I Samuel 7:5 - Ma Zhiklè

⁵ Samuel a ngaɗa: Va-ɓic ta ndohi Israel tèlèba te kokwar Mitspa! I woy a i tsi ri a Ndo nzi pèc pècèk a gèɗ kinè.

I Samuel 7:5 ပူးပေါင်းရင်းမြစ်များ

Genèse 20:7

Gar haha va na ngwoz a deɓa a baki na, nengaʼa ndo nhadka ma. Nengaʼa a da tsi ri a géɗ ngaya, a ka nzi a nshèffè. Aman ka da va na a deɓa azbai, ka da metsi ngaya, a ndohi gi ngaya tèlèba.

Genèse 31:49

A ta baha na Mitspa, aman a ngaɗa: Ndo nzi pèc pècèk da ɓer nga, nga da rka va nga te deɓaʼa asaɓai.

II Rois 25:23

Bihi ndohi var, a ndohi tengaʼa, ta tsenaʼa, ara man bi Babylone a mfeda Guedalia a tsuvom ta. A ta shkè a sam Guedalia a kokwar Mitspa. Tengaʼa man ta shkè: Ismael, kra Nethania, Jochanan, kra Kareach, Seraja, kra Thanhumeth, te Nethopha, a Jaazania, kra Maacath; tengaʼa a ndohi tengaʼa.

Néhémie 9:1

Ki haha, mʼmèn 24, ndohi Israel ta ɓica va, a ta jèkeda skwi nʼndai, a ta peda maslaka sam kuɗa a va, a ta peda hutsoɗ a gèɗ.

Jérémie 40:6

Jérémie a nʼndo a sam Guedalia, kra Achikam, a kokwar Mitspa, a nʼnza a sam na te ndev njèkèdi ndohai man ta nza te kokwar.

Osée 5:1

Kinè ndohi mvi skwi a Zhiklè, va-tsena ma haha! Ndohi gi Israel, vagu maya! Ndohi nte gi bai, va-fu zlembaɗ, kita kinè a zhè. Kin gaʼa a gadda sam Mitspa, a ɓalai a sam Thabor, a géɗ mphömè kinè, kin kala drav.

Joel 2:16

Va-ɓic ta ndohai, va-ga mɓicè-va ndohai a nkezlaʼa a sam Ndo nzi pèc pècèk, va-pe ta ndohi nhalaʼa a géɗ ta, va-ɓic ta gdahi a wudahi man a wa; ntsima a shkè auda te gi na, medemi a shkè auda te vèn.

Josué 15:38

Dilean, Mitspè, Joktheel,

Josué 18:26

Mitspé. Kephira, Motsa,

Juges 10:17

A ndohi Ammon ta ɓica va a var te Galaad. A ndohi Israel ta ɓica va a var te Mitspa.

Juges 20:1

Ndohi Israel tèlèba, mpi ndohi tèlèba, ta ɓica va a ma staɗ, a hinè te Dan, ha ndè Beer-Shèba, a kokwar Galaad ba, a sam Ndo nzi pèc pècèk te Mitspa.

I Samuel 10:17

Samuel a mbaha ta ndohi tèlèba a sam Ndo nzi pèc pècèk te Mitspa.

I Samuel 12:17

Antanta ngwar ka ɓi dè? I woy a i tsi ri a Ndo nzi pèc pècèk, aman a gi a iyam a ntsai, a iyam a ngai, a kin da suna, a kin rkaʼa, kin gu mali mbiaʼa a sam di Ndo nzi pèc pècèk, a gèɗ man kin dzhoɗo bi kinè.

I Samuel 12:23

I ba i woy a i gi mali a sam Ndo nzi pèc pècèk azɓi ba, a i jèkè ntsi ri a géɗ kinè azɓai. Aman i woy a i ngreda kinè civèɗ man amba a nzuraʼa.

I Samuel 7:12

Samuel a nco kwa, a nzlatseda te ndev Mitspa a Shen, a mbaha na Eben-Ezer, a gaɗa: Ndo nzi pèc pècèk a ntakaha nga ha nshkè ma mpatsna.

I Samuel 7:16

A mvi a mvai a shèwèlè a kokwar Bèthel, Guilgal, Mitspa, a nʼnga ta kita a ndohi Israel te kokwar haha tè-lèba.

I Samuel 7:4

A ndohi Israel ta hulkoɗi Baalhai a Astartéhi auda a sam ta, a ta tsu ri a Ndo nzi pèc pècèk stadgenè.

I Samuel 8:6

Aman ta gaɗa: Ngatsa nga bai, da ga nga kita! – ambaha Samuel ɓai. A Samuel a ntsu ri a Ndo nzi pèc pècèk.