15 Samuel, ndo kita Israel, ha a mʼmets na.
Te deɓaʼa Ndo nzi pèc pècèk a mpa ta ndohi kita, aman ta da mbeldaka ta auda te ri metsarhai.
Samuel a ngaɗa ta ndohi Israel tèlèba: Na haha i gu skwi tèlèba ara man kin dzhoɗo a sam ga, a i va kinè bai.
A Ndo nzi pèc pècèk a nzlündo Jerubbaal, Bedan, Jephthé a Samuel, a mʼmbel kinè te ri mayamhi kinè man ta tèuda kinè a pa, a kin nzi a gumai.
Samuel a mʼmets na, a ndohi Israel tèlèba ta ɗica va, a ta kuɗiaʼa, a ta rda a gi na te Rama. A David a nslambaɗa, a mdo hèshèkèɗ Maon.
A mvi a mvai a shèwèlè a kokwar Bèthel, Guilgal, Mitspa, a nʼnga ta kita a ndohi Israel te kokwar haha tè-lèba.
A ta ɓica va te kokwar Mitspa, ta gudz iyam, a ta badahai a sam Ndo nzi pèc pècèk, a ta jèkeda skwi nʼndai a pats nasa, a ta gaɗa: Nga gu malai a sam Ndo nzi pèc pècèk. A Samuel a nʼnga ta kita a ndohi Israel te kokwar Mitspa.
