I Samuel 21:7 - Ma Zhiklè

⁷ A pats nasa, ɓèl Saul staɗ, nzlembaɗ na Doeg, ndo Edom, ndo mɓer ndohi nwèr tambaki Saul, a zhè, mpizlèda gai a sam Ndo nzi pèc pècèk.

I Samuel 21:7 ပူးပေါင်းရင်းမြစ်များ

Genèse 26:20

A ndohi mɓer skwi te Guérar ta bozl va a ndohi mɓer skwi Isaac, a ta gaɗa: Iyam nga! A mbaha na thal sa Esek, a géɗ man ta gu ma a géɗèʼa.

I Chroniques 27:29

A géɗ tengaʼa man ta wèr zlèhi te Saron: Shithrai, te Saron. A géɗ tengaʼa man ta wèr zlèhi te nkulgodok: Shaphath, kra Adiai.

I Chroniques 27:31

A géɗ skwi kudom: Jaziz, ndo Hagaren. Tengaʼa telèba, ndohi mɓer kolongwi David.

II Chroniques 26:10

A nrom gi ngurèʼa te hèshèkeɗ, a nrau thal kumba, te man rèwè skwi nengaʼa a zhè kumba te slrats, a vara; a ndohi mizlinè a ndohi ngi gi lak te za, te Carmel. Aman mizlinè mpizhè ambaha.

Ezéchiel 33:31

Te deɓaʼa ta dè a sam ngaya, ta haya a vata, ta nzahi a sam ngaya, ta tsena ma ngaya, aman ta jèjèrèʼa azɓai. Ta cèkèlma, ndav tengaʼa a hér sèi Suli genè.

Lèv. 22:10

Ndo mbrok a slaha a nʼndi skwi nkezlaʼa azbai. Ndo te gi na, ndo man a vak a mizlinè a sam ndo mvi skwi a Zhiklè, ta slaha ta ndi skwi man ta va na Zhiklè azbai.

Lèv. 22:13

Aman dem ndo mvi skwi a Zhiklè a nde na ngwoz mazai, man bai baki nengaʼa a nkwolaʼa, wudahi na azbai, a shkè a deɓa a gi bab na a gai, a slaha a nʼndi movar bab na. Aman ndo mbrok ambalai a slaha a nʼndi nengaʼa azbai.

Lèv. 24:5

Te deɓaʼa co gufa ndernènèʼa, a ka tu movar 12, staɗ staɗ tèlèba a gufa agoda cèw.

Lèv. 24:8

Pèc pècèk a pats nshèk va, da tül arsa a sam Ndo nzi pèc pècèk. Nasa ma kita nderzlè-ma ndohi Israel a mèdèp.

Amos 8:5

Ki mɓuaʼa a da vangkaɗi a ngèmè, a nga prè dau? Pats nshèk va a ndivè a ngèmè, a nga prè marorai? A nga livè te agoda nkèshèʼa nga pi ri a pa a vata, a nga gi ri te nlivè skwai.

Matthew 15:8

Ndohi haha ta slebardyè a ma; aman ndav tengaʼa dra a sam ga.

I Samuel 11:5

Na haha, Saul a mshkè te gi dau a verzi zlèhi nengaʼa, a ndzhoɗo: Nʼnga ta ndohi man ta kuɗi a haha mè? A ta ngra na skwi man ndohi Jabès ta woyaʼa. Aman Saul a ntsena ma tengaʼa,

I Samuel 14:47

Aman Saul a nʼngots bi kokwar Israel, a ngu var a mayamhi nengaʼa man ta tèu-da a pa tèlèba: a ndohi Moab, a Ammon, a Edom, a bi Tsoba, a ndohi Philistie. Ko sam man a ndo a pa tèlè, a ngu a ngul ta.

I Samuel 21:8

David a ngaɗa na Achimélec: Ka ngots tsakwal, man ɓai kafahi gwèsh a haha ɓi dè? I shkè a tsakwal ga a skwi var ga te ri ɓai, a géɗ man bai a mvasedekayè.

I Samuel 22:10

Achimélec a ndzhoɗo Ndo nzi pèc pècèk a géɗ David. A mva na skwi nʼndi a civèɗ, a kafahi gwèsh Goliath, ndo Philistie.

I Samuel 22:22

A David a ngaɗa na Abiathar: I sun te va nasa ba, a i gaɗa Doeg, ndo Edom, man a nza pa, a di a hada na ma a Saul. Ndohi gi ngaya tè-lèba ta bazl ta a géɗ ga.

I Samuel 22:9

Ndo Edom, nzlembaɗ na Doeg, nte va ndohi mizlinè Saul, a ngaɗa: I rkaʼa, ara man kra Isai a mshkè a sam Achimélec, kra Achithub, te Nob.