Jacques 1:17 - Ma Zhiklè

¹⁷ Skwi man amba tèlèba, skwi mbelambela man nga ngotso, a shkè te géɗèʼa, te ri Bab nhél sam, te nengaʼa nhél sam a ruva ta ngwèdè va azɓai.

Mofa New Testament

¹⁷ Skwi man amba tèlèba, skwi mbelambela man nga ngotso, a shkè te géƋè'a, te ri Bab nhél sam, te nenga'a nhél sam a ruva ta ngwèdè va azɓai.

Jacques 1:17 ပူးပေါင်းရင်းမြစ်များ

Genèse 41:16

A Joseph a mʼmbeɗa na a ma Pharaon: I ka ɓai, aman Bi Zhiklè a da ngra na Pharaon ma man amba.

I Chroniques 22:12

Ndo nzi pèc pècèk da va ka maya nshin skwai, da ge ka a bi Israel, da takaha ka, a ka dzodzor ma kita Ndo nzi pèc pècèk, Zhiklè ngaya.

I Chroniques 29:19

A Salomon, kra ga, va na ndav man a pi gèɗ cèw azɓai, man a jèjèr ma nkwèr ngaya, ma malwuɗi ngaya, ma ngaya man a de nga, a nrufa tèlèba, a rèm gi Zhiklè man i tilda skwi a hi a gèɗ nengaʼa!

Psaumes 102:27

Ta da ndiv ta; aman ka, ka nza. Tengaʼa tèlèba ta hal ta ara maslaka. Ka da ngwèd ta ara maslaka, a ta zi ta.

Psaumes 122:6

Vo-dzhoɗo gumai a géɗ Jérusalem! Ndohi man ta woy ka, da nza tètèʼa.

Psaumes 136:7

Nengaʼa man a gu skwi nhél sam mbiaʼa; aman pombi nengaʼa a nzi a mèdèp.

Psaumes 84:11

Aman pats staɗ te gala ngaya a fena mʼmèn 1.000 a dala. Dara man i zlatsa a ntamagi Zhiklè ga, a géɗ man i nzi te gi ndohi ambaɓihiaʼa tʼhwaɗaʼa.

Psaumes 85:12

Nlèbèslè a fee tʼherkeda, a ngi-zuraʼa a gudko gèɗ a hai te géɗèʼa.

Proverbes 2:6

Aman maya a shkè te ri Ndo nzi pèc pècèk; nslebi a nshin skwai a shke auda te ma nengaʼa.

Esaie 28:26

Skwi man ta sun ngi aranta, Zhiklè a ngra ta, a nsenda ta.

Esaie 45:7

I gi skwi nhél sam, i gi ruva, i tsi gumai, i vi matakwan, iyè Ndo nzi pèc pècèk, man i gi skwi haha tèlèba.

Esaie 46:10

Tʼhinkaɗ na i njè kinè skwi man a da gai; halaʼa, man nʼnga di ɓai. I gaɗa: Skwi man i huro, i giaʼa; skwi man i woya a i giaʼa, i rufaʼa.

Esaie 60:19

Pats a gi a skwi nhél sam ngaya asaɓai; kia a hél sam ngaya asaɓai; aman Ndo nzi pèc pècèk, nengaʼa skwi nhél sam ngaya a mèdèp. Zhiklè ngaya, nengaʼa a nʼnjèl ngaya.

Mal. 3:6

Aman iyè, Ndo nzi pèc pècèk, i ngwèdè va ga azɓai; aman kinè, wudahi Jacob, kinè arsa genè!

Nombres 11:17

Te debaʼa i da shkè hai, a i da gada ka a pa. A i ce te va mèzhèɓ man a zhè a géɗ ngaya, a i va ta a géɗ a tengaʼa, a ta zhüɓ skwi mwuɗit pa a sam ndohai a nda ka, ka a géɗ ngaya ka bai.

Nombres 11:25

A Ndo nzi pèc pècèk a mshkèhi te va vanai, a ngaɗa na: A mco te va mèzhèɓ a gèɗ Moise auda, a mpa ta a gèɗ ndohi 70, ndohi nhalaʼa. Aman mèzhèɓ a zhè a gèɗ tengaʼa ma, ta hüno a ta hodko ma: aman to do a ma ma a vna bai.

Nombres 23:19

Zhiklè nara ndo ka bai, a cèkèlma azbai, kra-ndo ka bai, man a mindè ma na a deɓa. Skwi man a mpasla ri a pa, a rufaʼa azɓi dè? Ma man a ngoɗa, a giaʼa azɓi dè?

Matthew 7:11

Ani haha kinè ndohi ambaɓihiaʼa, a kin sun mvi skwi man amba a wudahi kinè. Bab kinè te zhiklè a fenaʼa, aman a va ta skwi man amba a tengaʼa man ta jhèɗè azɓi ɗè?

Luke 11:13

Ani haha kinè, ndohi ambaɓihiaʼa, kin sun nvi skwi man amba a wudahi kinè. Bab kinè te zhiklè a fenaʼa, aman a va ta Mèzhèɓ Zhiklè nkezlaʼa a tengaʼa man ta jhèɗèʼa. (Mt. 12, 22-30; Marc 3, 19-27)

Jean 1:9

Skwi nhél sam, skwi nhél sam nzuraʼa, man a shkè a herkeda, a hela ta sam a ndohi tèlèba.

Jean 3:27

Jean a mʼmbeɗa ta a ma: Ndo a slaha a ngècè skwi azɓai, man Zhi-klè a nva na ɓai.

Jean 3:3

Yèsu a mʼmbeɗa na a ma: A vava, a vava i gaɗa ka: Aman ndo a yakaɗi mɓuaʼa te Zhiklè ka ɓai, a slaha man a nrka kokwar-Bi-Zhiklè ɓai.

Jean 8:12

A Yèsu a ngaɗa ta zaʼa: Iyè, skwi nhél sam herkeda. Ko wawa man a dzadzar-kayè, a dè te ruva azɓai, aman a ngècè skwi nhèl sam nshèffè.

Actes 11:18

Aman ta tsenaʼa, ta nza tètè, a ta slubordo Zhiklè, a ta gaɗa: Gar haha Zhiklè a gi aman ndohi te verzi ta tsaɗ tsaɗ ta ngwèdè ndav ta, a ta ngècè nshèffè.

Actes 5:31

Nengaʼa, Zhiklè a nzalaʼa a ri mandi nengaʼa, aman a gi a ndo ncè ta ma ndohai, a ndo mʼmbel ndo, aman kokwar Israel a ngwèdè ndav na, a ngècè mpre malai.

Romans 6:23

Skwi ntul malai, mʼmetsai. Aman skwi man nga ngècè te ri Bi Zhiklè, ambalai, nshèffè a mèdèp te Kristi Yèsu, Bi nga.

1 Corinthians 4:7

Nʼnge ka a mbiaʼa man a fena ndohi ngiɗè, wa? Skwi te ri ngaya, man ka ngatsa ambali ɓi, mè? Aman ka ngots ambalai, ka jégèr va ara man ka ngotso ambali ka ɓai, èhèmè?

2 Corinthians 4:6

Aman Zhiklè man a ngaɗa na skwi nhél sam: Hulko gèɗ auda te ruva! Nengaʼa a nhul sam te ndav nga, aman te nga, sam nhelaʼa a ngrédè auda, a nga slaha a nga shin nʼnjèl Zhiklè a sam di Yèsu Kristi.

Ephésiens 1:18

Da wina di kinè, aman kin shin skwi man kin zhèrè te ndav, man a baha kinè a pa, a nʼnjèl skwi Zhiklè mbiaʼa man kin da ngècèʼa man a va ta ndohi nengaʼa.

Ephésiens 2:8

Aman a pombai kin mbel kinè, a ncè-a-ndav; a ri kinè ka ɓai; Zhiklè a mva kinè;

Deutéronome 4:19

Skwi te giɗfèk tèièba, ara pats, kia, bantihai, skwi a giɗfèk tèièba, da pe kinè a wi ɓai, kin tsu ri a tengaʼa ɓai, kin gurɓahi a sam ta ɓai! Ndo nzi pèc pècèk Zhiklè kinè a ngeda a giɗfèk a gèɗ ndohi herkeda tèlèba.

Philippiens 1:29

Aman kin ngots pombai te Kristi, a kin cè nengaʼa a ndav, a kin si matakwan a géɗ Kristi ba.

1 Timothy 6:16

nengaʼa staɗgenè, man a metsi azɓai, nengaʼa man a nzi a sam nhélaʼa, man nga slaha nga dè a pa azɓai, man ndo a nrka di ɓai, man ndo a slaha a nrka ɓai, nslébèrdè a wuɗai pèc pècèk a mèdèp. Amen.

Hébreux 13:8

Yèsu Kristi lèmèlèmè ara madatsa, a patsna, a mèdèp.

Jacques 1:5

Aman maya ndo ngiɗè te ndev kinè a hcè, da tsu ri a Zhiklè, nengaʼa man a woya a va na ko wawa, a ndav amba, a jè-kaha azɓai.

Jacques 3:15

Maya arsa a shkè te géɗèʼa ka ɓai, aman maya haha a shkè tʼherkeda, te ndo, te madzagai.

Jacques 3:17

Aman maya te géɗèʼa, nengaʼa nzuraʼa, ma nhènèkèa, ma gumai, ma wuɗi ka ɓai, a cè ma ndo ngiɗè ba, ndo a sia te va kumba, a gi skwi man amba, a pèr ndo mpèrè azɓai, a ngwèdè ndo azɓai.

1 John 1:5

Ma haha, nga tsenaʼa a sam Yèsu, a nga njè kinè: Zhiklè, skwi nhél sam, ruva az a sam na ɓai.

1 John 4:10

Mwoy-ndo te man nga nwoy Bi Zhiklè ka ɓai, aman a géɗ man nengaʼa a nwoy nga, a nzlündo kra nengaʼa a skwi mpil gèɗ mali nga.

Apocalypse 21:23

Kokwar nʼnza, skwi nhel sam azɓai, ko pats, ko kia. Aman nʼnjèl Zhiklè a hél sam; kra tambak skwi nhél samaʼa.

Apocalypse 22:5

Vaɗ a da gi asaɓai, ko pitirla, ko pats azɓai, aman Zhiklè, Bai, a da hela ta sam. A ta gi bai a mèdèp.

I Samuel 15:29

Nengaʼa man nʼnjèl Israel, a cèkèlma azɓai, a ngwèdè ndav azɓai; nengaʼa ndo man a ngwèdè ndav na ka ɓai.