I Samuel 20:13 - Ma Zhiklè

¹³ Ndo nzi pèc pècèk da gay skwi ambaɓiaʼa: aman bab ga a da hér skwi ambaɓiaʼa a géɗ ngaya, i woy a i ngreda ka, a i va ka civèɗ a ka dè ngaya, aman skwa da ga ka ɓai. A Ndo nzi pèc pècèk da zhè a nda ka, ara man a zhè a nda bab ga te va nasa.

I Samuel 20:13 ပူးပေါင်းရင်းမြစ်များ

II Samuel 19:13

Va-gaɗa na Amasa ba: Vatasl nga, zluèɗ va nga, na stadgenè ka bi dè? Zhiklè da gay skwi ambaɓiaʼa, aman ka gi a bi sojè ga azɓai a mèdèp te di man a Joab.

II Samuel 3:35

Aman pats a zhè dai, ndohi tèlèba ta shkè a ta tètika na skwi nʼndi a gèɗ a David. Aman David a mbada: Zhiklè da gay skwi ambaɓiaʼa, i ndi movar azɓai, i tèr skwi nʼndi azɓai, sèi pats nkala.

II Samuel 7:15

Aman pombi ga a shkè auda a géɗ nengaʼa azɓai, ara man i co auda a géɗ Saul, man a nza, te va man ka bi di ka ɓai.

I Rois 1:37

Ara man Ndo nzi pèc pècèk a zhè a nda bi ga, da zhè a nda Salomon. Da gu sam nʼnzi bi nengaʼa mbiaʼa a fena man a bi David, bi ga.

I Rois 19:2

A Jézabel a nzlündo ndo sak a sam Elie, a mʼmenda na: Aman ka, Elie – i ba i Jézabel! Angoslèm a sam aranta, i da keɗe ka lèmèlèmè ara man ka ga ta tengaʼa; man ɓai zhiklè da gay skwi mèmè!

I Rois 20:10

A Ben-Hadad a nzlündo ndo, da gada na: zhiklèhi da gay mèmè, da gay skwi ambaɓiaʼa a vaʼa, aman vatasl gi te kokwar Samarie a slra nga a ri ɓai, man i pa ta a ri a ndohi var ga!

I Chroniques 22:11

Anai, kra ga, Ndo nzi pèc pècèk da zhè a nda ka, a ka rufa gi Ndo nzi pèc pècèk, Zhiklè ngaya, amba amba, ara man a goɗ a géɗ ngaya.

I Chroniques 22:16

Guro, gurso, verzhègenè a züdo, a ngrè azɓai. Slambaɗa, hün mizlinè! Ndo nzi pèc pècèk da zhè a nda ka!

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

Philippiens 4:9

Skwi tèlèba man kin sundo, kin ngotso, kin tsenaʼa a kin rkaʼa a sam ga, va-gu arsa! Te deɓaʼa Zhiklè gumai a di a zhè a nda kinè.

Josué 1:5

Ko ndo staɗ da Sala ka va a gèɗ ɓai, a pats nshèffè ngaya tèlèba. Lèmèlèmè ara man i zhè a nda Moise te va nasa, i woya man i zhè a nda ka. I pra ka ma a gèɗ azɓai, i jèke ka a pa azɓai.

Ruth 1:17

A sam man ka da metsi ngaya a pa, i ba i da metsi a pa, a i woya aman ta riyè a vèvèɗ a pa. Ndo nzi pèc pècèk da gay ara man a woyaʼa – aman sèi mʼmetsai a da kezla nga.

I Samuel 10:7

Aman skwi haha a da gi a sam ngaya, gau ara man Zhiklè a ngra ka.

I Samuel 14:47

Aman Saul a nʼngots bi kokwar Israel, a ngu var a mayamhi nengaʼa man ta tèu-da a pa tèlèba: a ndohi Moab, a Ammon, a Edom, a bi Tsoba, a ndohi Philistie. Ko sam man a ndo a pa tèlè, a ngu a ngul ta.

I Samuel 17:37

David a ngaɗa: Ndo nzi pèc pècèk man a mbelyè te ri marizhèlè a kokoya, a da mbelyè te ri ndo Philistie haha ba. A Saul a ngaɗa na David: Do, Ndo nzi pèc pècèk da zhè a ka!

I Samuel 18:12

Saul a gi zlau David. Aman Zhiklè a zhè a nda David, a njèkeda Saul.

I Samuel 19:3

I woy a i dè a i zlècè a tsagi bab ga te dak, man ka zhè a pa, a nga gèɗè a bab ga a gèɗ ngaya. Skwi man i da tsenaʼa, i da ngra ka.

I Samuel 20:12

Jonathan a ngaɗa na David: Ndo nzi pèc pècèk, Zhiklè Israel, a gi malwudai: Gar angoslèm, gar anvakastaɗ, i da pèr ma auda tʼhwaɗ bab ga. Aman ka nʼngots pombai a sam di na, i da zlindè ndo a sam ngaya, a da ngra ka, a vava.

I Samuel 20:14

Aman i zhè a nshèffè dai, gau aman i se ka te va, ara man nga si Ndo nzi pèc pècèk te va. Aman i da mets ga,

I Samuel 25:22

Aman ha angoslèm a prèk i da jèkeda staɗ te va ndohi haha, Zhiklè da gay skwi ambaɓiaʼa.

I Samuel 3:17

A ngaɗa: Ndo nzi pèc pècèk a ngaɗa ka ma mè? Ka ngheda a sam ga ɓai! Zhiklè da ga ka skwi ambaɓiaʼa, aman ka ngheda skwi man a gaɗa ka a sam ga.