I Samuel 8:7 - Ma Zhiklè

⁷ Ndo nzi pèc pècèk a ngaɗa na Samuel: Gau tèlèba ara ma tengaʼa man ta gaɗa ka: ta kwol ka ka ɓai, aman ta kwolyè; ta woyè a bi tengaʼa ɓai.

I Samuel 8:7 ပူးပေါင်းရင်းမြစ်များ

Exode 16:8

A Moise a ngaɗa ta a vaʼa: Ndo nzi pèc pècèk a da va kinè zluèɗ a dakwaɗ, a movar a prèk, a kin ngézhè. Aman Ndo nzi pèc pècèk a ntsena ara man kin ga na ma a va. Aman nga, nga be wa? Ma ndav kinè man kin gi a haha, kin gu a nga ka ɓai, kin ga na Ndo nzi pèc pècèk.

Esaie 66:4

Lèmèlèmè i da wuffè a gèɗ skwi man ambaɓai man i da ga ta, man a ndara ta. Aman i boho, ta mbeɗkay a ma ɓai. Aman i goɗo, ta tsena ɓai. Aman ta gu skwi man ambaɓai a sam ga; a skwi man i woya ɓai, ta woya holholaʼa.

Jérémie 34:14

Te deɓ mvi 7, kin da pre ta kramamhi kinè, ndohi Hébreu, man ta preda va ta a ma a sam kinè, a ta gu mizlinè kinè mvi 6 ma, auda te ɓèlè. Va-pre ta a sam kinè! Aman babhi kinè ta tsena ma ga ɓai, ta fa zlembaɗ ɓai.

Ezéchiel 2:3

A ngaɗkayè: Ka ndo, i zlinde ka a sam ndohi Israel, a sam ndohi mèdègèɗ, man ta slambaɗkay a gèɗ. Tengaʼa ta gokoɗi ara babhi ta, ha mshkè na ma a mpatsna.

Ezéchiel 3:7

Aman ndohi Israel ta woy a ta tsena bai, ta fi zlembaɗ a ma ga azɓai; aman gèɗ ndohi Israel tèlèba nshfaʼa ndav tengaʼa ngwora.

Nombres 22:20

A Bi Zhiklè a nshkè, a ngaɗa na Balaam, a vaɗ: Aman ndohi ta da shkè aman ta baha ka, slambaɗa, do a verzi tengaʼa; aman ka da gi sèi skwi man i da gada ka.

Matthew 10:40

Ndo man a ce kinè, a cyè; ndo man a cyè, a ce nengaʼa man a zlindekayè.

Luke 10:16

Ndo man a tsena ma kinè, a tsena ma ga. Ndo man a kwol kinè, a kwolyè. A ndo man a kwolyè, a kwol nengaʼa man a zlindekayè.

Luke 19:14

Aman ndohi kokwar sa, ta gu shèwa a vna. Ta zlinde ta ndohi sak tengaʼa a verzi na, a ta gaɗa: Nga woya nengaʼa a bi nga ɓai!

Luke 19:27

Aman ndohi mayamhi ga, man ta woy iyè a bi tengaʼa ɓai, va-helka ta, va-zlama ta daʼai a sam di ga!

Jean 13:16

A vava, a vava, i gaɗa kinè: ʼBèlè a fena bab na azɓai. Ndo sak a fena ndo nzlindèʼa azɓai.

Juges 8:23

Aman Gédéon a ngaɗa ta: I gi bi kinè azɓai, kra ga da gu bi kiné ɓai: Ndo nzi pèc pècèk da gu bi kinè!

I Samuel 10:19

Aman kinè, kin kwola Zhiklè kinè a patsna, nengaʼa man a mpre kinè auda te ri matakwan a skwi mwuɗitpa tèlèba, a kin gaɗa: Aʼai, sèi ka va nga bi nga! Anai, va-zlatsa a sam Ndo nzi pèc pècèk, ara verzi ndohi ngiɗè, ara verzi ndohi ngiɗè, go-zhèm staɗ, gozhèm staɗ, gozhèm staɗ.

I Samuel 12:1

Samuel a ngaɗa ta ndohi Israel tèlèba: Na haha i gu skwi tèlèba ara man kin dzhoɗo a sam ga, a i va kinè bai.

I Samuel 12:12

Aman kin rka Nachash, bi Ammon, a shkè a ngi var a nda kine, kin gaɗayè: Aʼai, nga woya bi nga! – Ko Ndo nzi pèc pècèk, Zhiklè kinè, a zhè, nengaʼa bi kinè.

I Samuel 8:22

Ndo nzi pèc pècèk a ngaɗa na Samuel: Gau ara ma tengaʼa. Va ta bai! A Samuel a ngaɗa ta ngurhi Israel: Vo-do ngwai, staɗ staɗ a kokwar na.

I Samuel 8:8

Lèmèlèmè ara man ta gi skwi a sam ga, a hinè te pats man i helka ta auda te kokwar Egypte, ha patsna, a ta jèkyè a ta tsi ri a zhiklèhi ngiɗè, lèmèlèmè ta gi skwi a sam ngaya antanta.