Jacques 3:17 - Ma Zhiklè

¹⁷ Aman maya te géɗèʼa, nengaʼa nzuraʼa, ma nhènèkèa, ma gumai, ma wuɗi ka ɓai, a cè ma ndo ngiɗè ba, ndo a sia te va kumba, a gi skwi man amba, a pèr ndo mpèrè azɓai, a ngwèdè ndo azɓai.

Mofa New Testament

¹⁷ Aman maya te géƋè'a, nenga'a nzura'a, ma nhènèkèa, ma gumai, ma wuƋi ka ɓai, a cè ma ndo ngiƋè ba, ndo a sia te va kumba, a gi skwi man amba, a pèr ndo mpèrè azɓai, a ngwèdè ndo azɓai.

Jacques 3:17 ပူးပေါင်းရင်းမြစ်များ

I Rois 3:12

na haha i gi ara ngèɗ ngaya, a i va ka ndav man a hér maya, man a sun skwai, ara ndo ngiɗè a nʼngatsa zlèzlèa ɓai, ko a ma ma ba azɓai.

I Rois 3:28

A ndohi Israel tèlèba ta tsena ara man Salomon a bèzlè kita nengaʼa, a ta slébèrdè bai. Ta rkaʼa, maya nengaʼa man a bèzlè kita a zhè, man a shkè te ri Zhiklè.

I Rois 3:9

Anai vay ndav man a hér maya, man a slaha a ngi kita ndohi ngaya, a sun ndèl skwi man amba te va skwi man ambaɓai. Man ɓai, nslaha a ngi kita ndohi ngaya mbiaʼa haha wa?

I Chroniques 22:12

Ndo nzi pèc pècèk da va ka maya nshin skwai, da ge ka a bi Israel, da takaha ka, a ka dzodzor ma kita Ndo nzi pèc pècèk, Zhiklè ngaya.

I Chroniques 22:9

Ka da yi kra nguraʼa, nengaʼa ndo gumai. I da va na gumi a sam mayamhi nengaʼa tèlèba, man ta zhè a tsagi na. Ta da baha na Salomon. A pats nshèffè nengaʼa tèlèba, gumi a da zhè te Israel, a ta shèk va.

Job 28:12

Aman ma maya a shkè tema? Sam man ta ngècè maya tema?

Job 28:23

Bi Zhiklè, nengaʼa a sun civèɗèʼa, nengaʼa a sun samaʼa.

Job 28:28

A ngaɗa na ndo: Ngi zlau Bi Zhiklè, nasa maya. Njèkè malai, nasa nshin skwai.

Exode 36:2

A Moise a mbaha na Betsaleel; a Oholiab, a ndohi man ta sun maya mizlinè, man Ndo nzi pèc pècèk a mva ta maya nslebi mizlinè tsaɗ tsaɗ, tèlèba man ndav tengaʼa a ngra ta, to do a sam nengaʼa a ta giaʼa.

Proverbes 2:6

Aman maya a shkè te ri Ndo nzi pèc pècèk; nslebi a nshin skwai a shke auda te ma nengaʼa.

Esaie 2:4

Nengaʼa a da gi kita ndohi herkeda tèlèba, a bèzlè kita a gèɗ ndohi man verzi ta tsaɗ tsaɗ. Ta da hil tsakwal ta, a ta viɗè a devar; a ta da hil su-lom ta, a ta da viɗè a gwodza. Ndohi herkeɗa ngiɗè ta da slambaɗa ta a va ndohi herkeda ngiɗè asaɓai, a ta slebi var te deɓaʼa asaɓai.

Esaie 32:6

Aman ndo man maya na ambaɓai, a gèɗè ma madadau, a ndav nengaʼa a her skwi ambaɓiaʼa. A gi skwi a shèwa, a cèkèlma a gèɗ Ndo nzi pèc pècèk, a va na skwi a ndo man mi a keɗaʼa azɓai, a va na iyam a ndo man iyam a dza na azɓai.

Esaie 40:11

A wèr rèwè na ara ndo mɓer skwai, a humbètè wud tambakihi a ndav nengaʼa, a tiɓish ta a sam staɗ, a lè ta mam tambakihi zhèhèɗ-zhèhèɗèa.

Daniel 1:17

A golahi nfaɗa sa, Zhiklè a mva ta maya nshin ɗèlèwèr tèlèba, a maya tsaɗ tsaɗ. Daniel a slaha a ngredè skwi man a di a shkè, a ngredè verzi nshunè tsaɗ tsaɗ tèlèba.

Mal. 2:9

A géɗ nengaʼa i ga kinè a skwi man a ndara ta ndohi herkeda tèlèba, ara koskosi ndo ambalai, te man kin gsa civèɗ ga ɓai, a kin ɗöl kita nɗèlè.

Mal. 3:3

Ndo nzi pèc pècèk a da nzi a hai, a wèsl skwi tèlèba, a pènè skwi tèlèba, a da til wudahi Lévi, a da wosl ta ara guro a verzhègenè, aman ta va na skwi a Zhiklè zuraʼa.

Matthew 23:28

Kinè lèmèlèmè! A sam di ndohai, a deɓaʼa kinè ara ndohi nzuraʼa. Aman ndav kinè nʼndha a ncèkèlma a mphömè.

Matthew 5:8

Mwuffè a sam ndohi man ndav ta mpana; aman ta da rka Bi Zhiklè.

Matthew 5:9

Mwuffè a sam ndohi man ta tsi gumai; aman ta da baha ta wud Bi Zhiklè.

Luke 21:15

Aman i da va kinè ma a maya, aman ndohi mayamhi kinè ta slaha ta mbeɗa kinè a ma ɓai, a ta shèl va a sam kinè azɓai.

Luke 6:36

Anai, ndo da se kinè te va, lèmèlèmè ara ndohi ta si Zhiklè, Bab kinè, te va.

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Jean 1:47

A Yèsu a nrka Nathanael a shkè a sam na, a ngoɗ a géɗ nengaʼa: Na haha, ndo Israel tas!

Actes 11:24

Aman Barnabas ndo man amba, nʼndha a Mèzhèɓ Zhiklè nkezlaʼa, a nco a ndav a vata.

Actes 9:36

Te Joppé, dem Yèsu ngiɗè a zhè, nzlembaɗ na Tabitha (a daʼai grec Dorcas, ara ngèɗè ‘mènèɗ’). Nengaʼa a ngu skwi man amba kumba, a mva ta skwi a ndohai.

Romans 12:18

Man a gai, va-nza a gumai a nda ndohi tèlèba.

Romans 12:9

Va-woy ndo a vava, a nʼngwèdè ndo ka ɓai! Va-gu shèwa a skwi man ambaɓai, va-zleɓ a va a skwi man amba!

Romans 15:14

Aman i suna a vava, kinè dalahimam ga, kin woy skwi man amba a vava a ri kinè, a ndav kinè nʼndha a nshin skwi tèlèba. Kin slaha kin slebi a va kinè, ngiɗè a ngiɗè.

1 Corinthians 12:8

Ndo ngiɗè a nʼngots te Mèzhèɓ, aman a gèɗè ma maya; ndo ngiɗè man a pèr ma auda te Mèzhèɓ sa;

2 Corinthians 10:1

Iyè, Paul, i bid kinè a ri ga a ndav nlüɓekwaʼa, a maya man amba te Kristi. Aman i a sam kinè, i gi huyo kokoʼa; aman i dra a sam kinè, i gèɗè a wuɗai.

2 Corinthians 6:6

te mɓer va, te nshin skwai, te nzhèr skwi a ma ma, a ndav amba, te Mèzhèɓ nkezlaʼa, te mwoy-ndo a ndav man a vava,

2 Corinthians 7:11

Na haha, nlèyè te ndav, ara Zhiklè man a woyaʼa, a ngu mizlinè te ndav kinè kumba: kin hur a vava, kin tsko gèɗ auda, kin gu ndav, kin gu zlau, mpataka a keɗ kinè a géɗ ga, kin gu gazawa, kin ngu ndzoan! Te skwi tèlèba kin ngreda, ara man mali kinè te skwi haha asaɓai.

2 Corinthians 9:10

Aman Zhiklè man a va na tser skwai a ndo nzlekiʼa, a movar man a ndiaʼa, a slaha a mvi tsera a kinè, a tsera a ngi a vata, a ngi-zuraʼa kinè a yi wuda a ma ma.

Ephésiens 5:9

Vo-do ara wudahi skwi nhél sam. Skwi man a shkè auda te skwi nhél sam: skwi man amba, ngi-zuraʼa, ma nzuraʼa.

Philippiens 1:11

a nyiè kinè ngutsuɓaʼa te ngi-zuraʼa man a shkè te Yèsu Kristi, a da zhè a nslébèrdè a nshid gèɗ a Bi Zhiklè a vna.

Philippiens 4:8

A vaʼa, dalahimam ga, skwi man nzuraʼa, man a maya nlèɓèslèa, man a vava, man nkezlaʼa, man amba, man mbelaʼa, a maya te gèɗ, a nshid gèɗ, va-hur nengaʼa!

Colossiens 1:10

a kin nzi ara man Bai Yèsu a woyaʼa, ara man ambaha, pèc pècèk, a skwi man amba staɗ staɗ tèlèba, a shkè auda te mizlinè kine, a kin grè a ma ma te nshin Zhiklè;

1 Thessalonians 2:7

Ar nga slaha nga fi va a géɗ man nga ndohi sak Kristi; aman nga nza a sam kinè a maya, ara mam wudahai man a wèr di wudahi na.

1 Timothy 5:21

I gaɗa ka a sam di Zhiklè, a sam Yèsu Kristi, a sam golahi Zhiklè man a par ta, ɓür skwi haha tèlèba, ka por skwi mpèrè ɓai, a ka por ndo te di ɓai!

2 Timothy 2:24

Aman ndo mizlinè Yèsu da woy ma ɓai, da goɗ ma amba amba a sam ndohi tèlèba. Da gau a ndo njèngè man amba, man a slaha a nzhüɓ skwi tèlèba ko ma wuɗitpa,

Titus 1:15

A ndohi mpanaʼa, skwi tèlèba mpana. A ndohi man ta ca a ndav ɓai, skwi tèlèba nlizhèʼa; nhér gèɗ ta a mèzhèɓ ndav ta cèw ba.

Titus 3:2

ta dérɗè ndo azɓai, ta gi ndav azɓai, ta woy va ta, ta ngreda ndav nlüɓekwaʼa auda a sam ndohi tèlèba.

Hébreux 12:11

A pats man ta ngez nga, a wuffède nga azɓai, nga kuɗai. Aman te deɓaʼa, ndohi man ta slebau, a ta shkè auda te pa ma, ta nzi a, nshèffè a gumai te ngi-zuraʼa.

Hébreux 12:14

Va-woy gumi a nda ndohi tèlèba, va-woy nshèffe nkezlaʼa. Ndo man nshèffe na nkezle ɓai, a slaha a nrka Bi Zhiklè ɓai.

Jacques 1:17

Skwi man amba tèlèba, skwi mbelambela man nga ngotso, a shkè te géɗèʼa, te ri Bab nhél sam, te nengaʼa nhél sam a ruva ta ngwèdè va azɓai.

Jacques 1:5

Aman maya ndo ngiɗè te ndev kinè a hcè, da tsu ri a Zhiklè, nengaʼa man a woya a va na ko wawa, a ndav amba, a jè-kaha azɓai.

Jacques 2:13

Ndo man ndo a sia te va azɓai, kita ndo man ndo a sia te va azɓai a gshèʼa. Aman nsi ndo te va a fena kita.

Jacques 2:4

Kin pèr ndo mpèrè a ri kinè aranta, a kin ɗèlè a nher skwi man ambaɓi te ndav kinè ka ɓi ɗè?

Jacques 3:15

Maya arsa a shkè te géɗèʼa ka ɓai, aman maya haha a shkè tʼherkeda, te ndo, te madzagai.

Jacques 4:8

Va-herda na va a Zhiklè, a nengaʼa a di a herdeka kinè va. Va-pana ri kinè, kinè ndohi malai, va-tila ndav kinè, kin ndohi nʼngwèdè ndo!

1 Peter 1:22

A géɗ man ndav kinè mpana, va-fu gèɗ a ma nzuraʼa, va-woy kramam kinè te Kristi! Va-woy va kinè, ngiɗè a ngiɗè, pèc pècèk a ndav tèlè!

1 Peter 2:1

Gar haha shèwa tèlèba, ncèkèlma tèlèba, nʼngwèdè-ndo tèlèba, srak a ntsi derngasl tèlèba, va-jèkeda!

1 Peter 2:18

Kinè ndohi mizlinè, va-manda gèɗ kinè a hai a zlau a sam bihi kinè: a sam tengaʼa man ndav ta amba, man ta woy kinè genè ka ɓai; aman a sam tengaʼa ba, man ndav ta ambaɓai.

1 John 3:18

Wudahi ga, ngo-woyokoy va nga a ma genè ka ɓai, a ngèɗè genè ka ɓai, aman a skwi man nga giaʼa a nzuraʼa.

1 John 3:3

Ndo staɗ staɗ man a zhèr skwi haha te ndav na, a til ndav na, ara ndav Yèsu ntilaʼa.