I Samuel 30:26 - Ma Zhiklè

²⁶ Aman David a mshkè Tsiklag, a nzlündo skwi man a nʼngots te var a sam ndohi nhalaʼa te Juda, a sam mandalahi na, a mʼmenda ta: Na haha skwi mbalai man nga va kinè te va skwi man nga ngots a sam var mayamhi Ndo nzi pèc pècèk.

I Samuel 30:26 ပူးပေါင်းရင်းမြစ်များ

Genèse 33:11

Co skwi man i ga ka mbali a vna! Bi Zhiklè a mvayè te pombai, a skwi a zhè a vata. A ntetika na a gèɗ, ha a mco.

II Samuel 1:1

Te deɓ mʼmetsi Saul, aman David a ngu a ngul ndohi Amalek ma, a mshkè a deɓa a ngwi ma, a nʼnza te Tsiklag mʼmèn cèw,

II Rois 5:15

A Naaman a mʼmenkaɗa deɓa a sam ndo Zhiklè, a golahi nengaʼa tèlèba ta zlatsa a sam na. A ngaɗa na: Anai i suna, Zhiklè ngiɗè azɓai tʼherkeda, sèi Zhiklè te Israel. Anai co skwi mbalai te ri ɓèl ngaya!

Psaumes 35:27

Tengaʼa man ta wuffè a géɗ man mali ga azɓai, sèi ta sli dimèsh, ta wuffè a ta gaɗa pèc pècèk: Nga slébèrdè Ndo nzi pèc pècèk man a woy ɓèl nengaʼa a nzi a gumai.

Psaumes 68:18

Kiki var Bi Zhiklè a zhè kumba, ta gi gozhèm kumba kumba. Bai, Zhiklè, a shkè te Sinai, a dè a sam nengaʼa nkezlaʼa a vna.

Esaie 32:8

Aman ndo mbelaʼa a hér skwi mbelaʼa, a gi skwi mbelaʼa.

2 Corinthians 9:5

Gar haha i hur amba, a i bid ta kramamhai, aman ta dè a ma ma a sam kinè, a ta til mpshè ma man kin pasla nga rai, aman ntila a vava, da gu a skwi man kin vau a mpshè ma, man kin ga keda a pa ɓai.

I Samuel 18:17

Saul a ngaɗa na David: Na haha, Mérab, tsuvom dem ga. I woy a i va ka a ngwoz. Aman sèi ka gi slagama, a ka gi var man Ndo nzi pèc pècèk a woya a ngiaʼa. Saul a nhur te ndav: I woy a i lama na a ri ga azɓai. Sèi ndohi Philistie da keɗaʼa.

I Samuel 25:27

Skwi mbali haha, man ɓèl ngaya a ncko na bi na, a va ta ndohi man ta dè a verzi bi na.

I Samuel 25:28

Pra na malai a ɓèl ngaya. Ndo nzi pèc pècèk a vava a da gi aman gi ngaya a nzi dai. Ka gi var Ndo nzi pèc pècèk, a ta ngècè mali a sam ngaya azɓai, a pats nshèffè ngaya tèlèba.

I Samuel 30:20

A ta mbolkoɗi rèwè tambaki a zlèhi a ma tengaʼa, a ta gaɗa: Nasa skwi man David a nhulko te var.

I Samuel 30:25

A ta gu arsa a pats sa, a ta gu arsa a ma ma. David a nfaʼa a ma kita a skwi tsuf Israel, ha nshkè na ma a mpatsna.