I Samuel 26:8 - Ma Zhiklè

⁸ Abishai a ngaɗa na David: Zhiklè a mva ka mayam ngaya a ri ngaya a patsna. I woy a i tizhè stadgenè, a tsi gèɗ auda a herkeda. I tizhè cèw azɓai.

I Samuel 26:8 ပူးပေါင်းရင်းမြစ်များ

II Samuel 16:9

Abishai, kra Tseruja, a ngaɗa na bai: Kda ambali haha a dérɗe bai, bi ga, ambalai èhèmè? I woy a i dè a i ngelama na gèɗ.

Psaumes 31:8

I woy a i gi langlangaʼa a i wuffè a géɗ pombi ngaya, te man ka rka matakwan ga, a ka hur nlèyè ga te ndav.

Jérémie 40:15

Te deɓaʼa Jochanan, kra Karéach, a ngaɗa na Guedalia te Mitspa a metsar: I do a i da keɗa Ismael, kra Nethania, dè? Ndo ngiɗè da senaha ɓai. Da keɗe ka èhèmè? Ndohi Juda mɓicaʼa a tsagi ngaya, da ksar ta èhèmè, a njèkèdi Juda da ze na èhèmè?

Nahum 1:9

Kin hér a géɗ Ndo nzi pèc pècèk mè? Nengaʼa a zeda skwai; matakwan a slèmbèɗè sak cèw azɓai.

Romans 11:32

A sam Zhiklè tèlèba ndohi mèdègèɗ, aman tèlèba a ta da sia te va.

Deutéronome 32:30

Ndo staɗ a dzam ta ndohi 1.000 azɓai; ndohi cèw ta dzam ta ndohi 10.000 azɓai, sèi man Ndo nzi pèc pècèk a mpe ta a ria kla!

Josué 21:44

Ndo nzi pèc pècèk a mva ta gumai, ta sok va, ara man a mbaɗa ta babhi tengaʼa. Teva ndohi mayamhi tengaʼa tèlèba, ko staɗ ndo man a Sala ta va a gèɗ azɓai. Ndo nzi pèc pècèk a mpe ta tèlèba a ri a tengaʼa.

Juges 1:4

A ndohi Juda to do a nda gi var, a Ndo nzi pèc pècèk a mpa ta ndohi Canaan a Phérez a ri a tengaʼa. Ta bazl ta ndohi 10.000 te Bézek.

I Samuel 23:14

David a nʼnza tʼhèshèkèɗ, te za, tʼhwaɗ kwa, te hèshèkèɗ Ziph. A Saul a woyaʼa lèk lèk. Aman Zhiklè a mva na a ri a nengaʼa ɓai.

I Samuel 24:4

A mshkè a sam rèwè tambakihi a civèɗ. A pa, gi za a zhè, a Saul a mdo a pa, a woya a thè zai. David a ndohi nengaʼa ta te gi za tʼhwadaʼa.

I Samuel 24:5

Ndohi David ta gaɗa na David: A patsna Ndo nzi pèc pècèk a mva ka mayam ngaya a ri a ka, ara man a gaɗa ka halakai. Ka gi a vna ara man ambaha ka. A David a nslambaɗa, a nʼngulo ma dawar maslaka Saul a metsar.

I Samuel 26:23

Aman Ndo nzi pèc pècèk a mpela na ndo staɗ staɗara skwi nzuraʼa a nlèɓèslèa nengaʼa. Aman Ndo nzi pèc pècèk a mva ka a ri ga a patsna; aman i woy a i lama na ndo man Ndo nzi pèc pècèk a mbada na mbar a gèɗ ɓai.

I Samuel 26:7

Aman David a Abishai ta ndikè a sam ndohai a vaɗ, na haha, Saul a nzhuna a sam kolongwai, tsakwal nciɓa tʼherkeda a sam nfi gèɗ nengaʼa. Abner a ndohi nengaʼa ta mana a tsagi na.

I Samuel 26:9

David a ngaɗa na Abishai: Ka keɗa ɓai! Nslaha a nkeɗa ndo man Ndo nzi pèc pècèk a mbada na mbar a gèɗ, wa, man a ngècè kita te deɓaʼa azɓai.