Jacques 5:16 - Ma Zhiklè

¹⁶ Va-ngreda mali kinè, ngiɗè a ngiɗè, va-tsu ri a Zhiklè, ngiɗè a géɗ ngiɗè, aman kin mbél kinè te matakwan. Ntsi ri ndo nzuraʼa, man a tsi a ndav tèlè, a slaha skwi kumba.

Mofa New Testament

¹⁶ Vangreda mali kinè, ngiƋè a ngiƋè, vatsu ri a Zhiklè, ngiƋè a géƋ ngiƋè, aman kin mbél kinè te matakwan. Ntsi ri ndo nzura'a, man a tsi a ndav tèlè, a slaha skwi kumba.

Jacques 5:16 ပူးပေါင်းရင်းမြစ်များ

Genèse 19:29

Aman Bi Zhiklè a ngedassa kokwar haha a vara, a nhur Abraham, a mda Lot auda a sam ngedassaʼa; aman sam nʼnzi Lot, a ngedassaʼa te pa.

Genèse 20:17

A Abraham a ntsu ri a Bi Zhiklè, a Bi Zhiklè a mʼmbel Abimélec, a ngwoz na, a ɓèlhi na, ta ngwozhai, te matakwan, a ta ngots kra.

Genèse 20:7

Gar haha va na ngwoz a deɓa a baki na, nengaʼa ndo nhadka ma. Nengaʼa a da tsi ri a géɗ ngaya, a ka nzi a nshèffè. Aman ka da va na a deɓa azbai, ka da metsi ngaya, a ndohi gi ngaya tèlèba.

Genèse 32:28

A ngaɗa na: Anai nzlembaɗ ngaya Jacob ka ɓai, aman nzlembaɗ ngaya Israel. Aman kin bozl va a nda Bi Zhikiè a nda ndohai, a ka fen ta.

II Samuel 19:19

a ngaɗa na bai: Bi ga da fay mali a gèɗ ɓai, da hur mali ga ɓai man iyè, ɓèl ngaya, a ngau a pats man bai, bi ga, a njèkeda kokwar Jé-rusalem. Bai da hur nengaʼa te ndav na ɓai!

I Rois 13:6

A bai a hüno a ngaɗa na ndo Zhiklè: Kam kam, büd Ndo nzi pèc pècèk, Zhiklè ngaya, a ka tsu ri a géɗ ga, a i slaha i mendkoɗi ri ga a deɓa. A ndo Zhiklè a mbüdo Ndo nzi pèc pècèk, a ri bai a nʼnge na ara ri na.

II Chroniques 30:20

A Ndo nzi pèc pècèk a ntsena ntsi ri Ezéchias, a mpra ta malai a ndohai.

Job 42:8

Anai va-hul marihi 7 a droki 7, vo-do a sam Job, ɓèl ga, va-ndara na skwi a Zhiklè a géɗ va kinè. A Job, ɓèl ga, a da tsi rai a géɗ kinè. Sèi ntsi ri Job man i da cèʼa; te deɓaʼa i da ga kinè skwi ambaɓiaʼa azɓai, a géɗ man kin goɗ ma a géɗ ga zuraʼa ara Job, ɓèl ga, ɓai.

Psaumes 34:15

do do na auda a sam skwi ambaɓiaʼa, da gau skwi man amba, da woy gumai, da hu a verzi nengaʼa.

Exode 17:11

Man ri Moise nzlatseda, Israel a gi ngulaʼa. Aman ri Moise mʼmanda tʼhai, Amalek a gi ngulaʼa.

Exode 9:33

Aman Moise a njèkede Pharaon ma, a ndo auda te kokwar, a ntsu ri a Zhiklè. A ntsi iyam a vandzal ta gi asaɓai, a iyam a nɗal na te kokwar Egypte.

Proverbes 15:29

Ndo nzi pèc pècèk a nzi dra a sam ndohi ambaɓihiaʼa; aman a tsena ntsi ri ndohi nzuraʼa.

Proverbes 15:8

Skwi man ndohi ambaɓihiaʼa ta va na Zhiklè, a ndara na; aman ntsi ri ndohi nzuraʼa ambaha.

Proverbes 28:9

Ndo man a ndè zlembaɗ a ma kita Zhiklè, ko ntsi ri nengaʼa a ndara na Zhiklè.

Jérémie 15:1

Ndo nzi pèc pècèk a ngaɗayè: Ko man nda Moise a Samuel ta shkè a sam ga, ndohi haha ta siyè te va azɓai. Dzam ta auda a sam ga, do do ta!

Jérémie 33:3

Bahayè, i da mbeɗa ka a ma, i da ngra ka skwi mbia holholaʼa man ka sun ɓai.

Jérémie 42:2

a ta gaɗa na Jérémie, ndo nhadka ma: Nga tsa ka rai, dzhoɗo Ndo nzi pèc pècèk, Zhiklè ngaya, a géɗ nga, a gèɗ njèkèdia tèlèba; aman nga kètè genè te va ndohi kumba, ara man ka ba ka rka a di ngaya.

Nombres 11:2

Te deɓaʼa ndohi ta tsu lalau a sam Moise, a Moise a ntsu ri a Ndo nzi pèc pècèk, a vogwa a mbats na.

Matthew 21:22

Ko mèmè kin jhèɗè tèlè a ntsi ri kinè, a kin co a ndav, kin da ngècèʼa.

Matthew 3:6

A Jean a nʼnga ta baptême te woyam Jourdain, a ta ngreda mali ta auda.

Marc 1:5

A kokwar Judée tèlèba, a ndohi kokwar Jérusalem tèlèba, to do a sam nengaʼa, a Jean a nʼnga ta baptême te woyam Jourdain, a ta ngrede mali ta.

Luke 9:6

A to do, a ta sawala te kokwar tèlèba, a ta njè ta ma mbelaʼa a sam tèlèba, a ta mbel ta ndohi matakwan.

Jean 9:31

Aman nga suna, Zhiklè a tsena ndohi malihi azɓai, aman a tsena ndo man a pi ndav a Zhiklè, a gi skwi man nengaʼa a woyaʼa.

Actes 10:38

kin suna, ara man Zhiklè a va na wuɗai a Yèsu ndo Nazareth haha, te Mèzhèɓ Zhiklè nkezlaʼa. A nengaʼa a nsawala, a ngu man amba, a mʼmbel ta ndohi tèlèba man bi madzagi a ga ta, te man Bi Zhiklè a zhè a nda nengaʼa.

Actes 19:18

A ndohi kumba te ndev ndohi man ta co Yèsu a ndav, a ta shkè, a ta ngreda malai a skwi man ta gau, auda.

Actes 8:24

A Simon a mʼmbeɗa na a ma: Sèi kin tsi ri a Bi Zhiklè a gèɗ ga a ri kinè, a skwi man ka goɗ haha, ko staɗ da shkè a gèɗ ga ɓai.

Romans 3:10

ara man te ɗèlèwèr Zhiklè mwindèʼa: Ndo nzuraʼa azɓai, ko staɗ ba.

Romans 5:19

Ara man a géɗ ndo staɗ, man a gu mèdègèɗ, ndohi kumba ta gaʼa a ndohi malihai, a gèɗ ndo staɗ, man a fa na gèɗ, ndohi kumba ta ngècè ngi-zuraʼa.

Colossiens 1:9

Gar haha nga ba, a pats man nga tsenaʼa, nga jèka ɓai, aman nga tsi ri a Zhiklè pèc pècèk a géɗ kinè: ndav kinè da ndha te nshin skwi man Zhiklè a woyaʼa, a maya, a nshin skwi te Mèzhèɓ Zhiklè tsaɗ tsaɗ,

1 Thessalonians 5:17

va-tsu rai, kin ndeva ɓai!

1 Thessalonians 5:23

A Zhiklè gumai, nengaʼa a ri na, da kezla ndav kinè tèlèba, da ɓür mèzhèɓ kinè ndzuwoɗaɗaʼa; a ndav kinè, a va kinè tèlèba ta da nzi jèlèlèʼa, ha pats mshkè Bi nga Yèsu Kristi.

1 Thessalonians 5:25

Dalahimam nga, va-tsu rai a géɗ nga!

Hébreux 11:4

A géɗ ncè-a-ndav, Abel a nzla na skwi man ambaha Zhiklè holholaʼa, a fena Cain. A géɗ ncè-a-ndav nengaʼa, Zhiklè a nʼngreda auda ara ndo nzuraʼa, a nco skwi man a va na; a Abel, ko mʼmetsa ma, a gèɗè.

Hébreux 11:7

A géɗ ncè-a-ndav na, Noé a ngu zlau Zhiklè, a ngu wurom, man a mbela gi nengaʼa, aman a ntsena ma Zhiklè, a géɗ skwi man nʼnga di ɓai. Ncè-a-ndav nengaʼa a nfa na mali a gèɗ a herkeda; aman nengaʼa a ngots ngi-zuraʼa, man nga ngè-cèʼa, a géɗ man nga co Zhiklè a ndav nga.

Hébreux 12:13

Vo-do a civèɗ saraʼa, aman ko ndo vedal a kèlèhi azɓai, aman a mbel na.

Hébreux 13:18

Va-tsu rai a géɗ nga! Nga sun a vava mèzhèɓ ndav nga amba, a nga gi maya, aman nga gi zuraʼa te skwi tèlèba.

Josué 10:12

A pats nasa, man Ndo nzi pèc pècèk a mpe ta ndohi Amor a ri a ndohi Israel, Jo-sué a ngaɗa na Ndo nzi pèc pècèk, a sam di ndohi Israel tèlèba, aranta: Pats da zlats na hi a gèɗ Gabaon, a kia da zlats na hi a dal Ajalon!

1 Peter 2:24

Nengaʼa a nco malihi nga a deɓ wof te va nengaʼa, aman nga jèkeda nʼnzi te malai, a nga nzi a géɗ ngi-zuraʼa. Te mblè nengaʼa kin mbel kinè.

1 John 3:22

a skwi ko mèmè man nga jhèɗèʼa, nga ngècèʼa te ri nengaʼa, a géɗ man nga fi gèɗ a ma nkwèr nengaʼa, a nga gi skwi man ambaha.

I Samuel 1:12

Aman a ntsu ri a sam Ndo nzi pèc pècèk nshèk va a zhè, Eli a mpa na di a ma nengaʼa.

I Samuel 12:17

Antanta ngwar ka ɓi dè? I woy a i tsi ri a Ndo nzi pèc pècèk, aman a gi a iyam a ntsai, a iyam a ngai, a kin da suna, a kin rkaʼa, kin gu mali mbiaʼa a sam di Ndo nzi pèc pècèk, a gèɗ man kin dzhoɗo bi kinè.

I Samuel 12:18

A Samuel a ntsu ri a Ndo nzi pèc pècèk. A Ndo nzi pèc pècèk a ngu aman iyam a tsai, a iyam a gai, a pats nasa. Zlau Ndo nzi pèc pècèk, a zlau Samuel, a ndza ta ndohi tèlèba a vata.