I Samuel 31:8 - Ma Zhiklè

⁸ Te mangoslèmaʼa aman ndohi Philistie ta shkè, a ta suɗama ta skwi auda a va ndohi mbazlaʼa, ta ngots Saul a wudahi nengaʼa makar, mbazlaʼa te za Guilboa.

I Samuel 31:8 ပူးပေါင်းရင်းမြစ်များ

II Samuel 1:20

Kin gaɗa ta ndohi te Gath ɓai, kin njè ta ndohi a civèɗ te Askalon ɓai, aman dalahi Philistie da da wuffa ɓai, a dalahi ndohi ngwon nʼngelɓiaʼa da da wuffa a ta sli dimèsh ɓai!

II Samuel 1:21

Kinè, zahi Guilboa, ko minmèn, ko iyam da ga a gèɗ kinè ɓai, kinè za mʼmetsai; aman te pa, ta kalda gambar ndo ngul skwai, gambar Saul. Ta faɗa na mbar a pa ɓai, aman pombaz a mbeza ndohi man ta bazl ta.

I Chroniques 10:8

Te mangoslèmaʼa, aman ndohi Philistie ta shkè, ta suɗama ta skwi auda a va ndohi mbazlaʼa, ta ngots Saul a wudahi nengaʼa makar, ta bazlaʼa te za Guilboa.

II Chroniques 20:25

Josaphat a ndohi na to do a ta hul njèkèɗi skwi ta. Ta ngots te va ndohi mbazlaʼa skwi mèshèlè a vata, kolongwi mbelaʼa, a ta hul kumba ara man ta slaha. Ta hul skwi ndumè mʼmèn makar, te man a zhè a vata.

I Samuel 28:4

A ndohi Philistie ta ɓica va a ta haya te Sunem. Saul a mɓica ndohi Israel tèlèba, a ta haya va te Guilboa.

I Samuel 31:7

Aman ndohi Israel man ta zhè te kokwar a vara a ta zhè te kokwar a ma Jourdain, ta rkaʼa, ndohi Israel ta hu ta, a Saul a wudahi nengaʼa ta bazl ta ma, ta jèkeda kokwar ta, a ta hu ta. A ndohi Philistie ta shkè a ta nza a pa.

I Samuel 31:9

A ta ngelama na gèɗ, a ta suɗama na limbèt auda a va, a ta zlündo a kokwar ndohi Philistie tèlèba, a ta ngra ta ndohi tèlèba, a zhiklèhi tengaʼa: nga ga a ngula ma!