I Samuel 22:10 - Ma Zhiklè

¹⁰ Achimélec a ndzhoɗo Ndo nzi pèc pècèk a géɗ David. A mva na skwi nʼndi a civèɗ, a kafahi gwèsh Goliath, ndo Philistie.

I Samuel 22:10 ပူးပေါင်းရင်းမြစ်များ

Nombres 27:21

Nengaʼa da zlatsa a sam Eléazar, a nengaʼa da bazla kita Urim a géɗ nengaʼa, a sam Ndo nzi pèc pècèk. A géɗ ma nengaʼa ta dè auda te kokwar, a géɗ ma nengaʼa ta shkè a deɓa a ngwi ta; nengaʼa, a ndohi Israel tèlèba a nda nengaʼa, mpi ndohi tèlèba.

I Samuel 10:22

A ta dzhoɗo a sam Ndo nzi pèc pècèk zaʼa: Masli sa a mshkè dè? Ndo nzi pèc pècèk a mʼmbeɗa ta a ma: Halau, a nʼngheda va na a va kolongwai.

I Samuel 21:10

Te deɓaʼa David a nslambaɗa, a mhu na a Saul a pats sa, a mshkèda sam Akish, bi Gath.

I Samuel 22:11

A Saul a nzlinde ndo, da bahka na Achimélec, ndo mvi skwi a Zhiklè, kra Achithub, a ndohi gi bab na tèlèba, ndohi mvi skwi a Zhiklè te Nob. A ta shkè tèlèba a sam bai.

I Samuel 22:13

A Saul a ngaɗa na: Kin humdokoy ma a gèɗ, kinè a kra Isai, a ka va na movar a tsakwal, a ka ndzhoɗo Ndo nzi pèc pècèk a géɗ nengaʼa, èhèmè? Nengaʼa a grè gèɗ a sam ga, a gi shèwa a iyè, ara man a gi a patsna.

I Samuel 22:15

I hinè njhèdè Zhiklè a géɗ nengaʼa a patsna genè dè? Aʼai! Bai da fa nga mali a gèɗ a ɓèl ngaya a géɗ ndohi gi bab nga ɓai! Aman ɓèl ngaya a sun skwi ɓi pal ba, ko skwi nkèshèa, ko skwi mbiaʼa.

I Samuel 23:12

David a ndzhoɗo: Ndohi Keila ta da hil nga, iyè a ndohi ga, a ta da pe nga a ri Saul dè? A Ndo nzi pèc pècèk a mʼmbeɗa na a ma: Ta da pe kinè a ri a nengaʼa.

I Samuel 23:2

David a ndzhoɗo Ndo nzi pèc pècèk: I dè a i bazl ta ndohi Philistie ɗè? A Ndo nzi pèc pècèk a mʼmbeɗa na a ma David: Do, a ka bazl ta ndohi Philistie. Mbela kokwar Keila!

I Samuel 23:4

David a ndzhoɗo Ndo nzi pèc pècèk zaʼa, a Ndo nzi pèc pècèk a mʼmbeɗa na a ma: Slambaɗa, do Keila! Aman i da pe ta ndohi Philistie a ri a ka.

I Samuel 30:8

David a ndzhoɗo Ndo nzi pèc pècèk, a ngaɗa: I hu a verzi ndohi nkalay a va haha dè? I da ngats ta dè? Ndo nzi pèc pècèk a mʼmbeɗa na a ma: Hau a verzi ta! Ka da ngats ta, a ka da ngazlka ta a deɓa.