I Samuel 24:12 - Ma Zhiklè

¹² Bab ga, wora, rka ma dawar maslaka ngaya te ri ga! A i ngulo ma dawar maslaka ngaya, a i keɗe ka ɓai, a ka suna, a ka rkaʼa, ri ga mpana, ri nlizhɓai, i ga shèwa a géɗ ngaya ɓai, a i ga mali a sam ngaya ɓai. Aman ka, ka woy a ka zeday nshèffè ga.

I Samuel 24:12 ပူးပေါင်းရင်းမြစ်များ

Genèse 16:5

A Sarai a ngaɗa na Abram: Skwi man a gay a haha, di na ka bai, da ngwoda ka va a gèd! I va ka ɓèl ga a ndav a ri ga. Anai a suna, kra tʼhwaɗ na, a ɗèlyè a rai. Ndo nzi pèk pècèk da gu kita nga a ka!

Genèse 31:53

Bi Zhiklè Abraham, Zhiklè Nachor, da ga nga kita nga! A Jacob a mʼmbaɗa a sam di Zhiklè man Isaac, bab na, a gi zlauaʼa.

II Samuel 22:48

Zhiklè a pelay di man a ga, a nge ta ndohi a ɓèl ga.

I Chroniques 12:18

A Mèzhèɓ a mshkè a gèɗ Amasai, staɗ te va bihi sojè, a ngaɗa: Gumi a sam ngaya, David, kra Isai! Gumi a sam ngaya! Gumi a sam ndohi ntakaha ka, te man Zhiklè ngaya a ntakaha kal Te deɓaʼa David a nhumda va a nda tengaʼa, a nge ta a ndohi ncè ta ma ndohi var.

Job 5:8

Aman agassa iyè, ar i gada na Zhiklè, a i ngra na ma ga a Bi Zhiklè.

Psaumes 35:1

Man a David. Ndo nzi pèc pècèk, nzay a dai a sam tengaʼa man ta bèzl va a iyè, gu var a tengaʼa man ta gi var a iyè!

Psaumes 43:1

Gay kita, Zhiklè! Nzay a deɓa a sam ndohi man ta woy ndo ɓai! Mbelyè te ri ndohi nʼngwèdè ndo, te ri ndohi malihai!

Psaumes 94:1

Ndo nzi pèc pècèk, ka Zhiklè man ta pela ka gèɗ. Zhiklè mpil gèɗ, gudko nga va a dai!

Romans 12:19

Dalahimam ga, kin pulko di man a kinè auda a ri kinè ɓai, aman va-jèka na a ri a Zhiklè. Aman a sam ngiɗè ɗèlèwèr Zhiklè a gaɗa: Mpil gèɗ, iyè mpilèʼa. I woy a i pela na di man a ndo. Bai Zhiklè a gaɗa. A sam ngiɗè a gaɗa:

1 Peter 2:23

Aman ta durɗo, nengaʼa a nderɗa ɓai. A sam man skwa a dza na, a nguva ɓai, aman a feda skwi tèlè a ri nengaʼa, man a gi kita zuraʼa.

Apocalypse 6:10

A ta boho a wuɗai, a ta gaɗa: Bai, ka ndo nkezlaʼa, ndo nzuraʼa, nʼnzi tèkè aman ka gi kita azɓai, ka pela Pombaz nga azɓai a sam tengaʼa tʼherkeda?

Juges 11:27

Iyè, i gu mali a sam ngaya ɓai, aman ka ka gu skwi ambaɓiaʼa a sam ga, a géɗ man kin gi var a iyè. Ndo nzi pèc pècèk, man a gi kita, da bozl kita te ndev nga, ndohi Israel a ndohi Ammon, a patsna!

I Samuel 20:1

David a mwuc na te Najoth, a tsagi Rama, a mshkè a sam Jonathan, a ngaɗa na: I ga mè? Mali ga mè, i ga ambaɓia a sam bab ngaya mè, aman a woya a nkedyè?

I Samuel 24:15

Bi Israel, ka jèm wa? Ka hi a verzi ngè? Kda mʼmetsaʼa! Nshwèk ambalai!

I Samuel 26:23

Aman Ndo nzi pèc pècèk a mpela na ndo staɗ staɗara skwi nzuraʼa a nlèɓèslèa nengaʼa. Aman Ndo nzi pèc pècèk a mva ka a ri ga a patsna; aman i woy a i lama na ndo man Ndo nzi pèc pècèk a mbada na mbar a gèɗ ɓai.