Jacques 1:12 - Ma Zhiklè

¹² Mwuffe a sam ndo man a nza taraʼa man ta pi a wai. Aman ndo man a tsoko gèɗ na auda a sam skwi mpeda a wi ma, a da ngècè skwi mpèɗè gèɗ nshèffè, man Zhiklè a pasla ta ri a ndohi man ta woyaʼa a ndav ta.

Mofa New Testament

¹² Mwuffè a sam ndo man a nza tara'a man ta pi a wai. Aman ndo man a tsoko gèƌ na auda a sam skwi mpeda a wi ma, a da ngècè skwi mpèƌè gèƌ nshèffè, man Zhiklè a pasla ta ri a ndohi man ta woya'a a ndav ta.

Jacques 1:12 ပူးပေါင်းရင်းမြစ်များ

Genèse 22:1

Te deɓ nengaʼa, Bi Zhiklè a woya a njkeda Abraham, a ngaɗa na: Abraham! A Abraham a mʼmbeɗa na a ma: Iyè a nai!

Néhémie 1:5

I gaɗa: Ka Ndo nzi pèc pècèk, Zhiklè te zhiklè te géɗèʼa, Zhiklè mbiaʼa, mwuɗitpa, man ka prè nderzlè-ma te pombai a nda ndohi man ta woya a ta jèjèr ma nkwèr ngaya, azɓai.

Job 2:10

A Job a ngaɗa na: Ka gèɗ ma ara ngwozi nrzlaʼa. Aman nga ngots skwi man amba te ri Bi Zhiklè, nga cè skwi ambaɓiaʼa ba azɓi dè? Te skwi haha tèlèba Job a nʼnga mali te ma na ɓai.

Job 5:17

Gar haha, mwuffe a sam ndo man Bi Zhiklè a ngatsa na maya. Aman Zhiklè Bi-wuɗai a ngez ka, ka kwola ɓai!

Psaumes 11:5

Ndo nzi pèc pècèk a jkeda ndo nzuraʼa a ndo ambaɓiaʼa, a gi a mayam ndo man a gi shèwa.

Psaumes 119:67

Ga ka manday gèɗ a hai, i zlak ga. Aman antanta i jèjèr ma ngaya.

Psaumes 119:71

Amba, aman Zhiklè a manday gèɗ a hai, a i da shindè ma ngaya man a de nga.

Psaumes 119:75

Ndo nzi pèc pècèk, i suna, kita ngaya kita nzuraʼa, a ka manday gèɗ a hi a vava.

Psaumes 5:11

Zhiklè, fata mali a gèɗ! Nèʼèn tengaʼa da ngwoda ta ma a gèɗ! Dzam ta a géɗ mali tengaʼa man ta gi a vata, a géɗ man ta slambaɗa ka va.

Psaumes 94:12

Ndo nzi pèc pècèk, mwuffè a sam ndo man ka ngatsa na maya, man ka slebda na ma kita ngaya,

Exode 20:6

A i va ta pombai a ndohi gozhèm gozhèm kumba, man ta woy iyè a ta gi ara ma ga.

Proverbes 17:3

Ara gezla a wèsl züdo a guro, lèmèlèmè arsa Ndo nzi pèc pècèk a jkeda ndav ndohai.

Esaie 64:4

Ka dè a ma tengaʼa man ta gi skwi nzu-raʼa, a ta hér civèɗ ngaya. Ka gu ndav, aman nga gu mphömè, skwi man ambaɓai, a nga slambaɗka ka a va nʼnzi a zhè. Aman nga da mbel nga genè!

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Matthew 10:22

Tèlèba ta da gi shèwa a kinè, a géɗ nzlembaɗ ga. Aman nengaʼa man a dè a ma ma a slagama, ha skwi a ndev na, a mbel na.

Matthew 25:34

A bai a da gaɗa ta tengahi nte civèɗ ri mandi na: Vo-washkè, kinè ndohi man Bab ga a pshè kinè ma. Va-ndau kokwar-Bi nengaʼa, man ntila a géɗ kinè te nhinkaɗ herkeda.

Luke 6:22

Mwuffe a sam kinè, aman ndohi ta ga kinè shèwa, a ta kwol kinè, a ta phomde kinè, a ta derde nzlembaɗ kinè, a géɗ kra-ndo.

Romans 5:4

A géɗ man nga zhèr skwia dai, nga nzi taraʼa; a géɗ man nga nzi taraʼa, nga zhèrè te ndav.

Romans 8:28

Aman nga suna, skwi tèlèba ta mbi a ma a ngi amba a sam tengaʼa man ta woy Zhiklè a ndav ta, a sam tengaʼa man Zhiklè a mpar ta, ara man a huro halaʼa.

1 Corinthians 2:9

Aman a gau, ara man ɗèlèwèr Zhiklè a gaɗa: Skwi man di ndo a rka ɓai, a zlembaɗ ndo a tsena ɓai, skwi man a nshkè a ndav ndo di ɓai, skwi man Zhiklè a tila ta ndohi man ta woyaʼa.

1 Corinthians 8:3

Aman ndo man a woy Bi Zhiklè, Zhiklè a sun nengaʼa.

1 Corinthians 9:25

Aman ndo staɗ staɗ tèlèba man a gi var, a ɓir va na te skwi tèlèba; tengahia ngiɗè, aman ta da pa ta skwi var a va man a gédèsh na, a tengahia ngiɗè skwi var man a gédèshè azɓai.

Deutéronome 13:3

ka fu zlembaɗ a ma ndo nhadka ma sa a ndo man nshunè a keɗaʼa sa ɓai! Aman Ndo nzi pèc pècèk, Zhiklè ngaya, a jkede ka, a woy a suna, ka gshè va a Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba ɗè, ɗè azɓi dè.

Deutéronome 7:9

Gar haha sèi kin suna, Ndo nzi pèc pècèk, Zhiklè kinè, nlèɓèslèa, man a jèjèr nderzlè-ma nengaʼa. A tengaʼa man ta woyaʼa, a ta jèjèr ma nkwèr nengaʼa, a va ta pombai, ha a ndikè a verzi wud wud ta a gi 1.000.

Deutéronome 8:2

Sèi ka hér civèɗ tèlèba man Ndo nzi pèc pècèk, Zhiklè ngaya, a de ka tʼhèshèkèɗ, mvi 40, aman a manda ka gèɗ a hai, aman a jkede ka, aman a shin skwi man ka hérè te ndav ngaya, gar ka jèjèr ma nkwèr nengaʼa, gar ka jèrèrèʼa azɓai.

2 Timothy 2:15

Gu maya maya, ngreda va ngaya auda a sam Bi Zhiklè ara ndo mizlinè nzuraʼa, ma az a gèɗ ngaya ɓai, aman ka njè ma zuraʼa tsarayaʼa.

2 Timothy 4:8

anai skwi mpèɗè gèɗ ngi-zuraʼa ntila tʼhi a géɗ ga, nengaʼa man Bai Yèsu, man a gi kita zuraʼa a da vayè a pats nasa, a ga gene ka ɓai, aman a ndohi tèlèba, man ta woyaʼa, a pats man a da gudko va a dai.

Hébreux 10:32

Aman va-hur patshi man ta kala a deɓa ma, aman di kinè mwina tok tok, a kin nza taraʼa te skwi mwuɗitpa mbiaʼa.

Hébreux 11:17

A géɗ ncè-a-ndav nengaʼa, Abraham a mvau Isaac a pats man Zhiklè a njkeda, a mvau kra nengaʼa, kra nengaʼa staɗgenè, ko a nʼngots ma mpèsl ri a géɗ nengaʼa ma.

Hébreux 12:5

A ma man a bid kinè ara wudahi na a vna, mpca kinè a gèɗ, man a gaɗa: Kra ga, aman Bi Zhiklè a ngez ka dai, ka kwola ɓai; aman nengaʼa a ndah ka, ntulè da keɗ ka ɓai.

Hébreux 6:15

A Abraham a nʼngots skwi man mpasla na ri a pa, te man a nzhor a ma ma.

Jacques 2:5

Dalahimam ga, va-tsenaʼa! Zhiklè a mpar ta ndohi ntawassaʼa a géɗ herkeda haha, aman te ncè-a-ndav, ta ndi a ndohi mèshèlè, a ndohi nʼndi kokwar-Bi Zhiklè, man a mpasla ta ri a ndohi man ta woyaʼa a ndav ta.

Jacques 5:11

Na haha, nga gaɗa, mwuffè a sam tengaʼa man ta zhèr skwi a ma ma. Kin tsenaʼa, ara man Job a zhor skwi a ma ma, a kin rka ndikèma man Bi-Zhiklè a mva na. Aman ndo a si Bi Zhiklè te va; a pa na a pa ndav a ndo.

1 Peter 3:14

Ko kin si matakwan a géɗ ngi-zuraʼa, mwuffè da zhè a sam kinè! Kin gu zlau tengaʼa ɓai, kin gudzu ɓai!

1 Peter 4:13

Aman va-wuffa, te man kin si matakwan a nda Kristi, aman a pats nda gudko va a nʼnjèl nengaʼa, kin da wuffè a kin gi langlangaʼa.

1 Peter 4:14

Mwuffe a sam kinè, aman ta derɗe kinè a géɗ nzlembaɗ Kristi; aman Mèzhèɓ Zhiklè, Mèzhèɓ Zhiklè nʼnzalaʼa, a nzi a géɗ kinè.

1 Peter 5:10

Aman Zhiklè pombi tèlèba, man a baha kinè a sam nʼnjèl nengaʼa man a nzi a mèdèp te Kristi, a di a til kinè, a nzal kinè, a va kinè wuɗai, a pi verzi nshèffè kinè man a gidè va azɓai, kinè man antanta skwa a dza kinè kèshkata.

1 Peter 5:4

Gar haha a pats man ndo mɓer skwi mbiaʼa a da gudko va a dai, kin ngècè skwi mpèɗè gèɗ nʼnjèlè man a gédèshè azɓai.

1 John 4:19

Nga woyaʼa, te man nengaʼa a nwoy nga nshèlèkuraʼa.

Apocalypse 2:10

Ka gu zlau matakwan man ka da sia ɓai! Na haha bi madzagai a da pe ta matrehiaʼa te ndev kinè a dangai, aman a jkédè kinè, a kin si matakwan mʼmèn kula. Nza a nlèɓèslè, ha ka metsi ngaya, a i da va ka mpèɗè gèɗ nshèffè.

Apocalypse 3:19

Ndohi man i woy ta a ndav ga, i ngatsa ta maya a ndzoan, a i ngez ta. Gar haha nzala va ngaya, a ka ngwode ndav ngaya!

Apocalypse 3:21

Ndo man nʼngaʼa a ngulaʼa, i woy nga da nzi a sam nʼnzi ga a vna, lèmèlèmè ara man i gaʼa a ngulaʼa, a i nza tʼhai a nda Bab ga a sam nʼnzi bi nengaʼa.