I Samuel 9:16 - Ma Zhiklè

¹⁶ Angoslèm, aranta, i da zlinda ndo ngiɗè te kokwar Benjamin a sam ngaya. Ka da faɗa na mbar a gèɗ, a gi bai a géɗ ndohi Israel. Nengaʼa a da mbel ta ndohi ga te ri ndohi Philistie. I rka nlèyè matakwan ndohi ga, a i tsena kuɗ tengaʼa. Samuel a mʼmana staɗ, ga Saul a mshkè.

I Samuel 9:16 ပူးပေါင်းရင်းမြစ်များ

II Samuel 3:18

Anai va-gu arsa mènè! Aman Ndo nzi pèc pècèk a ngaɗa na David: A nda David, ɓèl ga, i woya man i mbel ta ndohi Israel ga te ri ndohi Philistie, te ri ndohi mayamhi tengaʼa tèlèba.

II Rois 20:5

Do a deɓa a ka gada na Ezéchias; bi ndohi ga: Ndo nzi pèc pècèk, Zhiklè David, bab ngaya, a goɗa ar haha: I tsena ntsi ri ngaya, a i rka kuɗa a di ngaya. I woy a i mbel ka te matakwan ngaya. Te deɓ mʼmèn makar ka dè a gi Zhiklè.

Psaumes 102:1

Ntsi ri ndo mbelawa, man ndav nengaʼa a mʼmbeɗ na, a kuɗa na a Ndo nzi pèc pècèk.

Psaumes 106:44

A nengaʼa a nrka matakwan tengaʼa, a ntsena nkuɗi tengaʼa,

Psaumes 25:18

Hur nlèyè ga a skwi mwuɗitpa man a gayè, a ka pray mali ga tèlèba!

Proverbes 16:9

Ndav ndo a hèsh civèɗ na; aman sèi Ndo nzi pèc pècèk a pa na sak a civèɗ man a dè a pa.

Jérémie 32:8

Hanameel, kra kramam ga a mshkè a sam ga, ara man Ndo nzi pèc pècèk a ngaɗayè te gi sojè, a ngaɗayè: Ɗakwa, sum gi dau ga, gi dau Anathoth, te herkeda Benjamin; aman ka nshèlèkuraʼa man ka slaha ka ngècèʼa. Sumda a va ngaya! – A i suna, ma haha ma Ndo nzi pèc pècèk.

I Samuel 10:1

Samuel a nco gatsak mbar, a mbada na a gèɗ a Saul, a nhumbateda a ndav, a ngaɗa: Ndo nzi pèc pècèk, man a faɗa ka mbar a gèɗ, aman a ge ka a bi ndohi Israel nengaʼa. Gu bai a géɗ ndohi Ndo nzi pèc pècèk, a ka mbel ta te ri mayamhi tengaʼa man ta tèuda a pa. Na haha skwi man a ngra ka, Ndo nzi pèc pècèk a mfaɗa ka mbar a gèɗ, aman a ge ka a bi a géɗ skwi na:

I Samuel 14:20

A Saul a ndohi tèlèba man ta zhè a sam na, ta ɓica va. Aman ta ndikè a sam var, na haha ta kèlè a va ndo, ta jèkèɓè va.

I Samuel 14:23

A pats nasa Ndo nzi pèc pècèk a ge ta ndohi Israel aranta a ngul ta. A ta gu var ha ta ndikè a Beth-Aven. Ndohi tèlèba ta humda a va Saul, ta gi 10.000. Za Ephraim tèlèba, sam var genè.

I Samuel 15:1

Samuel a ngaɗa na Saul: Te va nasa Ndo nzi pèc pècèk a nzlindekayè, a i ge ka a bi ndohi Israel nengaʼa. Gar haha sèi ka tsena ma Ndo nzi pèc pècèk.

I Samuel 16:1

Ndo nzi pèc pècèk a ngaɗa na Samuel: Ka lèyè Saul tè ngèmè? I kwola ma, i goɗ da gau bi Israel asaɓi ma. Ndheda mbar a gatsak, do, i woy a i zlinde ka a sam Isai, ndo Bethléhem. I ngots te va wudahi nengaʼa staɗ a bai.

I Samuel 16:3

A ka baha na Isai a pa. Iyè a ri ga i da ngra ka skwi man ka da giaʼa. Ka da bada na mbar a gèɗ a nengaʼa man i da ngra ka.