I Samuel 7:9 - Ma Zhiklè

⁹ A Samuel a nco kra tambak staɗ, a nʼndara na a Ndo nzi pèc pècèk. A ntsu rai, a nkudi a sam Ndo nzi pèc pècèk a gèɗ Israel, a Ndo nzi pècpècèk a ntsena ntsi ri nengaʼa.

I Samuel 7:9 ပူးပေါင်းရင်းမြစ်များ

Psaumes 50:15

Tsu ri a iyè a pats mwuɗitpa, a i woy a i mbel ka, a ka, ka da slébèrdyè.

Psaumes 99:6

Moise a Aaron te va ndohi mvi skwi a nengaʼa, Samuel te va ndohi man ta tsi ri a nzlembaɗ nengaʼa. Ta tsu ri a Ndo nzi pèc pècèk, a nengaʼa a mʼmbedka taa ma.

Jérémie 15:1

Ndo nzi pèc pècèk a ngaɗayè: Ko man nda Moise a Samuel ta shkè a sam ga, ndohi haha ta siyè te va azɓai. Dzam ta auda a sam ga, do do ta!

Lèv. 22:27

Aman kra zlè, kra tambak, kra ɓok nya ma, da nza a sam mam na mʼmèn tsaraɗ. Aman ka va na Zhiklè te vogwa a ngi ambaha Ndo nzi pèc pècèk, sèi a pats matsamakaɗaʼa.

Deutéronome 9:26

A i tsu ri a Ndo nzi pèc pècèk, a i gaɗa: Ndo nzi pèc pècèk, Zhiklè nga, ka gedassa ndohi ngaya, skwi nʼndi gi ngaya ɓai, man ka preka ta auda a wuɗi ngaya mbiaʼa, man ka helka ta auda te Egypte a ri man wuɗi na zhè!

Jacques 5:16

Va-ngreda mali kinè, ngiɗè a ngiɗè, va-tsu ri a Zhiklè, ngiɗè a géɗ ngiɗè, aman kin mbél kinè te matakwan. Ntsi ri ndo nzuraʼa, man a tsi a ndav tèlè, a slaha skwi kumba.

Juges 6:26

Te deɓaʼa rom sam mvi skwi a Ndo nzi pèc pècèk, Zhiklè ngaya, a géɗ za haha, ka düzlo a kwa, a ka co mari macecèwaʼa, a ka ndara na a Ndo nzi pèc pècèk, a shè-gwa mblom man ka ngelaʼa.

Juges 6:28

Aman ndohi kokwar ta slambaɗa a prèk, ta ngots sam mvi skwi a Baal mʼmbeɗa tʼhai, a mblom nʼngela tʼhai a tsagi nengaʼa. A sam mvi skwi a Zhiklè mɓuaʼa, mari ngiɗè man ta ndara na Zhiklè.

I Samuel 10:8

Do Guilgal a ma ga! Te deɓaʼa i da dè a sam ngaya, a nga da zli skwi a nga da vi skwi a Zhiklè. Zhor mʼmèn 7, ha i dè a sam ngaya, a i da ngra ka skwi man ka da giaʼa.

I Samuel 12:17

Antanta ngwar ka ɓi dè? I woy a i tsi ri a Ndo nzi pèc pècèk, aman a gi a iyam a ntsai, a iyam a ngai, a kin da suna, a kin rkaʼa, kin gu mali mbiaʼa a sam di Ndo nzi pèc pècèk, a gèɗ man kin dzhoɗo bi kinè.

I Samuel 16:2

Samuel a ngaɗa: I slaha a i dè dè? Aman Saul nda tsenaʼa, a da keɗyè. Ndo nzi pèc pècèk a ngaɗa na: Co kra zlè a ko do a ka gaɗa: I shkè aman i da zli skwi a Ndo nzi pèc pècèk.

I Samuel 2:35

Aman iyè i woy a i baha na ndo mvi skwi a Zhiklè nlèɓèslèa, man a gi ara man i hur te ndav ga. I woy a i rama na gi man a nzi dai, a zhè a sam ga pèc pècèk, a sam nengaʼa man i bada na mbar a gèɗ.

I Samuel 7:17

Te deɓaʼa a mʼmen na a deɓa a kokwar Rama, man gi nengaʼa te pa, a nʼnga ta kita a ndohi Israel te pa. Te pa a nrama na sam mvi skwi a Ndo nzi pèc pècèk.

I Samuel 9:12

Ta mbeɗa ta a ma: Halau, na zhè a ma kinè. A mshkè a kokwar haha antanta; a patsna ndohi ta gi ngolala mvi skwi a Zhiklè a gèɗ za.