I Samuel 28:6 - Ma Zhiklè

⁶ Saul a ndzhoɗo Ndo nzi pèc pècèk; aman Ndo nzi pèc pècèk a mbeɗa na a ma ɓai, ko te nshunè, ko a jimèr nkezlaʼa, ko a ma ndohi nhadka ma.

I Samuel 28:6 ပူးပေါင်းရင်းမြစ်များ

II Samuel 22:42

Ta tsi lalau – ndo ntakaha ta azɓai – a Ndo nzi pèc pècèk a tsena nkudi tengaʼa azɓai.

Psaumes 74:9

Nga rka nrkedi asaɓai, a mèdèp, ndo nhadka ma Zhiklè ba asaɓai. Ndo man a suna, gar a da nzi tèkè tèkè, a te va nga ɓai.

Exode 28:20

a civèɗ mafadaʼa, chrysolithe, cornaline, a jaspe. Ta nüɓda kwa a pa a ta tseda pa a guro.

Exode 28:30

Ka da peda urim a tummim a gozhèm maslaka ara limbèt, a ta zhè a ndav Aaron a ngi kita, aman a dè a pa a sam Ndo nzi pèc pècèk. A Aaron a nhelda kita ndohi Israel pèc pècèk a sam Ndo nzi pèc pècèk aranta, a ndav na.

Proverbes 27:1

Ka fu va a géɗ mangoslèm ɓai! Ka sun skwi man a da gi angoslèm ɓai.

Jérémie 23:28

Ndo nhadka ma man nshunè a nkeɗaʼa, a njè ma nshun sa. Aman ndo man a nʼngots ma ga, a gèɗè ma ga zuraʼa. Kuza a dau ta lèmdè va te mè? Ndo nzi pèc pècèk a gaɗa.

Lamentations de Jérémie 2:9

Ntamagi kokwar ta preka ta auda, a skwi mɓèr ntamagai mpasl na. Bai a wud bihi tengaʼa ta te ndev ndohi nte deɓa; ma kita azɓai; ko ndohi nhadka ma ta ngècè nshunè te ri Ndo nzi pèc pècèk azɓai.

Joel 2:28

Te deɓaʼa a da gi aman i bèdè Mè-zhèɓ ga a géɗ ndohi tèlèba, a wudahi kinè a dalahi kinè sèi ta hodko ma Zhiklè; ndohi kinè nhalaʼa ta ngècè nshunè, a golahi kinè sèi ta rka skwi man a ma.

Lèv. 8:8

Te deɓaʼa a mva na maslaka ara limbèt a va, a mpeda Urim a Thummim a pa,

Michée 3:7

A ndohi nsun skwai ta gi horai, a ndohi nhadka ma ta ngècè hori a dai. Tèlèba ta pi ri a dai, a géɗ man Zhiklè a mʼmbeɗa ta a ma ɓai.

Nombres 12:6

A ngaɗa: Va-tsena ma ga zuraʼa! Aman ndo nhadka ma a zhè te ndev kinè, iyè Ndo nzi pèc pècèk i gudoko na va a dai ara nshunè, i gada na te nshunè.

Nombres 27:21

Nengaʼa da zlatsa a sam Eléazar, a nengaʼa da bazla kita Urim a géɗ nengaʼa, a sam Ndo nzi pèc pècèk. A géɗ ma nengaʼa ta dè auda te kokwar, a géɗ ma nengaʼa ta shkè a deɓa a ngwi ta; nengaʼa, a ndohi Israel tèlèba a nda nengaʼa, mpi ndohi tèlèba.

Matthew 1:20

Aman a hur skwi haha arsa, gol Bi Zhiklè a ngudoko na va a dai te nshunè, a ngaɗa na: Joseph, kra David, ka gu zlau ɓai! Co Marie, a ngwoz ngaya, aman kra ntʼhwaɗ na, Mèzhèɓ Zhiklè nkezlaʼa a mva na.

Jean 9:31

Aman nga suna, Zhiklè a tsena ndohi malihi azɓai, aman a tsena ndo man a pi ndav a Zhiklè, a gi skwi man nengaʼa a woyaʼa.

Deutéronome 33:8

A goɗ a géɗ Lévi: Va na thummim a urim a ndo ngaya nkezlaʼa, va na nengaʼa man ka jkeda te Massa, man kin bozl va a vna te Meriba,

Jacques 4:3

Kin jhèɗèʼa, a kin ngècè skwi azɓai, te man kin dzhaɗda a di na ka ɓai, a géɗ ntétékè kinè.

I Samuel 14:37

A Saul a ndzhoɗo Zhiklè: I do a verzi ndohi Philistie dè? Ka da pe ta a ri ndohi Israel dè? Aman Zhiklè a mʼmbeɗa na a ma a pats nasa ɓai.

I Samuel 28:15

Samuel a ngaɗa na Saul: Ka ngokoy nshèk va ga a pa èhèmè? A ka bahay è auda èhèmè? Saul a ngaɗa: I te matakwan mbiaʼa. Ndohi Philistie ta gi var a iyè. Zhiklè a njèkyè ma, a mbeɗay a ma asaɓai, ko te ma ndohi nhadka ma, ko te nshunè. A gèɗ nengaʼa i baha ka, a ka ngray skwi man i da giaʼa.

I Samuel 28:5

Aman Saul a nrka nhèyè-va ndohi Philistie, a gi zlau a vata, ndav nengaʼa a gudzai a vata.