I Samuel 22:2 - Ma Zhiklè

² A ndohi tèlèba man ta ga ta matakwan, man dua a gèɗ ta, man ta ngeza, ta ɓicko va a sam na, a nengaʼa a ngu a bi ta. Ndohi a sam na ta gi 400.

I Samuel 22:2 ပူးပေါင်းရင်းမြစ်များ

II Samuel 17:8

A Hushai a goɗ a vaʼa: Ka suna, bab ngaya a ndohi nengaʼa, ngul ndohai; ndav tengaʼa a mbeɗè azɓai, ara marizhèlè te dak man ta cèma na kra na. Bab ngaya, ndo var, nengaʼa a ndohi nengaʼa ta shèk va a vaɗ azɓai.

II Samuel 5:2

Te va nasa ba, aman Saul bi nga dai, ka, ka nde ta ndohi Israel a var, a ka shkè ngwai a nda ta. Ndo nzi pèc pècèk a ngaɗa ka: War ndohi Israel ga, gu bi a géɗ Israel!

II Rois 20:5

Do a deɓa a ka gada na Ezéchias; bi ndohi ga: Ndo nzi pèc pècèk, Zhiklè David, bab ngaya, a goɗa ar haha: I tsena ntsi ri ngaya, a i rka kuɗa a di ngaya. I woy a i mbel ka te matakwan ngaya. Te deɓ mʼmèn makar ka dè a gi Zhiklè.

II Rois 4:1

Ngwoz gol ndohi nhadka ma ngiɗè a ntsu ri a sam Elisée, a ngaɗa: Baki ga, hel ngaya, mʼmets na. Ka ha ka suna, ɓèl ngaya a nslubordo Zhiklè. Ndo man dua nengaʼa a zhè te ri na, a mshke, a woy aman a helamay wudahi ga cèw, a ga ta a ɓèlèlihai.

Proverbes 31:6

Dara kin jèka ta zom a ndohi man ta zi ta, a kin va na zom a ndo man a gi ndav tungrungaʼa.

Matthew 11:12

A hüno te Jean Baptiste, ha patsna, ta woy kokwar-bi-Zhiklè a wuɗai, a ndohi wuɗai ta woya nʼngèzlèʼa.

Matthew 11:28

Vo-washkè a sam ga, kin tèlèba man ntulè a keɗ kinè, man skwi mwuɗitpa a ga kinè, a i da va kinè nshèk va.

Hébreux 2:10

Zhiklè, a géɗ nengaʼa skwi tèlèbá a zhè, a skwi tèlèba a zhè te nengaʼa, a nʼnga Yèsu a ndo ncè ma ndohai a sam mʼmbel ndo, jèlèlèʼa te matakwan, aman a de ta wudahi kumba a sam nʼnjèlè.

Juges 11:3

A Jephthé a mhu na a sam kramamhi na, a nʼnza a kokwar Tob. A nderkèzhè ndohai ta ɓica va a sam Jephthé, a ta dzodzora.

Juges 18:25

Ndohi Dan ta gaɗa na: Nga woya a nga cinè ma ngaya ɓi klèk ba, man ɓai ndohi man gèɗ ta ndzakaɓa, ta da ngats ka; a ta da zede nshèffè ngaya, a nshèffè ndohi gi ngaya ba.

I Samuel 1:10

Anne a ntsu ri a Zhiklè, a nkuɗu te ndav na, kuɗa a di sraffsraffaʼa.

I Samuel 22:3

David a njèkeda samaʼa a ndo Mitspé te Moab, a ngaɗa na bi Moab: Va ta civèɗ a nda bab a mam ga, a ta nzi a sam kinè, ha pats man i sun skwi man Ndo nzi pèc pècèk a woya a ngia a iyè.

I Samuel 23:13

A David a nslambaɗa, ta a ndohi nengaʼa, ndohi 600, a ta jèkeda Keila, a ta gu do ahna, do ahna. A ta menda na Saul, David a mwuc na te kokwar Keila. A Saul a njèkeda, nʼnga var asaɓai.

I Samuel 25:13

Te deɓaʼa David a ngaɗa ta ndohi nengaʼa: Staɗ staɗ da kelawda kafahi gwèsh a zlazlar! Staɗ staɗ ta gau arsa, a David ba a nkelawda kafahi gwèsh a zlazlar. A David a nde ta ndohi 400.200 ta nza te deɓa a sam kolongwai.

I Samuel 30:6

A David a nsau matakwan kumba, ndohi ta woya ta kèlè a kwa. Ndav a ndza ta a ndohi tèlèba a gèɗ wudahi a dalahi ta. Aman David a mpu ndav na a Ndo nzi pèc pècèk, Zhiklè na.

I Samuel 9:16

Angoslèm, aranta, i da zlinda ndo ngiɗè te kokwar Benjamin a sam ngaya. Ka da faɗa na mbar a gèɗ, a gi bai a géɗ ndohi Israel. Nengaʼa a da mbel ta ndohi ga te ri ndohi Philistie. I rka nlèyè matakwan ndohi ga, a i tsena kuɗ tengaʼa. Samuel a mʼmana staɗ, ga Saul a mshkè.