.

Josué 5:13

Aman Josué ndul ndul a ndikè a kokwar Jéricho, a nceda gèɗ a zhiklè, a nʼngul dai, a nrka ndo staɗ man a nzlatsa zuraʼa a ma nengaʼa, tsakwal te rai, mphoa tʼuda. Josué a mdo a sam na, a ngaɗa: Ka gwoli man a nga ɗè, ka ndo mayam nga dè?

1 John 4:12

Ko ndo staɗ a nrka Bi Zhiklè ɓai. Aman nga woy ndo, ngiɗè a woy ngiɗè, Zhiklè a nzi te ndav nga, a mwoy-ndo nengaʼa nʼngaʼa jèlèlèʼa te ndav nga.

1 John 4:20

Ndo man a gaɗa: I woy Zhiklè, aman a gi shèwa a kramam nengaʼa, ndo ncè-kèlma. Ndo man a woy kramam nengaʼa, man a rkaʼa a di ɓai, a slaha a nwoy Zhiklè, man a rkaʼa ʼbi ɗè?

1 John 4:9

Ar haha Zhiklè a nʼngreda mwoy-ndo nengaʼa a sam nga, aman a zlindkoɗi kra nengaʼa, staɗgenè, a herkeda, a nga da nzi a nshèffè a géɗ nengaʼa.

1 John 5:20

Aman nga suna, kra Zhiklè a mshkè, a mva nga maya, aman nga sun nengaʼa, man nzuraʼa a vava. Nga te nengaʼa man nzuraʼa a vava, te Yèsu Kristi, kra nengaʼa. Nengaʼa Zhiklè nzuraʼa, nengaʼa nshèffè a mèdèp.