I Samuel 20:3 - Ma Zhiklè

³ David a mʼmenda na a géɗèʼa: Bab ngaya a suna, i ambaha ka. A da hur: dara i ngra na Jonathan ɓai, man ɓai a da dza na a ndav. Aman ara man nshèffè ngaya a zhè, sak ga staɗ te vèvèɗ, ngiɗè tʼuda.

I Samuel 20:3 ပူးပေါင်းရင်းမြစ်များ

II Samuel 15:21

Ittai a mʼmbeɗa na a ma bai: Ara man Ndo nzi pèc pècèk a zhè, ara man bi ga a zhè, aʼai! A sam man bi ga a dè a pa, ko te mʼmetsai, ko te nshèffè, i ba i zhè.

II Rois 2:2

Elie a ngaɗa na Elisée: Nza a haha! Ndo nzi pèc pècèk a nzlendyè a kokwar Bethel. Aman Elisée a ngaɗa: Ara man Ndo nzi pèc pècèk a zhè, ara man ka, ka zhè, i jèke ka azɓai. A to do Bethel cèw ba.

II Rois 2:4

Elie a ngaɗa na: Elisée, nza a haha! Aman Ndo nzi pèc pècèk a nzlendyè a kokwar Jéricho. Aman nengaʼa a ngaɗa: Ara man Ndo nzi pèc pècèk a zhè, ara man ka, ka zhè, i jèke ka azɓai. A to do Jéricho cèw ba.

II Rois 2:6

Elie a ngaɗa na: Nza a haha! Aman Ndo nzi pèc pècèk a nzlendyè a ma woyam Jourdain. Aman nengaʼa a ngaɗa: Ara man Ndo nzi pèc pècèk a zhè, ara man ka ba, ka zhè, i jèke ka azɓai. A to do cèw ba.

Psaumes 116:3

I kala a gadda mʼmetsai, zlau sam mʼmetsai a ngsyè; zlau mʼmetsai a lèydyè, a dzay te ndav.

Jérémie 38:16

Bai Sédécias a mʼmbaɗa na Jérémie a metsar, a ngaɗa na: Ara man Ndo nzi pèc pècèk a zhè, man a mva nga nshèffè, i da keɗ ka azɓai, i da fe ka a ri a ndohi man ta woy a ta zeda nshèffè ngaya azɓai.

Jérémie 4:2

Aman ka mbaɗa a nzlembaɗ Ndo nzi pèc pècèk a vava, zuraʼa, te ngi-zuraʼa, te deɓaʼa ndohi herkeda ta pshè ka ma a nzlembaɗ Ndo nzi pèc pècèk, a ta nzal ka a nzlembaɗ nengaʼa.

Deutéronome 28:66

Nshèffè kinè te mpataka genè, kin gudzi a vaɗ a pats, kin fi gèɗ a nshèffè kinè azɓai.

Deutéronome 6:13

Sèi ka da gi zlau Ndo nzi pèc pècèk, Zhiklè ngaya, a ka gi mizlinè nengaʼa, a ka mbèɗè a nzlembaɗ na.

Hébreux 6:16

Ndohi ta mbèɗè a ndo man a fen ta, a ta cè ma nengaʼa, a ta ndeva ndèvèɗ ma.

I Samuel 1:26

Susai, bi ga, ara man nshèffè ngaya a zhè, bi ga! I ngwoz mʼadatsuta man i zlatsa a sam ngaya a i tsu ri a Ndo nzi pèc pècèk.

I Samuel 17:55

Aman Saul a nrka, ara man David a keɗa ndo Philistie, a ngaɗa na Abner, bi sojè: Abner, kra haha, kra ngè? Abner a ngaɗa: Bai, ara man ka zhè a nshèffè, i sun ɓai.

I Samuel 20:2

A nengaʼa a ngaɗa na: Ayah! Ka metsi azɓai! Na haha, bab ga a gi skwi ngiɗè azɓai, ko mbiaʼa ko nkè-shèa, sèi a ngray dai. Bab ga a nghédè skwi a sam ga azɓai. Ma ambalai.

I Samuel 20:4

Jonathan a ngaɗa na David: Ka jhèɗè a sam ga mè?

I Samuel 25:26

Anai, bi ga, ara man Zhiklè a zhè, ara man ka, ka zhè, ka man Ndo nzi pèc pècèk a ɓer ka te ri mali a ka keɗe ndo ɓai, a ntakaha ka a ri nengaʼa: mayamhi ngaya a ndohi man ta hur skwi ambaɓiaʼa a géɗ bi ga, da ga a nrzlaʼa ara Nabal.

I Samuel 27:1

David a nhur te ndav na: Pats ngiɗè Saul a da kedyè ndèzl. Sèi i hi ga a kokwar ndohi Philistie; a Saul a da jèkyè, a da woyè te kokwar Israel pèc pècèk asaɓai, a i mbel ga te ri na.