I Samuel 2:8 - Ma Zhiklè

⁸ Mbelaw ndo a ftkoɗauda te mèrwèc, ndo ntawassaʼa a ckoɗauda te va koskosai, aman a nʼnzede ta a va bihai, a va ta sam nʼnzi bi mbiaʼa. Aman skwi ngshè verzi herkeda, a Ndo nzi pèc pècèk. A nfa na herkeda a gèɗ.

I Samuel 2:8 ပူးပေါင်းရင်းမြစ်များ

Genèse 41:14

A Pharaon a nzlündo ndo, da baha na Joseph. A ta prekoɗauda tsam-tsam te gi dangai. Nengaʼa a nsha gèɗ, a mfeda maslaka ngiɗè a va, a ndo a sam Pharaon.

Genèse 41:40

Sèi ka ɓer gi ga, a ndohi ga tèlèba, sèi ta fi gèɗ a ma ngaya. Sèi sam nʼnzi bai man i fen ka a vna.

II Samuel 7:8

Gar haha sèi ka gaɗa na David, ɓèl ga: Ndo nzi pèc pècèk, Zhiklè bi wuɗai, a goɗ aranta: I cka ka a sam tambakihi te dak; a ka gi a bi Israel, ndohi ga.

I Rois 16:2

Ko i cka ka auda te mèrwèc, a i fe ka a bi a géɗ Israel, ndohi ga, ka dzodzor civèɗ Jéroboam, a ka pe ta ndohi Israel a wai a ta gi mali a sam ga, a ta pokoy gèɗ ndav auda.

II Rois 9:6

A Jéhu a nslambaɗa, a ndo a gai; a ngiɗè a mbada na mbar a gèɗ, a ngaɗa na: Ndo nzi pèc pècèk, Zhiklè Israel, a goɗa ar haha: I bada ka mbar a gèɗ, a i ge ka a bi Israel, ndohi Ndo nzi pèc pècèk.

Job 1:21

I shkè auda tʼhwaɗ mam ga adai, i dè minè a deɓa adai. Ndo nzi pèc pècèk a mvayè, Ndo nzi pèc pècèk a mco. Sèi da slubordo nzlembaɗ Ndo nzi pèc pècèk!

Job 2:8

A Job a mco kizlèɗ a nfrè va na a vna, nʼnza te va mèrwèc.

Psaumes 102:25

Anai i gaɗa: Zhiklè ga, ka cèmay nshèffè te gola ɓai! Mvi ngaya a dè a ma ma te verzi wud wuda.

Psaumes 104:5

Ka voko skwi a, verzi herkeda, aman a giɗè va azɓai a mè-dèp.

Psaumes 107:41

Nengaʼa man a zlatsede ndo ntawassaʼa auda te ntèwèshè nengaʼa, a verzi nengaʼa a gi rè-dèdèa ara skwi kudom.

Psaumes 24:2

Nengaʼa a ngau herkeda te ndev iyam mbiaʼa, a ntil herkeda a ma iyam.

Psaumes 75:3

Zhiklè a gaɗa: Ko i zhèrè dai, aman i da gi kita zura genè.

Psaumes 75:4

Ko herkeda a gudzai, a nda ndohi tèlèba a gèɗ herkeda, iyè i dizleda sak gi nengaʼa a pa.

Psaumes 75:7

Aman nʼnjèlè a shkè te civèɗ mvèng pats ka ɓai, te civèɗ nkèl pats ka ɓai, te civèɗ hèshèkèɗ ka ɓai.

Ecclésiaste 4:14

Ndo dangai ambalai a slaha a ndi a bai; aman kra bai a slaha a ndi a ndo ntawassaʼa.

Esaie 22:23

I woya a i dizlèʼa ara sulom züdo man a wurɗè auda azɓai, a nengaʼa a gi a sam nʼnzi bi nʼnzalaʼa a ndohi gi bab na.

Daniel 2:48

A bai a nfu Daniel a ndo mbiaʼa, a mva na skwi mbalai kumba a skwi mèshèlè. A nfu a bigol bai te kokwar Babylone tèlèba, a tsuvom mbiaʼa a géɗ ndohi maya te Babylone.

Daniel 4:17

Golahi Zhiklè ta goɗ arsa, a ta goɗ ara man ndohi nkezlaʼa ta huro. A ndohi tèlèba man ta zhè a nshèffè ta da suna, Zhiklè te zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa, ko mbelaw ndo a slaha a nfi a géɗ sam nʼnzi bai.

Daniel 6:3

Daniel matsa a nfen ta mbibihiaʼa a bihi kokwarhi ngiɗè tèlèba, a géɗ man mèzhèɓ maya a zhè te ndav nengaʼa. Bai a nhuro, a nfi a géɗ kokwar-bi nengaʼa tèlèba.

Hébreux 1:3

Nengaʼa a ngreda nʼnjèl Zhiklè auda; nengaʼa mèzhèɓ va na, a gshè skwi tèlèba a ma wuɗi nengaʼa; te deɓaʼa man a mpana ta ndohi te mali ta ma, a nʼnza hai te ri mandi Bi mbiaʼa te géɗèʼa.

Jacques 2:5

Dalahimam ga, va-tsenaʼa! Zhiklè a mpar ta ndohi ntawassaʼa a géɗ herkeda haha, aman te ncè-a-ndav, ta ndi a ndohi mèshèlè, a ndohi nʼndi kokwar-Bi Zhiklè, man a mpasla ta ri a ndohi man ta woyaʼa a ndav ta.

Apocalypse 1:6

a nge nga a bihai, a ndohi mvi skwi a Zhiklè, Bab na. A nengaʼa, nʼnjèlè, a wuɗai, te nhinkaɗ na a mèdèp. Amen.

Apocalypse 22:5

Vaɗ a da gi asaɓai, ko pitirla, ko pats azɓai, aman Zhiklè, Bai, a da hela ta sam. A ta gi bai a mèdèp.

Apocalypse 3:21

Ndo man nʼngaʼa a ngulaʼa, i woy nga da nzi a sam nʼnzi ga a vna, lèmèlèmè ara man i gaʼa a ngulaʼa, a i nza tʼhai a nda Bab ga a sam nʼnzi bi nengaʼa.

Apocalypse 5:10

a ka ge ta a bihai, a ndohi mvi skwi a Zhiklè, a sam Zhiklè nga, a ta da gi bi a géɗ herkeda.

I Samuel 15:17

Samuel a ngaɗa na Saul: Ko ka hur a ka gaɗa i ndo mbia ka ɓai, ta fe ka a bi ndohi verzi Israel ka ɓi dè? Ndo nzi pèc pècèk a nʼnge ka a bi Israel, a mfaɗa ka mbar a gèɗ.