Jacques 4:4 - Ma Zhiklè

⁴ Kinè ndohi mphömè, kin sun ɓi ɗè, ndo man a gi mandala a herkeda, a gi a mayam Zhiklè. Ndo man a woya a gi mandala a herkeda, nengaʼa a ndi a ndo mayam Zhiklè.

Mofa New Testament

⁴ Kinè ndohi mphömè, kin sun ɓi dè, ndo man a gi mandala a herkeda, a gi a mayam Zhiklè. Ndo man a woya a gi mandala a herkeda, nenga'a a ndi a ndo mayam Zhiklè.

Jacques 4:4 ပူးပေါင်းရင်းမြစ်များ

Genèse 3:15

I woya a i pa kinè gèɗ a va a ngwoz ara ndohi mayamhai; a wud ngaya a wuda nengaʼa ba. Nengaʼa a da batsama ka gèd, a ka, ka da je ndudok sak nengaʼa.

Psaumes 21:8

Halau, bai a pi ndav a Ndo nzi pèc pècèk. A gèɗ pombi Zhiklè te géɗèʼa a kèlèhi azɓai.

Psaumes 50:18

Aman ka rka ndo metsar, ka hi ngaya a verzi na, a kin humdè va a ndohi mphömè.

Psaumes 73:27

Na haha, ndohi man ta hi ta auda a sam ngaya, ta zi ta. Tengaʼa man ta jèke ka, ka gedas ta tèlèba.

Esaie 57:3

Aman kinè, wud ngwoz ngwozla, verzi ndohi mphömè, verzi fali dam, vo-washkè!

Jérémie 2:2

Do, njè ta ma a ndohi Jérusalem, a ka gaɗa ta: Ndo nzi pèc pècèk a goɗ ar haha: I hérèʼa, ara man kin woy Zhiklè te wudahai, a kin woy iyè ara medemai: Ara man kin dzadzarkayè tʼhèshèkèɗ, te herkeɗa man skwa a gi a pa azɓai.

Jérémie 9:2

Nda vay gèjèk dak tʼhèshèkèɗ wa? A i jèke ta ndohi ga a pa, a i dè ga; ta tèlèba ndohi mphömè, ndohi ngi rai.

Ezéchiel 16:32

Ngwoz mphömè a woy ndo ngiɗè tsaɗ, baki na ka bai.

Osée 3:1

Ndo nzi pèc pècèk a ngadayè zaʼa: Do, a ka woy ngwoz man a woy ndo ngidè, fali ngwoz, lèmèlèmè ara Ndo nzi pèc pècèk a woy ndohi Israel, a tengaʼa ta jèjèr zhiklèhi mbèh skwai a ta woy zamak.

Matthew 12:39

Yèsu a mʼmbeɗa ta a ma: Ndohi ambaɓihiaʼa, a ndohi mphomaʼa ta jhèɗè skwi malwudai. Aman ta ngècè skwi malwuɗi ngiɗè azɓai, sèi skwi malwuɗi Jonas, ndo nhadka ma.

Matthew 16:4

Ndohi ambaɓihiaʼa, a ndohi mphomaʼa ta jhèɗè skwi malwudai. Aman ta ngècè skwi malwuɗi ngiɗè azɓai, sèi skwi malwuɗi Jonas. A Yèsu a njèke ta, a ndo na.

Matthew 6:24

Ɓèl azɓai, man a slaha a ngi mizlinè babgihi cèw. Gar a gi shèwa a nstaɗ, a woy ngiɗè a ndav na, gar a gshè va a nstaɗ, a nkwola ngiɗè. Kin slaha kin gi ɓèl Zhiklè a ɓèl skwi mèshèlè cèw ɓai.

Luke 19:27

Aman ndohi mayamhi ga, man ta woy iyè a bi tengaʼa ɓai, va-helka ta, va-zlama ta daʼai a sam di ga!

Jean 15:19

Man kinè a herkeda, ar ndohi herkeda ta woy skwi ta. Aman kinè a herkeda ka bai. I par kinè auda te va ndohi herkeda. Gar haha ndohi herkeda ta gi shèwa a kinè.

Jean 17:14

A i va ta ma ngaya; a ndohi herkeda ta ga ta shèwa, te man tengaʼa ta a herkeda ka ɓai, lèmèlèmè ara iyè a herkeda ka ɓai.

Jean 7:7

Herkeda a slaha a ngi shèwa a kinè ɓai, aman nengaʼa a gi shèwa a iyè, te man i ngreda mizlinè nengaʼa man ambaɓai, auda.

Romans 5:10

Aman Zhiklè a mʼmenda gumi a hai te mʼmetsi kra nengaʼa, te va man nga mayamhi Zhiklè dai, holholaʼa antanta, man gèɗ nga mpela ma, nga da mbel nga te nshèffe nengaʼa.

Romans 8:7

Aman skwi man ndo a hérèʼa ara nyakaɗ na, nengaʼa mayam Zhiklè, a fi gèɗ a ma kita Zhiklè azɓai, a slaha ɓai.

1 Corinthians 1:20

Ndo maya kinè tema? Ndo man a slebau maya, ndo man a sun ncèmma tʼherkeda, na tema? Zhiklè a nʼndeda maya herkeda a skwi nrzla ka ɓi ɗè?

1 Corinthians 1:21

Aman herkeda a maya na a slaha a nshin Bi Zhiklè a maya nengaʼa azɓai. Gar haha ambaha Zhiklè, aman a ma mbelaʼa, man ta sia na nrzla, a mbel ta ndohi man ta co a ndav.

Galates 1:10

Anai i gèɗè aman i ambaha ta ndohi ɗè, ɗè Zhiklè ɗè? Aman i woy a i gi ara man ambaha ta ndohai, i ɓèl Kristi ka ɓai.

Jacques 1:27

Njèjèr Zhiklè zuraʼa, lizhèɓiaʼa, a sam di Zhiklè, Bab nga, aranta: Nwèr di mbelawhai, a ngwozi mazihi te nlèyè tengaʼa; mɓir va aman skwi herkeda a lizhèʼa azɓai.