Jacques 5:19 - Ma Zhiklè

¹⁹ Dalahimam ga, aman ndo ngiɗè te ndev kinè a njèkeda civèɗ nzuraʼa, a ndo ngiɗè a nckoɗa deɓa,

Mofa New Testament

¹⁹ Dalahimam ga, aman ndo ngiƋè te ndev kinè a njèkeda civèƋ nzura'a, a ndo ngiƋè a nckoƋa deɓa,

Jacques 5:19 ပူးပေါင်းရင်းမြစ်များ

Psaumes 119:118

Ndohi tèlèba man ta zlak ta dra a sam ma ngaya man a de nga, ka kwol ta, te man skwi man ta hérèʼa, skwi ncèkèlma.

Psaumes 119:21

Ka guv ta ndohi nfi va; ndohi man ta jèkeda ma nkwèr ngaya ta phomda.

Proverbes 19:27

Kra ga, tsenaʼa, man ta ngez ka; jè-keda nbizhè zlawa, dzodzor ma maya!

Esaie 3:12

Ndohi ga, nderkèzhè ndo a ga ta matakwan; a ngwozi ta gi a ngul ta. Ndohi ga, ndohi ncè kinè ma ta zlakede kinè, a ta gedassa civèɗ man kin bizhè a pa.

Ezéchiel 34:16

I hèsh skwi man a zlak na, i hulkoɗi skwi man a ksar na, a deɓa; skwi mpaslaʼa i manaʼa; skwi man wuɗi na azɓai i tsa na mbazlav; a i wèr skwi ngraʼa a skwi man wuɗi na zhè, a i da war ta amba zuraʼa.

Ezéchiel 34:4

Mohtsomb skwai, kin va na wuɗi ɓai. Skwi man mbelakaɓai, kin slambaɗda ɓai. Skwi man mblè a va, kin mana na ɓai. Skwi man nksaraʼa, kin ɓickoɗa deɓa ɓai. Skwi man nze na, kin hosso ɓai, a skwi man wuɗi na zhè, kin pasla na gèɗ a hi a wuɗai.

Matthew 18:15

Aman kramam ngaya a ngu malai, do ngra na mali na, kinè a vna cèw genè. Aman nengaʼa a ntsun ma ngaya, ka da ngots kramam ngaya ma.

Luke 22:32

Aman iyè, i tsi ri a géɗ ngaya, aman ncè-a-ndav ngaya a ndivè azɓai. A ka, aman pats ngiɗè ka menkada deɓa, ka va ta wuɗi a kramamhi ngaya.

Galates 6:1

Dalahimam ga, kinè man Mèzhèɓ Zhiklè a ndha ndav kinè! Man mali a kala na a gèɗ ndo ngiɗè, va-takaha, va-tilèʼa a ndav nlüɓekwaʼa. A ndo staɗ staɗ da gu maya a géɗ va na ba, man ɓai ta pe kinè a wi arsa.

1 Timothy 6:10

Ntétékè sulai, zluzlor skwi ambaɓia tèlèba. Ndohi ngiɗè, ntétékè sulai a mpèkètede ta te ncè-a-ndav, a ta ze ta. Skwi man a pe ta a wi tsaɗ tsaɗ, a ga ta matakwan kumba.

1 Timothy 6:21

Tengahi ngiɗè ta gshè va a nengaʼa genè, ta pèkèt ta arsa, a ta jèkeda ncè-a-ndav. Pombai da zhè a nda kinè!

2 Timothy 2:18

Te ndev tengaʼa Hyménée a Philète, man ta jèkeda ma nzuraʼa, ta zlak ta, a ta gaɗa, nslambaɗkaɗauda te mʼmetsai, nʼnga ma, a ta gedassa ncè-a-ndav ndohi tsaɗ tsaɗ.

Hébreux 5:2

Nengaʼa a slaha a nhér tengaʼa, man ta sun maya ɓai, ta zlak ta, te man nengaʼa ba, wuɗi na azɓai.

Jacques 1:16

Dalahimam ga, kin zlak kinè ɓai!

Jacques 1:19

Dalahimam ga, va-suna, ndo staɗ staɗ tèlèba da wosla va a ncinè ma, da goɗ ngèɗè tsam tsam ɓai, da gu ndav tsam tsam ɓai.

Jacques 3:14

Aman srak nɗu-zlekzlekaʼa a shèwa a zhè te ndav kinè, kin dzugor va ɓai, a kin tseda na ma nzuraʼa a pa ɓai!

Jacques 5:20

da suna, ndo man a nckoɗa ndo mali a deɓa te civèɗ man a zlak na, a mʼmbela mèzhèɓ ndo matsa te mʼmetsai, a mpizleda mali a pa kumba.

2 Peter 3:17

Kinè dalahimam ga, a géɗ man ta gaɗa kinè skwi haha ma, va-ɓür va kinè, man ɓai ncèkèlma ndohi mphömè a zlakede kinè lèmèlèmè a nda tengaʼa. Kin jèkeda sam man kin nza a pa taraʼa ɓai!

Jude 1:11

Wobau a géɗ tengaʼa! Ta beza a civèɗ Cain, a ta gu mali ara Balaam a géɗ sulai, a ta bazl ta lèmèlèmè ara ndohi nrubi Coré.