Jacques 2:5 - Ma Zhiklè

⁵ Dalahimam ga, va-tsenaʼa! Zhiklè a mpar ta ndohi ntawassaʼa a géɗ herkeda haha, aman te ncè-a-ndav, ta ndi a ndohi mèshèlè, a ndohi nʼndi kokwar-Bi Zhiklè, man a mpasla ta ri a ndohi man ta woyaʼa a ndav ta.

Mofa New Testament

⁵ Dalahimam ga, vatsena'a! Zhiklè a mpar ta ndohi ntawassa'a a géƌ herkeda haha, aman te ncè-a-ndav, ta ndi a ndohi mèshèlè, a ndohi n'ndi kokwar-Bi Zhiklè, man a mpasla ta ri a ndohi man ta woya'a a ndav ta.

Jacques 2:5 ပူးပေါင်းရင်းမြစ်များ

I Rois 22:28

A Michée a ngaɗa: Aman ka da ndikakaɗa deɓa amba amba, ar Ndo nzi pèc pècèk a nhadka ma te iyè ɓai. A goɗ a vaʼa: Kinè tèlèba, ndohai, va-tsenaʼa!

Job 34:10

Gar haha kinè man kin sun maya, va-tsena ma ga! Skwi ambaɓiaʼa dra a sam Zhiklè, mali dra a sam Zhiklè Bi-wuɗai!

Job 34:19

Nengaʼa man a pi a wud bihai azɓai, a ndohi mèshèlè a ndohi ntawassaʼa azbai, ta tèlèba ri nengaʼa a ngau.

Job 38:14

a herkeda a ngwoda na ara rɓasl te ri ndohai, a m vècè tsaɗ ara maslaka,

Exode 20:6

A i va ta pombai a ndohi gozhèm gozhèm kumba, man ta woy iyè a ta gi ara ma ga.

Proverbes 13:7

Ndo ngiɗè a fi va na a ndo mèshèlè, ko skwi na azɓi ba; ndo ngiɗè a fi va na a ndo ntawassaʼa, ko skwi na a zhè kumba.

Proverbes 7:24

Anai, kra ga, tsena ma ga, fu zlembaɗ a ma man i gada ka.

Proverbes 8:32

Anai, wudahi ga, va-tsena ma ga! Mwuffè a sam ndo man a jèjèr civèɗ ga.

Esaie 14:32

Ta da mbeɗa na a ma a ndo sak tengaʼa a ma mè? Ndo nzi pèc pècèk a ngau Sion. A mbelaw ndohi te va ndohi na ta da hi a pa.

Esaie 29:19

Mbela-wahai ta da wuffè zaʼa, a géɗ Ndo nzi pèc pècèk, a ndohi ntawassa holholaʼa ta slébèrdè Zhiklè Israel nkezlaʼa.

Sophonie 3:12

Aman i da jèkeda te va kinè ndohi man ta manda gèɗ a hai, ta az a vata ɓai, man ta fu nzlembaɗ Ndo nzi pèc pècèk a skwi mʼmbél ta.

Zacharie 11:11

Mpraʼa a pats nasa. A ndohi nwèr tambakihai man ta pu di a iyè, ta suna, ma Ndo nzi pèc pècèk a ngau.

Zacharie 11:7

A i war tambakihi man ta woy a ta zli daiaʼa. I hui gadhi cèw. Staɗ i baha na ‘pombai’, ngiɗè i baha na ‘nhumdè va’. A i war ta tambakihi a vna.

Matthew 11:5

mandazlihi ta rka dai, ndohi vedal ta dè a sak ta, ndohi hutsoɗ ta suɗ ta, ndaɓazlamhai ta tsena zlembaɗ, ndohi mʼmetsaʼa ta slambaɗ ta. Ma mbelaʼa, ta njè a sam ndohi ntawassaʼa.

Matthew 25:34

A bai a da gaɗa ta tengahi nte civèɗ ri mandi na: Vo-washkè, kinè ndohi man Bab ga a pshè kinè ma. Va-ndau kokwar-Bi nengaʼa, man ntila a géɗ kinè te nhinkaɗ herkeda.

Matthew 5:3

Mwuffè a sam tengaʼa man ndohi ngiɗè ta sla ta ndohi ntawassaʼa te maya.

Marc 7:14

Te deɓaʼa, aman a mbaha ta ndohi rèdèdèʼa a sam na zaʼa, a ngaɗa ta: Va-tsena ma ga, kin tèlèba, a kin suna!

Luke 12:21

Gar haha ndo man a ɓicè skwai a va na, a nʼngatsa skwi mèshèlè a sam Zhiklè ɓai.

Luke 12:32

Kin gu zlau ɓai, kinè rèwè nkèshèa; aman Zhiklè a woya a va kinè kokwar Bi nengaʼa.

Luke 16:22

Te deɓaʼa ndo ntawassaʼa a mʼmets na, a golahi Zhiklè ta zuɓda a sam Abraham. A ndo mèshèlè ba a mʼmets na, a ta rda a vèvèɗ.

Luke 16:25

Abraham a ngaɗa na: Huro, a kra ga, te va man ka zhè a géɗ herkeda, ka ngots skwi ngaya man amba, a Lazare a nʼngots skwi man ambaɓai. Antanta ta bidèʼa a haha, a skwi mwuɗitpa a ga ka.

Luke 22:29

A i gaɗa kinè: Lèmèlèmè ara man nga derzla ma a Bab ga a vay kokwar bai,

Luke 6:20

A Yèsu a mpu di a golahi nengaʼa, a ngaɗa: Mwuffe a sam kinè, ndohi ntawassaʼa; aman kokwar Bi Zhiklè a kinè!

Jean 7:48

Ndo mbiaʼa te va ndohi pharisie, man a nco a ndav, ngiɗè a zhi dè?

Actes 7:2

A nengaʼa a ngaɗa: Dalahimam ga, babhi ga haha, va-tsenaʼa! Bi Zhiklè, Bab nʼnjèlè, a ngudoko na va a dai a Abraham, bab nga, te va man a zhè te kokwar Mèsopotamie dai, a nʼnza a Charran di ɓai,

Romans 8:17

Aman nga wudahi na, nga ndohi man, ta ngècè skwi Zhiklè a nda Kristi; aman nga si matakwan a nda nengaʼa antanta, nga da ngècè nʼnjèlè nengaʼa te deɓaʼa.

1 Corinthians 2:9

Aman a gau, ara man ɗèlèwèr Zhiklè a gaɗa: Skwi man di ndo a rka ɓai, a zlembaɗ ndo a tsena ɓai, skwi man a nshkè a ndav ndo di ɓai, skwi man Zhiklè a tila ta ndohi man ta woyaʼa.

2 Corinthians 4:15

Skwi tèlèba a gi a géɗ kinè, aman pombi mbiaʼa te ndohi kumba a gi a nshid gèɗ kumba a nʼnjèl Zhiklè.

2 Corinthians 6:10

Nga ndohi man nga kuɗai, aman nga wuffè pèc pècèk ba. Nga ndohi ntawassaʼa, aman nga ga ta ndohi kumba a ndohi mèshèlè genè. Nga ndohi man nga ngatsa skwi ɓi fèt, aman skwi tèlè a nga genè.

2 Corinthians 8:9

Aman kin sun pombi Bi nga Yèsu Kristi, ko nengaʼa ndo mèshèlè, a nʼnde na a ndo ntawassaʼa, a géɗ kinè, a géɗ man te ntèwèshè nengaʼa kin ndi a ndohi mèshèlè.

Ephésiens 1:18

Da wina di kinè, aman kin shin skwi man kin zhèrè te ndav, man a baha kinè a pa, a nʼnjèl skwi Zhiklè mbiaʼa man kin da ngècèʼa man a va ta ndohi nengaʼa.

Ephésiens 3:8

A mvay skwi haha a iyè, ntabaw ndohi Zhiklè tèlèba, aman i njè ta mèshèlè Kristi, man a ndev ɓai, a ndohi nte deɓa,

1 Thessalonians 2:12

A nga fa kinè ma a gèɗ, aman sèi kin nza a kin nzala Bi Zhiklè, man a baha kinè a sam kokwar-Bi nengaʼa, a sam nʼnjèl nengaʼa.

2 Thessalonians 1:5

Antanta kita nzuraʼa man a Zhiklè a nʼngreda auda. Amba aman kin ngècè kokwar-Bi Zhiklè, a géɗ nengaʼa man kin si matakwan.

1 Timothy 6:18

Gaɗa ta, aman ta gi skwi man amba, mizlinè man amba kumba da gu a skwi mèshèlè tengaʼa; aman ta vi skwai, a ta woy ndo.

2 Timothy 4:18

Aman Bai Yèsu a da ɓeryè te skwi ambaɓiaʼa tèlèba, a da mbelyè, a diyè a kokwar Bi nengaʼa te zhiklè. A sam nengaʼa nʼnjèlè te nhinkaɗ na a mèdèp! Amen!

2 Timothy 4:8

anai skwi mpèɗè gèɗ ngi-zuraʼa ntila tʼhi a géɗ ga, nengaʼa man Bai Yèsu, man a gi kita zuraʼa a da vayè a pats nasa, a ga gene ka ɓai, aman a ndohi tèlèba, man ta woyaʼa, a pats man a da gudko va a dai.

Hébreux 11:26

A nrka skwi ndzi a géɗ Kristi ara skwi mbiaʼa, a fena skwi mèshèlè te kokwar Egypte tèlèba, te man a mpu di a skwi ntulè man a ma, man a da ngècè te deɓaʼa.

Jacques 1:12

Mwuffe a sam ndo man a nza taraʼa man ta pi a wai. Aman ndo man a tsoko gèɗ na auda a sam skwi mpeda a wi ma, a da ngècè skwi mpèɗè gèɗ nshèffè, man Zhiklè a pasla ta ri a ndohi man ta woyaʼa a ndav ta.

Jacques 1:16

Dalahimam ga, kin zlak kinè ɓai!

Jacques 1:19

Dalahimam ga, va-suna, ndo staɗ staɗ tèlèba da wosla va a ncinè ma, da goɗ ngèɗè tsam tsam ɓai, da gu ndav tsam tsam ɓai.

Jacques 1:9

Kramam nkèshèa, mohova ndo, da dzugor va a géɗ man Bi Zhiklè a slambaɗda na gèɗ.

1 Peter 1:4

a skwi man nga ngècè te ri Zhiklè man a gedèshè azɓai, a lizhè azɓai, a zi azɓai, ta ɓera kinè te zhiklè te géɗèʼa,

2 Peter 1:11

Ar haha kin ngots civèɗ a kokwar-Bi a Bi nga a Ndo mʼmbel nga Yèsu Kristi, kokwar-Bi man a nzi a mèdèp.

Apocalypse 2:9

I sun matakwan ngaya a ntèwèshè ngaya; aman ka ndo mèshèlè genè. I sun ndohi man ta derɗe ka, man ta gaɗa, nga ndohi Juif, aman ta ndohi Juif ka ɓai, ta ndohi gi njèngè ma Sadan.

Apocalypse 21:7

Ndo man nʼngaʼa a ngulaʼa, a da ndi skwi haha tèlèba. Iyè, Zhiklè na, a nengaʼa kra ga.

Apocalypse 3:18

I gaɗa ka ma maya staɗ: sèi ka shum guro man vogwa a mwoslaʼa, a ka ndi a ndo mèshèlè; a ka shum maslaka nslekaɗaʼa, a ka feda a va, a hori ngaya man ka adai a gidè auda azɓai; a ka shum madzaf dai, a ka da geda a di ngaya, a ka rka di zuraʼa.

Juges 9:7

Ndo ngiɗè a nʼngra na Jotham. A nengaʼa a mdo a géɗ za Garizim, a mboho, a ngaɗa ta: Kinè ndohi Sichem, va-tsena ma ga! Bi-Zhiklè da tsena ma kinè!

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.

I Samuel 2:8

Mbelaw ndo a ftkoɗauda te mèrwèc, ndo ntawassaʼa a ckoɗauda te va koskosai, aman a nʼnzede ta a va bihai, a va ta sam nʼnzi bi mbiaʼa. Aman skwi ngshè verzi herkeda, a Ndo nzi pèc pècèk. A nfa na herkeda a gèɗ.