I Samuel 30:8 - Ma Zhiklè

⁸ David a ndzhoɗo Ndo nzi pèc pècèk, a ngaɗa: I hu a verzi ndohi nkalay a va haha dè? I da ngats ta dè? Ndo nzi pèc pècèk a mʼmbeɗa na a ma: Hau a verzi ta! Ka da ngats ta, a ka da ngazlka ta a deɓa.

I Samuel 30:8 ပူးပေါင်းရင်းမြစ်များ

Genèse 14:16

A nhulko skwi tèlè a deɓa, a Lot, kra kramam na, a skwi na, a ngwozi a ndohi ba.

II Samuel 5:19

David a ndzhoɗo Ndo nzi pèc pècèk, a ngaɗa: I da gu var a ndohi Philistie dè? Ka da pay a ri dè? A Ndo nzi pèc pècèk a mʼmbeɗa na a ma David: Do, i da pa ka ndohi Philistie a rai a vava.

II Samuel 5:23

Aman David a ndzhoɗo Ndo nzi pèc pècèk, nengaʼa a mʼmbeɗa na a ma: Ko do zuraʼa a tengaʼa ɓai; aman ngalka ta a pa a nʼngélè, a ka kala ta va te civèɗ wof gevda.

Psaumes 50:15

Tsu ri a iyè a pats mwuɗitpa, a i woy a i mbel ka, a ka, ka da slébèrdyè.

Psaumes 91:15

A bahayè, a i da mbeɗa na a ma, i da zhè a sam na te matakwan, i da ckoɗauda a i feda a sam man ta slébèrdèʼa.

Exode 15:9

Ndo mayam a gada: I hi a verzi ta, i woy a i gs ta, i ɓicè skwi ta, a ndav ga a mʼmènèhai. I geda ta tsakwal ga, ri ga a gedas ta.

Nombres 27:21

Nengaʼa da zlatsa a sam Eléazar, a nengaʼa da bazla kita Urim a géɗ nengaʼa, a sam Ndo nzi pèc pècèk. A géɗ ma nengaʼa ta dè auda te kokwar, a géɗ ma nengaʼa ta shkè a deɓa a ngwi ta; nengaʼa, a ndohi Israel tèlèba a nda nengaʼa, mpi ndohi tèlèba.

Juges 20:18

Ta slambaɗa, to do Béthel, a ta dzhoɗo a sam Bi Zhiklè. Ndohi Israel ta Gad: Ndè zlèr var a sam ndohi Benjamin wa? A Ndo nzi pèc pècèk a Ngalda: Juda do do nshèlèkuraʼa!

Juges 20:23

A ndohai, ngurhi Israel, ta mana ndav ta zaʼa, a ta hüno ndèh va a sam madatsuta.

Juges 20:28

Phinées, kra Eléazar, kra Aaron, a ɓerèʼa a pats nasa), a ta Gad: Nga mine a deɓa a dal var a ndohi Benjamin, kramam nga genè dè, dè nga nzi nga mèn dè? A Ndo nzi pèc pècèk a Ngalda: vo-do, an-goslèm i da pa ta a ri a kinè.

Juges 8:4

Gédéon a mshkè a ma woyam Jourdain. A ntawaɗa a nda ndohi nengaʼa 300, ntulè a nkeɗ ta, mi a mbazl ta.

I Samuel 10:22

A ta dzhoɗo a sam Ndo nzi pèc pècèk zaʼa: Masli sa a mshkè dè? Ndo nzi pèc pècèk a mʼmbeɗa ta a ma: Halau, a nʼngheda va na a va kolongwai.

I Samuel 14:37

A Saul a ndzhoɗo Zhiklè: I do a verzi ndohi Philistie dè? Ka da pe ta a ri ndohi Israel dè? Aman Zhiklè a mʼmbeɗa na a ma a pats nasa ɓai.

I Samuel 23:2

David a ndzhoɗo Ndo nzi pèc pècèk: I dè a i bazl ta ndohi Philistie ɗè? A Ndo nzi pèc pècèk a mʼmbeɗa na a ma David: Do, a ka bazl ta ndohi Philistie. Mbela kokwar Keila!

I Samuel 23:4

David a ndzhoɗo Ndo nzi pèc pècèk zaʼa, a Ndo nzi pèc pècèk a mʼmbeɗa na a ma: Slambaɗa, do Keila! Aman i da pe ta ndohi Philistie a ri a ka.

I Samuel 28:6

Saul a ndzhoɗo Ndo nzi pèc pècèk; aman Ndo nzi pèc pècèk a mbeɗa na a ma ɓai, ko te nshunè, ko a jimèr nkezlaʼa, ko a ma ndohi nhadka ma.

I Samuel 30:18

Aranta David a mʼmbeldko skwi man ndohi Amalek ta heldama. David a mʼmbeldko ngwozi nengaʼa cèw ba.

I Samuel 30:19

A nʼngotsko ndohi ta a deɓa tèlèba, ko nkè-shèa, ko mbiaʼa, man ta hulo; a wudahi ba a dalahi ba a skwi tèlèba man ta shkè a vna, tèlèba David a nʼngotskoɗa deɓa.