I Samuel 5:8 - Ma Zhiklè

⁸ A ta baha ta bihi Philistie tèlèba a ta ɓic ta a sam ta, a ta gaɗa: Nga da ga na koti Zhiklè Israel kè? A ta mbeda ta a ma: Koti Zhiklè sèi da daʼa a kokwar Gath. A ta da koti Zhiklè Israel a pa.

I Samuel 5:8 ပူးပေါင်းရင်းမြစ်များ

I Chroniques 7:21

Shutélach, kra nengaʼa; Ezer a Elead. Ndohi Gath, ndohi kokwar tas, ta bazl ta, a géɗ man ta gu metsar skwi gi ta.

Amos 6:2

Vo-do Calné, a kin rkaʼa! Vo-do a ma ma a Hamath, kokwar mbiaʼa. Te deɓaʼa vo-do a kokwar Gath, kokwar Philistie. Kin fena kokwar-bi te pa dè? Mba kokwar-bi kinè aman a tengaʼa ɗè?

Zacharie 12:3

A pats nasa i gi Jérusalem a godokwom mbiaʼa, a ndohi herkeda tèlèba man ta woy a ta mbèlè auda, a cizlèma ta rai, a ndohi tèlèba ta da ɓicè va a géɗèʼa.

Josué 13:3

a hinè te Shichor, zuraʼa a ma kokwar Egypte, ha ndè a kokwar Ekron, te civèɗ man a géɗèʼa, man ta ngra na a va kokwar Canaan, man bihi Philistie 5; bi Gaza, bi Asdod, bi Askalon, bi Gath a bi Ekron ta gi bi te pa; a ndohi Avvi;

Josué 15:11

Te deɓaʼa kuma a beza a tsagi Ekron te civèɗ man a géɗèʼa; a dè Shicron, a dè za Baala, a ndikè Jabneel, ha ndikè a ma iyam mbiaʼa.

I Samuel 17:4

Te va ndohi Philistie, ngul ndo staɗ a mshkè auda, nzlembaɗ na Goliath, te kokwar Gath. Ngurè nengaʼa a tsi ri 6 a rètaʼa.

I Samuel 17:52

A ndohi Israel a ndohi Juda ta slambaɗa, ta rubai, a ta dzam ta ndohi Philistie ha ndè Gath, a ntamagi Ekron. Nckondohi Philistie ta mana a civèɗ, a hinè te Shaaraim, ha ndè Gath a Ekron.

I Samuel 29:6

Akish a mbaha na David, a ngaɗa na: Ara man Ndo nzi pèc pècèk a zhè, ka ndo nzuraʼa. Ar ambahayè, aman ka gi var a verzi ga, te man i ngots mali a sam ngaya bai, a hün te pats man ka shkè a sam ga, ha mshkè na ma mpatsna. Aman ka ambaha ta bihi sojè ɓai.

I Samuel 5:11

A ta baha ta bihi Philistie tèlèba, a ta ɓic ta, a ta gaɗa: Va-zlinda koti Zhiklè a deɓa a ngwai, da bazl nga a ndohi nga asaɓai! Zlau a mbazl ta ndohi kokwar a vèvèɗ. Zhiklè a nʼnga ta matakwan mwuɗitpa.

I Samuel 5:7

Aman ndohi Asdod ta rka skwi man a gau, ta gaɗa: Koti Zhiklè Israel da nza a sam nga asaɓai! Kita nengaʼa mwuɗitpa a géɗ nga, a géɗ Dagon, Zhiklè nga, ba.

I Samuel 6:2

A ndohi Philistie ta baha ta ndohi mʼmbèh skwai a ndohi mpi kwa tengaʼa a ta gaɗa: Nga da ga na koti Ndo nzi pèc pècèk kè? Va-ngreda nga, nga gi maya mè, a nga menda ta a deɓa a ngwai.