Jacques 5:11 - Ma Zhiklè

¹¹ Na haha, nga gaɗa, mwuffè a sam tengaʼa man ta zhèr skwi a ma ma. Kin tsenaʼa, ara man Job a zhor skwi a ma ma, a kin rka ndikèma man Bi-Zhiklè a mva na. Aman ndo a si Bi Zhiklè te va; a pa na a pa ndav a ndo.

Mofa New Testament

¹¹ Na haha, nga gaƋa, mwuffè a sam tenga'a man ta zhèr skwi a ma ma. Kin tsena'a, ara man Job a zhor skwi a ma ma, a kin rka ndikèma man Bi-Zhiklè a mva na. Aman ndo a si Bi Zhiklè te va; a pa na a pa ndav a ndo.

Jacques 5:11 ပူးပေါင်းရင်းမြစ်များ

I Chroniques 21:13

David a ngaɗa na Gad: I gi zlau a vata. Aman dara man i kèlè a ri Ndo nzi pèc pècèk. Aman ndohi ta sia te va a vata. I woy a i da kala a ri ndohi ɓai.

II Chroniques 30:9

Aman kin da menkada deɓa a sam Ndo nzi pèc pècèk, kramamhi kinè a wudahi kinè, ta da se ta ndohi man ta hel ta a ɓèlè te va, a ta da shkè a deɓa a kokwar haha. Aman Ndo nzi pèc pècèk, Zhiklè kinè, ndo a sia te va, a prè malai; aman kin da menkada deɓa a sam na, a nghédè di na a sam kinè azɓai.

Néhémie 9:17

Ta woy a ta tsena ɓai, ta hur nrkedi man ka gu a sam ta ɓai. Ta Sala va ta, a ta woy tsuvom ta man a de ta a deɓa a kokwar Egypte. Aman ka, Zhiklè man a prè malai, man a vi pombai, man ndo a sia te va, a ka gi ndav tsam tsam, azɓai, man ka zhèr skwi a dai, ka jèke ta a pa ɓai.

Néhémie 9:31

A géɗ man ta se ka te va, ka va ta civèɗ a ta zi ta a mèdèp ɓai, te man ka Zhiklè man ndo a se ka te va, man pombi ngaya a zhè.

Job 1:1

Ndo ngiɗè a zhè te kokwar Uz, nzlembaɗ na Job; ndo nzuraʼa, a ngu skwi amba amba tèlèba, a gi zlau Bi Zhiklè, a woy skwi ambaɓiaʼa ɓai.

Job 1:2

A nyu wudahi 7 a dalahi 3.

Job 2:10

A Job a ngaɗa na: Ka gèɗ ma ara ngwozi nrzlaʼa. Aman nga ngots skwi man amba te ri Bi Zhiklè, nga cè skwi ambaɓiaʼa ba azɓi dè? Te skwi haha tèlèba Job a nʼnga mali te ma na ɓai.

Job 23:10

Nengaʼa a sun civèɗ man i bizhè a pa. Aman a jkedyè, a ngatskayè ara guro ndaɓaiaʼa, mwosla a vogwa.

Psaumes 103:13

Ara wudahi man ta si bab ta te va, ndohi man ta gi zlau Zhiklè, ta si Ndo nzi pèc pècèk te va.

Psaumes 103:8

Ndo nzi pèc pècèk, man ndohi ta sia te va, man a woy ndo, a gi ndav tsam-tsam azɓai, pombi nengaʼa a ndev ɓai.

Psaumes 116:5

Pombi Ndo nzi pèc pècèk a zhè; Ndo nzi pèc pècèk zuraʼa, Zhiklè nga, ndo a sia te va.

Psaumes 119:132

Pakay dai, i da se ka te va! Ara man ndohi man ta woy ka, amba aman a ta ngotso.

Psaumes 145:8

Ndo nzi pèc pècèk, ndo a sia te va, a pi a ndo, agi ndav tsam-tsam azɓai, pombi nengaʼa a ndev ɓai.

Psaumes 37:37

War ndo man a gaʼa a njèlalaʼa, war ndo man a gi zuraʼa: nengaʼa a nzi a gumai, a ndohi te verzi nengaʼa ta zhè.

Psaumes 51:1

Psaume David,

Psaumes 78:38

A nengaʼa te pombi na, a géɗ man ndo a sia te va, a mpra ta maii la, a ngedas ta ɓai. Sak kumba a njèkeda ngi ndav, a mva na civèɗ a ndzoan nengaʼa bai.

Psaumes 86:15

Aman ka, Bai, Zhiklè man ndo a se ka te va, man ka vi pombai. Ka gi ndav tsam-tsam azɓai, ka woy ndo a ndav.

Psaumes 86:5

Bai, ndav ngaya amba, mprè malai ambaha ka, ndohi tèlèba man ta tsi ri a ka, ta se ka te va kumba.

Psaumes 94:12

Ndo nzi pèc pècèk, mwuffè a sam ndo man ka ngatsa na maya, man ka slebda na ma kita ngaya,

Exode 34:6

A Ndo nzi pèc pècèk a mbeza auda a sam di Moise, a mboho: Ndo nzi pèc pècèk, Ndo nzi pèc pècèk – Zhiklè man ndo a sia te va, man pombi na zhè, man a zhèr skwi a ma ma, a ndav amba, nlèɓèslèa a vata ba,

Ecclésiaste 7:8

Dara ndikè-ma skwai, a géɗ nhin na. Dara ndav ndo man a zhèr skwi a ma, a géɗ ndav ndo nfi va.

Esaie 63:7

I woya a i shid gèɗ a géɗ pombi Ndo nzi pèc pècèk, a gèɗ skwi mbia tèlèba man Ndo nzi pèc pècèk a gau a sam nga. Skwi man amba kumba a mva ta ndohi gi Israel, man ta sia te va, a mva ta pombi nengaʼa man a ndev ɓai.

Esaie 63:9

Ndo sak ka ɓai, gol Zhiklè ka ɓai, man a mbel ta; nengaʼa a ri na. Nenga a ri na a sumka ta a deɓa, te mwoy-ndo nengaʼa man ta sia te va. A wara ta dai, a mɓerka ta daga zlèzlèʼa.

Lamentations de Jérémie 3:22

Pombi Ndo nzi pèc pècèk nʼndev di ɓai, nsi ndo nengaʼa te va klèng di ɓai.

Daniel 9:9

Bi Zhiklè nga, ndo a sia te va, a prè malai; a nga, nga slambaɗa na va.

Joel 2:13

Va-menkada deɓa a sam Ndo nzi pèc pècèk, Zhiklè kinè. Nengaʼa, pombi na zhè, ndo a sia te va, a gi ndav tsam-tsam azɓai, ndav na amba, a jèkeda kita man a woya a giaʼa.

Jonas 4:2

Wa Zhiklè, man i te kokwar ga dai, i goɗ ɓi ɗè! A géɗ nasa i hu ga a kokwar Tarsis nshèlèkuraʼa, te man i suna, ka Zhiklè, pombi ngaya a zhè, ndohi ta se ka te va, ka zhèrè te ndav, ndav ngaya amba, ka ngwèdè skwi mwuɗitpa.

Michée 7:18

Zhiklè, ngar ka wa? Man a keɗa na gèɗ dai a mphömè, a pra ta mali a ndohi nʼndi gi na, a gi ndav a mèdèp azɓai, aman a wuffè a mvi pombai.

Nombres 14:18

Ndo nzi pèc pècèk a zhèr skwi a ma ma, ndo a sia te va kumba, a prè mali a mphöme a ndohai, aman a pra ta ambali ka bai, sèi a gi kita a sam wudahai a géɗ mali bab ta, te verzi bab ta, te mamakaraʼa, te mafaɗaʼa.

Matthew 10:22

Tèlèba ta da gi shèwa a kinè, a géɗ nzlembaɗ ga. Aman nengaʼa man a dè a ma ma a slagama, ha skwi a ndev na, a mbel na.

Luke 1:50

A verzi, verzi ndohi man ta gi zlauaʼa, ta sia te va.

Luke 11:10

Ko wawa man a jhèɗèʼa, ta va na. Ko wawa man a woyaʼa, a ngècèʼa. Ko wawa man a bèhè a ntamagai, ta wina na.

Luke 6:36

Anai, ndo da se kinè te va, lèmèlèmè ara ndohi ta si Zhiklè, Bab kinè, te va.

Romans 2:4

Pombi nengaʼa mbiaʼa, nzhèr skwi nengaʼa dai, a ndav nengaʼa man a slèmbèɗè tsam tsam azɓai, ka kwola ka ɓi ɗè? Ka sun ɓi ɗè, pombi Zhiklè a zhèr ka, aman ka da ngwèdè ndav.

Ephésiens 1:6

a nga ndi a skwi nslébèrdè nʼnjèl nengaʼa, man a mva nga te kra nengaʼa man a woya a ndav na.

Ephésiens 2:4

Aman Zhiklè, man ndo a sia te va kumba, a géɗ mwoy-ndo nengaʼa mbiaʼa, man a woy nga a vna,

Hébreux 10:39

Aman nga te va ndohi man ta mende va ta a deɓa ka ɓai, a ta ze ta; nga co a ndav, a nga mbela nshèffè nga.

Hébreux 3:14

Aman nga gaʼa a ndohi man nga humda a nda Kristi, aman sèi man ndav nga a pa pèc pècèk taraʼa, te nhinkaɗ skwai, a ndè a ma ma ha nʼndikèma skwai.

Hébreux 3:6

Aman Kristi nlèɓèslèʼa, nengaʼa kra gi nengaʼa. Nga, gi nengaʼa, aman nga gshè va a nʼnjèl skwi man nga zhèrè te ndav, a nga fi gèɗ a vna, ha ndikèmaʼa.

Jacques 1:12

Mwuffe a sam ndo man a nza taraʼa man ta pi a wai. Aman ndo man a tsoko gèɗ na auda a sam skwi mpeda a wi ma, a da ngècè skwi mpèɗè gèɗ nshèffè, man Zhiklè a pasla ta ri a ndohi man ta woyaʼa a ndav ta.

Jacques 1:2

Dalahimam ga, aman skwi tsaɗ tsaɗ a pe kinè a wai, va-rka ara mwuffè genè!

1 Peter 1:13

Gar haha va-dzawa va te nhér gèɗ kinè, va-nza a maya, va-ciɗe dai, va-gso va a pombi man kin zhèrè te ndav, a wuɗi tèlè; pombi man kin ngècèʼa, a pats man Yèsu Kristi a da shkè.

1 Peter 3:14

Ko kin si matakwan a géɗ ngi-zuraʼa, mwuffè da zhè a sam kinè! Kin gu zlau tengaʼa ɓai, kin gudzu ɓai!

2 Peter 2:9

Bi Zhiklè a suna, ara man a slaha a mpre ta ndohi man ta woy civèɗ na, auda te skwi man a pe ta a wai, ara man a pe ta ndohi nzura ka ɓai, a hai, ha pats kita, aman a da ga ta kita.