I Samuel 6:17 - Ma Zhiklè

¹⁷ Na haha skwi nlèmdè mblè guro man Philistie a va na Ndo nzi pèc pècèk a skwi mpil gèɗ: staɗ a gèɗ Asdod, staɗ a gèɗ Gaza, staɗ a gèɗ Askalon, staɗ a gèɗ Gath, staɗ a gèɗ Ekron.

I Samuel 6:17 ပူးပေါင်းရင်းမြစ်များ

II Samuel 1:20

Kin gaɗa ta ndohi te Gath ɓai, kin njè ta ndohi a civèɗ te Askalon ɓai, aman dalahi Philistie da da wuffa ɓai, a dalahi ndohi ngwon nʼngelɓiaʼa da da wuffa a ta sli dimèsh ɓai!

II Samuel 21:22

Ndohi fad haha, te va ndohi ngur-gurèa te kokwar Gath, a David a ndohi nengaʼa ta bazl ta.

II Rois 1:2

Achazia a nkalkaɗahai a nvakavar te gi nengaʼa nte géɗèʼa, te Samarie, a ntsama na skwaʼa. A nzlinde ta ndohi sak a ngaɗa ta: Vo-do, vo-dzhoɗo a sam Baal-Zebub, zhiklè mʼmbèh skwi Ekron, i da mbel ga de, kè?

II Chroniques 26:6

A ngu var a ndohi Philistie, a mʼmbeɗa zlazlar Gath, zlazlar Jabné, zlazlar Asdod; a nrom kokwarhi tʼherkeda Asdod, a herkeda te ndev ndohi Philistie.

Jérémie 25:20

Kokwar Arabe, a bihi kokwar Uts, a bihi kokwar Philistie: Askalon, Gaza, Ekron, a njèkèdiaʼa te Asdod.

Lèv. 5:7

Aman a slaha a mvi tambak a ɓok bai, da pu ngudokwarhi cèw, man bai nkuɗhomhi cèw, man ta gra tok-tok, a Ndo nzi pèc pècèk, a pela gèɗ mali na a vna; ngiɗè a géɗ malai, ngiɗè aman a ndara na a Zhiklè.

Amos 1:6

Ndo nzi pèc pècèk a goɗ ar haha: A géɗ mali kokwar Gaza man a gi makar, a gi faɗ, i méndè kita a deɓa azɓai, a géɗ man ta par ta ndohi tèlèba a ta pe ta a ri a ndohi Edom.

Amos 6:2

Vo-do Calné, a kin rkaʼa! Vo-do a ma ma a Hamath, kokwar mbiaʼa. Te deɓaʼa vo-do a kokwar Gath, kokwar Philistie. Kin fena kokwar-bi te pa dè? Mba kokwar-bi kinè aman a tengaʼa ɗè?

Deutéronome 28:27

Ndo nzi pèc pècèk a da va ka mblè Egypte a va, nʼndeverzai, gayè, goya man a ndi gèɗ, man ka mbelè te pa azɓai.

Juges 1:18

Te deɓaʼa Juda a nduma Gaza ba a sam man a tsagiaʼa, a Askalon ba a sam man a tsagiaʼa, a Ekron ba a sam man a tsagiaʼa.

Juges 14:19

A Mèzhèɓ Ndo nzi pèc pècèk a mshkè a géɗ Samson, a ndo Askalon. A mbazl ta ndohi te pa 30, a mhul maslaka tengaʼa, a mva ta a ndohi man ta ngra na verziaʼa, a ngu ndav kumba, a ndo a deɓa a gi bab na.

Juges 16:1

Pats ngiɗè, Samson a ndo Gaza, a mrka fali dam te pa, a mdo a sam na.

Juges 16:21

A ndohi Philistie ta gso, a ta hulko na di auda, a ta da a kokwar Gaza, a ta dzawaʼa a teɓa züdo cèw, a nkizlè dau te dangai.

I Samuel 5:1

Aman ndohi Philistie ta ceda koti Zhiklè a ma, ta ckoɗa deɓa te Eben-Ezer, a ta daʼa a Asdod.

I Samuel 5:10

Te deɓaʼa ta da koti Zhiklè a kokwar Ekron. Aman koti Zhiklè a mshkè a kokwar Ekron ma, ndohi Ekron ta kuɗai: Ta ckoɗi koti Zhiklè a sam nga, ta woy a ta bazl nga a ndohi nga tèlèba a vna!

I Samuel 5:8

A ta baha ta bihi Philistie tèlèba a ta ɓic ta a sam ta, a ta gaɗa: Nga da ga na koti Zhiklè Israel kè? A ta mbeda ta a ma: Koti Zhiklè sèi da daʼa a kokwar Gath. A ta da koti Zhiklè Israel a pa.

I Samuel 6:4

Ta gaɗa: Nga pil gèɗ a verziaʼa a mè? Ta mbeda ta a ma: Skwi nlèmdè a mblè zlam, nʼngaʼa a guro, a koʼom guro zlam, nara nʼngér bihi Philistie. Aman matakwan lèmèlèmè a ga kinè a bihi kinè.