Jacques 2:14 - Ma Zhiklè

¹⁴ Ndo a ngècè mè, dalahimam ga, aman a gaɗa: i co a ndav, te deɓaʼa a gi skwi ara man a nca a ndav ɓai. Ncè-a-ndav arsa a slaha man a mbelaʼa ɗè?

Mofa New Testament

¹⁴ Ndo a ngècè mè, dalahimam ga, aman a gaƋa: i co a ndav, te deɓa'a a gi skwi ara man a nca a ndav ɓai. Ncè-a-ndav arsa a slaha man a mbela'a Ƌè?

Jacques 2:14 ပူးပေါင်းရင်းမြစ်များ

Jérémie 7:8

Aman na haha kin gshè va a ncèkèl-ma, man a takaha kinè azɓai.

Matthew 5:20

Aman iyè i gaɗa kinè: Sèi ngi-zura kinè a fena ngi-zura malamhaì a ndohi pharisie mbelembela, man ɓai kin dè a kokwar-Bi-Zhiklè azbai.

Luke 3:11

A nengaʼa a mʼmbeɗa ta a ma: Ndo man a ngots maslaka cèw, da va na ndo man maslaka na azɓai. Ndo man a ngots skwi nʼndai, da gu lèmèlèmè arsa.

Luke 6:49

Aman ndo man a tsenaʼa, a gi arsa azɓai, nengaʼa lèmèlèmè ara ndo man a ramda gi nengaʼa a géɗ wyak, verzia azɓai. A iyam mbiaʼa a hai, a tsi gai, tsam tsam mʼmbeɗa, ngedas sa tèlè.

Actes 15:9

a pèr ndo mpèrè ka ɓai, a mpana ndav tengaʼa man ta co a ndav lèmèlèmè ara man a nga.

Actes 8:13

Simon ba a nco a ndav, a ngu baptême, a ngso va a Philippe. Aman a rka nrkedi a skwi man a gau, a nrzl na.

Actes 8:21

Ka ngècè skwi haha azɓai, te man ndav ngaya nzura ka ɓai a sam Bi Zhiklè.

Romans 2:25

Nʼngél ngwon amba, aman ka jèjèr ma kita Zhiklè. Aman ka jèjèr ma kita Zhiklè azɓai, ka ndo man ngwon nʼngela, ka lèmèlèmè ara ndo man ngwon nʼngel ɓi ma.

1 Corinthians 15:2

te nengaʼa kin mbel kinè, man kin gshèʼa a ri cèw, ara man i njè kinè; man ɓai, ncè-a-ndav kinè skwi ambali genè.

1 Corinthians 16:22

Ndo man a woya Bai Yèsu te ndav ɓai, da phomda! Bai Yèsu, washkè!

Galates 5:13

Aman kinè, dalahimam ga, Zhiklè a baha kinè a sam mpraʼa. Aman va-gu maya, aman a géɗ man kin pra tʼuda ma, kin va na civèɗ a ntétékè te va kinè ɓai. Aman te mwoy-ndo, ngiɗè da takaha ngiɗè, ngiɗè da takaha ngiɗè.

Galates 5:6

Aman te Kristi Yèsu, ko ngwon nʼngela, ko ngwon nʼngel ɓai, skwi ambalai; sèi ncè-a-ndav te mwoy-ndo.

1 Thessalonians 1:3

a nga hér mizlinè kinè te ncè-a-ndav pèc pècèk, a mizlinè kinè te mwoy-ndo a ndav, ara man kin nzi te nzhèr Bi nga Yèsu Kristi te ndav, a sam Zhiklè, Bab nga.

1 Timothy 1:5

Ndikèma ma nkwèr Zhiklè: mwoyndo a ndav, man a shkè te ndav mpana, mèzhèɓ ndav man amba, ncè-a-ndav mberzlalahaʼa genè ka ɓai.

1 Timothy 4:8

Sundo zlau Zhiklè a ri ngaya! Mwu-shè va a takaha ka kètè genè; aman zlau Zhiklè a takaha ka te skwi tèlèba. Zlau Zhiklè a mpasla nga ri a nshèffe tʼherkeda antanta, a nshèffè man a di a shkè.

Titus 1:16

Ta gaɗa, nga sun Zhiklè, aman te skwi man ta giaʼa, ta ngwè-dèʼa. Tengaʼa ndohi man ta ndara na Zhiklè, a ta fi gèɗ a ma nengaʼa azɓai, a mizlinè man amba ko staɗ ta slaha a ta gia ɓai.

Titus 3:8

Ma haha ma nzuraʼa a vava. I woy a ka njè ma haha a wuɗai, aman ta ngats ta ndohi man ta co Zhiklè a ndav te ngi skwi man amba. Na haha amba, a takaha ndo.

Hébreux 11:17

A géɗ ncè-a-ndav nengaʼa, Abraham a mvau Isaac a pats man Zhiklè a njkeda, a mvau kra nengaʼa, kra nengaʼa staɗgenè, ko a nʼngots ma mpèsl ri a géɗ nengaʼa ma.

Hébreux 13:9

Va-gu maya aman njè-ma ngiɗè tsaɗ tsaɗ da ngazl kinè a ri ɓai. Amba, aman ndav nga a ngècè wuɗai te pombi Zhiklè, te nhér gèɗ a géɗ skwi nʼndi genè ka ɓai; a takaha ta tengaʼa man ta jèjèrèʼa arsa, azɓai.

Jacques 1:16

Dalahimam ga, kin zlak kinè ɓai!

Jacques 2:16

a ndo ngiɗè te ndev kinè a gaɗa ta: Vo-do a gumai! Va-da dzu vogwa, da ɓaza va a skwi nʼndai! A kin va ta skwi man ta woyaʼa ɓai, a takaha ta a mè?

Jacques 2:18

Man ndo ngiɗè a gaɗa: Ka, ka co a ndav, aman iyè, i gi skwaʼa: ngray ncè-a-ndav ngaya, te nengaʼa ngi skwi a shkè auda azɓai, a i da ngra ka skwi man i giaʼa, man a shkè auda te ncè-a-ndav ga.

Jacques 2:26

Va ndo, man nshèffè na azɓai, mʼmetsa; lèmèlèmè ncè-a-ndav man a gi skwa azɓai, nara skwi mʼmetsaʼa.

2 Peter 1:5

Ani haha, va-gu maya a géɗ skwi haha: va-ngatsa na maya nshèffè te ndav a va ncè-a-ndav kinè; va-ngatsa na maya te gèɗ a va maya nshèffè te ndav;