I Samuel 9:9 - Ma Zhiklè

⁹ Zlèzlèa man ndohi Israel to do a tajhèdè Zhiklè, ta gaɗa: Vo-washke, ngo-dokoy a sam ndo nsun skwai! Ndohi man antanta ta baha ta ndohi nhadka ma, zlèzlèa ta baha ta ndohi nsun skwai.

I Samuel 9:9 ပူးပေါင်းရင်းမြစ်များ

Genèse 25:22

Wudahi cèw tʼhwaɗ na ta bèzl va, a nengaʼa a ngaɗa: Aman skwi a gi ar haha, dara i mets ga. A mdo, a ndzhoɗo Ndo nzi pèc pècèk.

II Samuel 24:11

Aman Ndo nzi pèc pècèk a ngaɗa na Gad, ndo nhadka ma, ndo nsun skwi David:

II Rois 17:13

Aman Ndo nzi pèc pècèk a mbid ta ndohi Israel a Juda a deɓa a ma ndohi nhadka ma nengaʼa tèlèba, a ndohi nsun skwi tèlèba, a ngaɗa: Vo-ngwodko ndav kinè te civèɗ kinè man ambaɓiaʼa, va-dzodzor ma nkwèr ga, ma man i de kinè a vna, ara ma kita tèlèba man i njè ta a gèɗ babhi kinè, a i zlündo a sam kinè a ma ndohi nhadka ma, ɓèlèlihi ga.

I Chroniques 21:9

Ndo nzi pèc pècèk a ngaɗa na Gad, ndo nʼngra na ma Ndo nzi pèc pècèk a David:

I Chroniques 26:28

Skwi tèlèba man Samuel a mvau; a Saul, kra Kis; Abner kra Ner; Joab, kra Tseruja, a ndohi tèlèba man ta va na skwi a Zhiklè; skwi tèlèba Shelomith a kramamhi nengaʼa ta ɓerèʼa.

I Chroniques 29:29

Mizlinè bi David, tʼhinèkad na, ha ndikè maʼa, ta windeda ɗèlèwèr Samuel, a ɗèlèwèr Nathan, a ɗèlèwèr Gad, ndohi nhadka ma.

I Chroniques 9:22

Ndohi haha tèlèba, ta par ta a mizlinè nʼnzi a magai, ta 212. Ta Windo nzlembaɗ ta ara kokwar ta, ara kokwar ta. David a Samuel ta rka ta, a ta pe ta a mizlinè ta.

II Chroniques 16:10

Asa a ngu ndav a géɗ ndo nsun skwai, a mfeda a dangai, a mpa na shèla a sak, a ngu ndav a géɗ nengaʼa. Te ndev nasa Asa a nʼnga ta matakwan a ndohi ngiɗè tsaɗ tsaɗ.

II Chroniques 16:7

Te ndev nasa, Hanani, ndo nsun skwai, a mshkè a sam Asa, bi Juda, a ngaɗa na: A géɗ man ka pu ndav a bi Syrie, a ka pu ndav a Ndo nzi pèc pècèk, Zhiklè ngaya bai, ndohi var bi Syrie ta wuc ta auda te ri ngaya.

Esaie 29:10

Aman Ndo nzi pèc pè-cèk a mva kinè Mèzhèɓ a ndav, a mpa kinè nzhunè a di tsektskaʼa, a ndèma ta dai a ndohi nhadka ma a ndohi nwèr skwai.

Esaie 30:10

man ta gada ta ndohi nsun skwai man a da gi a ma ma: Kin sun skwa ɓai! Kin hodko nga ma ɓai! Vo-hodko nga ma man ambaha nga a zlem-bad nga! Vo-hodko nga ma nzlai!

Amos 7:12

Amatsia a ngaɗa na Amos: Ndo nhadka ma, hu ngaya a kokwar Juda. Ndau movar ngaya te pa! A ka hodko ma te pa!

1 Corinthians 12:17

Aman va tèlèba dai, ndo a da cinè skwi a mè? Aman tèlèba zlembaɗ, ndo a da zhkè skwi amè?

Juges 1:1

Te deɓ mʼmetsi Josué, ndohi Israel ta dzhoɗo a sam Ndo nzi pèc pècèk, a ta gaɗa: Ndè a ngi var a ndohi Canaan te va nga wa?

Juges 18:5

Ta gaɗa na: Dzhoɗo a sam Bi Zhiklè, a nga suna, civèɗ man nga bizhè a pa a da gi amba amba.

I Samuel 9:10

Saul a ngaɗa na ndo ntakaha: Ka goɗ amba. Washkè, ngo-do! A to do a kokwar a sam man ndo Zhiklè a nza a pa.