I Samuel 31:3 - Ma Zhiklè

³ Ta ɗagola na va a verzi a Saul a vata, ndohi lèkèɗ ta ɓoro, a ndza na a verzi hwaɗ.

I Samuel 31:3 ပူးပေါင်းရင်းမြစ်များ

Genèse 49:23

Ndohi lèkèɗ ta poko na gèɗ auda, ta ɓoro. A ta gu shèwa a nengaʼa.

II Samuel 1:4

David a ngaɗa na: Var a gu kè? Ngredayè! A nengaʼa a ngaɗa na: Ndohi ta hu ta a ma var. Ndohi kumba ta bazl ta klèng. Saul a Jonathan, kra nengaʼa ba, ta bazlaʼa.

II Samuel 1:6

A ndo nʼngra na aranta a ngaɗa: I do ga za Guilboa ambali genè, a i ngots Saul a ngu var a tsakwal, a kikai a ndohi plèsh ta herda na va.

II Samuel 21:12

David a mdo, a ndzhoɗo vatasl Saul a Jonathan, kra nengaʼa, te ri ndohi Jabès te Galaad, man ta heldama a metsar a dal kokwar Beth-Shan, a sam man ndohi Philistie ta zlatsede ta a pa a pats man ta keɗe Saul te Guilboa.

I Rois 22:34

A ndo ngiɗè a nloto lèkèɗ na ambali genè, a sulom a mpèkèt na auda te rai, a nda dza na bi Israel, a mbeza a slrats limbèt. A nengaʼa a ngaɗa na ndo ngs plèsh na: Dyè a deɓa, auda a ma var, mblè a va ga!

Amos 2:14

Ko ndo mwoslaʼa a zhè, a slaha a nhi na ɓai. Ko ndo wuɗi a zhè, wuɗi nengaʼa a takaha azɓai. Ngul ndo ba a da mbél nshèffè na azɓai.