I Samuel 6:5 - Ma Zhiklè

⁵ A géɗ nengaʼa va-gau skwi nlèmdè a mblè kinè, a skwi nlèmdè a koʼom kinè, man ta gedassa kokwar. Va-nzala Zhiklè Israel; gar a da cè kinè kita nengaʼa mwuɗitpa auda a gèɗ, a géɗ zhiklèhi kinè, a géɗ kokwar kinè.

I Samuel 6:5 ပူးပေါင်းရင်းမြစ်များ

I Chroniques 16:28

Kinè, verzi ndohi herkeda, va-nzala Ndo nzi pèc pècèk, vo-slubordo wuɗi nengaʼa!

I Chroniques 16:29

Vo-slubordo Ndo nzi pèc pècèk, a géɗ nzlembaɗ nengaʼa mbiaʼa! Va-va na skwai, vo-washkè a sam nengaʼa! Va-kalahi a deɓ sak Ndo nzi pèc pècèk, aman a ngudko va a dai, nkezla.

Psaumes 18:44

Ka mbelyè a sam var ndohai; ndohi herkeda ta gurɓahi a sam ga, a ndohi man i sen ta ɓai ta gi a ɓèl ga.

Psaumes 32:4

A pats a vaɗ ri ngaya a keɗay va a hai, a samay pombaz auda te va, ara pats begedza.

Psaumes 39:10

I nza tètèʼa, i woy a i winè ma ga asaɓai. Aman ka, ka ngau.

Psaumes 66:3

Va-gaɗa na Bi Zhiklè: Skwi man ka giaʼa, wuɗitpa! Mayamhi ngaya ta slebarde ka, a géɗ wuɗi ngaya mbiaʼa.

Exode 12:12

A vaɗ sa i dè a i bizhè a ndev kokwar Egypte tèlèba, a i bazl ta tsuvomhi tèlèba te kokwar Egypte, tsuvom ndohai, a tusvom skwi ndzham, a i ga ta kita a zhiklèhi ndohi Egypte tèlèba. Iyè Ndo nzi pèc pècèk.

Exode 8:17

Aman ka da pra ta ndohi ga azɓai, na haha, i proko kinè zlra a va, a golahi ngaya, a ndohi ngaya, a gi ngaya, a gi ndohi Egypte tèlèba ta ndha a zlra; ko sam nʼnzai, zlra a pa.

Exode 8:24

A Pharaon a ngaɗa: I woy a i va kinè civèɗ, a kin slaha kin zli skwi a Zhiklè kinè te hèshè-kèd. Aman kin do dra ɓai! Va-tsu ri a Ndo nzi pèc pècèk a géɗ ga!

Exode 8:5

A Moise a mʼmbeɗa na a ma Pharaon: Ngray patsaʼa, man ka woy a i tsi ri a Zhiklè a géɗ ngaya, a ndzam ta kudofìhi auda a sam ngaya, te gi ndohi ngaya, a ta hayda va ta a woyam Nil genè.

Esaie 19:1

Nhèdè ma a géɗ Egypte. Na haha, Ndo nzi pèc pècèk a shkè a géɗ vanai man kozlar a hèdèʼa, a dè a kokwar Egypte. Vrihi Egypte ta gudzai a sam nengaʼa, a ndav ndohi Egypte a mʼmbeɗ na.

Esaie 42:12

Sèi ta slébèrdè Ndo nzi pèc pècèk, a ta njè nʼnjèl nengaʼa tʼherkeda tèlèba man nte ndev iyam.

Jérémie 13:16

Va-nzala Ndo nzi pèc pècèk, Zhiklè kinè, ga ruva a gai, ga kin wushahi a sam nkezawa te za ma. Kin zhèr skwi nhél sam, – ruva a nda shkè; Zhiklè a ngwoda skwi nhél sam, – ruva a nda shkè; Zhiklè a ngwoda skwi nhél sam a sam tèdèdikaʼa.

Jérémie 3:13

Aman a woy ka suna, ka gu malai, ka kwola Ndo nzi pèc pècèk, Zhiklè ngaya, a ka va na va ngaya a zhiklèhi ngiɗè, a verzi wof ndizlimaʼa tèlèba kin tsena ma ga ɓai, Ndo nzi pèc pècèk a gaɗa.

Joel 2:25

I woy a i menda kinè skwi a deɓa man mèjèn a meturɗi a wuɗa a nvovrom ta ndau, man i pu a ndohi var ga kumba man i zlinda kinè.

Jonas 3:9

te mali man a lizhèma na rai. Nsun wa? Wa ngiɗè ba nga si Zhiklè te va, a jèkeda ngi ndav, a nga zi azɓai.

Mal. 2:2

Aman kin fi zlembaɗ azɓai, a kin fi gèɗ a kin njèl nzlembaɗ ga azɓai, i pra kinè ma man a phomde kinè a gèɗ, a i ngwode mpshè ma kinè a ma mphomdaʼa. Halau, i da phomde kinè, te man kin fi gèɗèʼa azɓai.

Nombres 33:4

a ndohi Egypte ta re ta tsuvomhi man Ndo nzi pèc pècèk a mbazl ta, a vèvèɗ. A zhiklèhi tengaʼa ba Ndo nzi pèc pècèk a nʼnga ta kita.

Jean 9:24

A ta baha na ndo man a matsa mandazlai zaʼa, a ta gaɗa na: Goɗ skwi zuraʼa a sam di Zhiklè! Nga suna, ndo sa ndo malai.

Josué 7:19

A Josué a ngaɗa na Acan: Kra ga, slubordo Ndo nzi pèc pècèk, Zhiklè Israel! Ngreda na mali ngaya! Gadayè skwi man ka gau, ka ngheda skwi a sam ga ɓai!

Apocalypse 11:13

A nasa nasa herkeda a ngudzau a vata, a kokwar mbiaʼa man ta kezla kula, mʼmbeɗ na. Ngudzi herkeda haha, ndohi gozhèm tsaraɗ ta bazl ta. Njèkèɗiaʼa ta gu zlau kworkworaʼa, a ta slubordo Zhiklè te géɗèʼa.

Apocalypse 14:7

a ngoɗ a ngèɗè mbiaʼa: Va-gu zlau Zhiklè, va-nzala nengaʼa! Aman pats kita nengaʼa mshkè ma. Va-tsu ri a nengaʼa man a gu giɗfèk a herkeda a iyam mbiaʼa a nlèlè iyam.

Apocalypse 16:9

a ndar ta a vata. A ndohi ta durɗo nzlembaɗ Zhiklè, man a ngots wuɗai a géɗ matakwan haha; aman ta ngwode ndav ta ɓai, a ta slebarda nengaʼa ɓai.

I Samuel 5:11

A ta baha ta bihi Philistie tèlèba, a ta ɓic ta, a ta gaɗa: Va-zlinda koti Zhiklè a deɓa a ngwai, da bazl nga a ndohi nga asaɓai! Zlau a mbazl ta ndohi kokwar a vèvèɗ. Zhiklè a nʼnga ta matakwan mwuɗitpa.

I Samuel 5:9

Aman ta da a ma, Zhiklè a ndzakaɓama ta gèɗ a ndohi kokwaraʼa holholaʼa. A mfaha ta matakwan a ndohi kokwar tèlèba, a ndohi nkèshèʼa a ndohi mbibihiaʼa, a nʼnga ta mblè a va.

I Samuel 6:8

Te deɓaʼa vo-co koti Ndo nzi pèc pècèk, a kin feda a kikai. Skwi guro man kin pela na gèɗ a verziaʼa va-feda a koti nkèshèa, a tsagai, a kin menda a deɓa.