Jean 1:14 - Ma Zhiklè

¹⁴ A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Mofa New Testament

¹⁴ A ma Zhiklè a n'nde na a ndo, a n'nza a sam nga, a nga rka n'njèl nenga'a. N'njèlè Bab Zhiklè, man a mva na kra nenga'a staƌgenè, n'ndha a pombai a ma nzura'a.

Jean 1:14 ပူးပေါင်းရင်းမြစ်များ

Psaumes 2:7

I woya a i ngreda skwi man Ndo nzi pèc pècèk a huro. A ngadayè: Ka kra ga, a patsna i fe ka.

Psaumes 45:2

Ncèkèslè a shkè auda a mwuffè te ndav ga. I woy a i sli dimèsh ga a bai. Nèʼèn ga nwosla kwotskwotsaʼa ara skwi man ndo mwindè ɗèlèwèr a windè a vna.

Psaumes 85:9

I woy a i tsena skwi man Ndo nzi pèc pècèk Zhiklè a gaɗayè. A mpasla ta ri gumi ahai andohi na, a ɓèlèlihi na, a tengaʼa man ta ngwodko ndav ta a sam na.

Esaie 40:5

Aranta nʼnjèl Zhiklè a gudko va a dai, a ndohi tèlèba ta rkaʼa. Ma Ndo nzi pèc pècèk a ngoɗa.

Esaie 53:2

Ɓèl Ndo nzi pèc pècèk a gra a sam nga, ara skwi nftsaʼa, ara zluzlor tʼherkeda ngworaʼa. Mbambi az a di nengaʼa ɓai, nga pa di a pa ɓai. Nara ndo ka ɓai, ambaha nga ɓai.

Esaie 7:14

Gar haha Bi Zhiklè a da ngreda kinè skwi a ri na: Na haha, bidalai a da gi a hwaɗ, a da yi kra nguraʼa, a da va na nzlembaɗ na Emmanuel.

Ezéchiel 37:27

Gi ga a nzi zangalaʼa a géɗ tengaʼa, i gi a Zhiklè tengaʼa, a tengaʼa ta gi a ndohi ga.

Matthew 1:16

Jacob bab Joseph; nengaʼa baki Marie, man a yu Yèsu, man ta baha na Kristi.

Luke 2:11

Aman a patsna ta ya kinè te kokwar David ndo mʼmbel ndo, nengaʼa Kristi, Bai.

Luke 2:7

A nyu tsuvom nengaʼa, kra nguraʼa, a mpaɗda a bomtèrè, a mfeda a torok, te man sam mʼmènè ngiɗè azɓai te gi mbrokihai.

Luke 9:32

A Pierre a ndohi man ta zhè a sam na, ta zhingétè, a ta nzhunè. Aman ta pidèkwe ta ma, ta rka nʼnjèl nengaʼa. A ndohi cèw man ta zlatsa a sam na.

Jean 1:1

Te nhinkaɗ na, ma Zhiklè a zhè. Maʼa a zhè a sam Zhiklè. Zhiklè, nengaʼa maʼa.

Jean 11:40

A Yèsu a ngaɗa na: I gaɗa ka bi dè, aman ka co a ndav, a di ka rka nʼnjèl Zhiklè?

Jean 14:6

A Yèsu a ngaɗa na: Iyè civèɗ, a ma nzuraʼa, a nshèffê; ndo ngiɗè a shkè a sam Bab ga azɓai, sèi a bezkaɗ a iyè.

Jean 14:9

Yèsu a ngaɗa na: Nʼnzi ga a sam kinè kumba, a ka senyè ɓi dè, Philippe? Ndo man a rkayè, a rka Bab ga ma, a ka gad kè: Ngra nga Bab nga?

Jean 17:22

A nʼnjèlè man ka vo-koyè, i va ta tengaʼa, aman ta gi a nstaɗ, lèmèlèmè ara nga, nga gi a nstaɗ.

Jean 17:24

Bab ga, i woya aman tengaʼa man ka pokoyè, ta zhè a sam ga, a ta rka nʼnjèl ga man ka vokoyè, a géɗ man ka woy iyè a ndav ngaya, aman herkeda nʼnga di ɓai.

Jean 18:37

A Pilate a ngaɗa na: Kos man ar haha, ka bi dè? A Yèsu a ngaɗa na: Ara ngèɗè ngaya; i bai. I shkè a herkeda, aman i gi a ndo malwuɗi ma nzuraʼa. Ndo staɗ staɗ tèlèba, man ndo nzuraʼa, a tsena daʼai ga.

Jean 2:11

Nasa nrkedi nshèlèkuraʼa, man Yèsu a gau, te kokwar Cana, te Galilée, a nʼngreda nʼnjèl nengaʼa auda. A golahi nengaʼa ta co a ndav.

Jean 3:16

Gar haha Zhiklè a woy herkeda a ndav na, a mva ta kra nengaʼa, kra nengaʼa staɗgenè, aman ko wawa man a nco nengaʼa a ndav na, a zi azɓai, a nʼngotso nshèffè a mèdèp.

Jean 3:18

Ko wawa man a nco a ndav na, ta ga na kita a gèɗ azɓai. Aman ko wawa man a nca a ndav ɓai, kita a zhè a gèɗ nengaʼa ma, te man a nca nzlembaɗ kra Zhiklè, kra Zhiklè staɗgenè, a ndav na ɓai.

Jean 6:51

Iyè movar a nshèffè te pa, man a shkèhai te zhiklè. Ndo man a ndi movar haha, a nzi a nshèffè a mèdèp. A movar man i va na, zluèɗ va ga, man i vi a géɗ nshèffè ndohi herkeda.

Jean 8:32

A di kin da shin ma nzuraʼa, a ma nzuraʼa a da pra kinè auda.

Actes 13:33

Zhiklè a nrufa mpèsl ri nengaʼa a sam di nga, wudahi tengaʼa, aman a nslambaɗda Yèsu te ndev ndohi mʼmetsaʼa, ara man ta Windo te Psaume 2: Ka kra ga, a patsna i fe ka.

Romans 8:3

Skwi man ma kita Zhiklè a slaha a ngia ɓai, te man wuɗi na azɓai a géɗ ndo, Zhiklè a ngau, aman a zlindkoɗi kra nengaʼa a géɗ malai, a nʼngaʼa lèmèlèmè ara ndo. Zhiklè a phomde mali te ndo;

Romans 9:5

Bababhi nte verzi tengaʼa. Te tengaʼa Kristi a nshkè, man a gu ara ndo; nengaʼa man a zhè a géɗ skwi tèlèba; nslébèrdè a Zhiklè a mèdèp. Amen.

1 Corinthians 15:47

Ndo nshèlèkuraʼa a mshkè tʼherkeda, skwi herkeda. Ndo man a shkè te deɓaʼa, skwi zhiklè.

2 Corinthians 12:9

a nengaʼa a ngaɗayè: Pombi ga da dèʼa ka, aman wuɗi ga a gi te ndohi man wuɗi ta azɓai. Gar haha i woya man i jégèr va nshèlèkuraʼa a géɗ man wuɗi ga azɓai, a wuɗi Kristi a nzi a sam ga.

Galates 4:4

Aman tiɗè sama ma, Zhiklè a nzlündo kra nengaʼa, man ngwoz a myau, a mfeda a hwaɗ ma kita,

Ephésiens 3:8

A mvay skwi haha a iyè, ntabaw ndohi Zhiklè tèlèba, aman i njè ta mèshèlè Kristi, man a ndev ɓai, a ndohi nte deɓa,

Colossiens 1:19

Ambaha Zhiklè, aman skwi na tèlèba a zhè te nengaʼa.

Colossiens 2:3

A ta shin skwi Zhiklè, Bab Kristi, nʼnghedaʼa. Skwi mèshèlè te nshin maya, te nshin skwi tèlèba, nʼngheda te nengaʼa.

Colossiens 2:9

Aman te Kristi skwi Zhiklè tèlèba a zhè a vava.

1 Timothy 3:16

Skwi man nʼngheda a civèɗ Zhiklè, skwi mbiaʼa a vava: Zhiklè a ngudko va a dai ara ndo, a nʼngreda auda zuraʼa te Mèzhèɓ Zhiklè, a ngudoko ta va a dai a golahi Zhiklè. Ta njo nengaʼa a sam ndohi herkeda, a ndohi herkeda ta co a ndav, a Zhiklè a ndaʼa a sam nʼnjèl nengaʼa.

Hébreux 1:3

Nengaʼa a ngreda nʼnjèl Zhiklè auda; nengaʼa mèzhèɓ va na, a gshè skwi tèlèba a ma wuɗi nengaʼa; te deɓaʼa man a mpana ta ndohi te mali ta ma, a nʼnza hai te ri mandi Bi mbiaʼa te géɗèʼa.

Hébreux 1:5

Aman gol Zhiklè nangwa, man Bi Zhiklè a ngaɗa na: Ka kra ga, a patsna i fe ka? A vaʼa: I ndi a bab nengaʼa, a nengaʼa a ndi a kra ga?

Hébreux 10:5

Gar haha aman Kristi a shkè a herkeda, a ngaɗa: Zhiklè, mvi a nzli skwai ambaha ka ɓai. Aman ka tilay va ma.

Hébreux 2:11

Aman nengaʼa man a kezla ndav ndohai, a ndohi man nengaʼa a kezla ta ndav, ta shkè tèlè te verzi staɗ. Gar haha nengaʼa a gi hori azɓai, man a sla ta kramamhi na.

Hébreux 5:5

Lèmèlèmè Kristi ba, a nʼnzala va na a ri na, a ngaɗa: i bi ndohi mvi skwi a Zhiklè ɓai. Sèi Zhiklè a ngau, aman a gaɗa na: Ka kra ga, a patsna i fe ka.

1 John 4:14

A nga rkaʼa a di nga, a nga gi malwuɗai, Bab Zhiklè a nzlündo kra nengaʼa a ndo mbél herkeda.

1 John 4:9

Ar haha Zhiklè a nʼngreda mwoy-ndo nengaʼa a sam nga, aman a zlindkoɗi kra nengaʼa, staɗgenè, a herkeda, a nga da nzi a nshèffè a géɗ nengaʼa.

2 John 1:7

Ndohi mpi ndohi a wi kumba ta zlèzlèmè tʼherkeda, a ta ngrédè azɓai, Yèsu Kristi a mshkè, nʼnga ara ndo. Nasa ndo mpi ndo a wai, a mayam Kristi.

Apocalypse 19:13

Maslaka a va, nruɓa a Pombaz. Ta baha na a nzlembaɗ ‘Ma Zhiklè’.

Apocalypse 21:3

A i tsena ngèɗè mbiaʼa a sam nʼnzi bi Zhiklè, man a gaɗa: Na haha, gi Zhiklè a zhè a sam ndohai! Bi Zhiklè a da nzi a sam tengaʼa, a tengaʼa ta da gi a ndohi nengaʼa, Zhiklè a ri na a nzi a sam tengaʼa, Bi Zhiklè ta.