I Samuel 2:30 - Ma Zhiklè

³⁰ A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.

I Samuel 2:30 ပူးပေါင်းရင်းမြစ်များ

I Rois 11:11

A Ndo nzi pèc pècèk a ngaɗa na Salomon: A géɗ man ka gu mali aranta, a ka dzodzor nderzlè-ma ga a ma man i njè ka a gèɗ ɓai, i da ngezlama ka kokwar-bi ngaya auda te rai, a i da va na ɓèl ngaya.

I Rois 2:27

A Salomon a ndzamda Abiathar auda a sam mizlinè mvi skwi a Ndo nzi pèc pècèk, a ngu ara man Ndo nzi pèc pècèk a goɗ a géɗ ndohi gi Eli, te Silo.

I Chroniques 17:18

David a za da gaɗa ka a vaʼa a géɗ nʼnjèl na ma mè? Wa Ndo nzi pèc pècèk! Ka sun ɓèl ngaya.

II Chroniques 15:2

Ndo nzi pèc pècèk a zhè a nda kinè, ara man kinè a zhè a nda nengaʼa. Aman kin hèshèʼa, kin ngècèʼa. Aman kin jèkeda, nengaʼa a jèke kinè.

II Chroniques 26:18

ndohi slagama, man ta gaɗa na ma a di a bi Ozias: Ozias, ka slaha ka ndèr ɓurdi a Ndo nzi pèc pècèk ɓai! Sèi ndohi mvi skwi a Zhiklè, wudahi Aaron, man ta pe ta a mizlinè mvi skwi a Zhiklè, ta slaha. Kazla ngay auda a sam nkezlaʼa! A skwi haha a da gi a nʼnjèl ngaya azɓai, a sam Ndo nzi pèc pècèk Zhiklè.

Psaumes 18:20

a ndyè auda a dala, a mprekay auda, a géɗ man i ambaha.

Psaumes 18:26

Ndo man ndo a sia te va, nengaʼa a da se ka te va. A sam ndo nzuraʼa, ka gi zuraʼa.

Psaumes 50:23

Ndo man a shid gèɗ a Bi Zhiklè, kala man a va na skwai, a slébèrdyè zuraʼa; a ndo man a ɓer civèɗ na, i da ngra na skwi mʼmbel ndo ga.

Psaumes 73:20

Ara nshunè a sam ndo man a piɗèkwa, ka Bi Zhiklè, aman ka slambaɗa, ka kwol ta, ka woya nrka ta ɓai.

Psaumes 91:14

Te man a gso va a iyè, i woy a i mbelkaɗauda; i da ɓerèʼa, a gèɗ man a sun nzlembaɗ ga.

Psaumes 91:15

A bahayè, a i da mbeɗa na a ma, i da zhè a sam na te matakwan, i da ckoɗauda a i feda a sam man ta slébèrdèʼa.

Exode 28:43

A Aaron a wudahi nengaʼa ta viaʼa a va, aman ta de a gi nkezlaʼa, aman ta dè a sam mvi skwi a Zhiklè, a ta gi mizlinè a sam nkezlaʼa, aman ta fi mali a gèɗ ta azbai, a ta metsi azbai. Sèi ta gi aranta ndèzl, nengaʼa a ndohi verzi tengaʼa pèc pècèk.

Exode 29:9

mana ta deɓa, Aaron a wudahi nengaʼa, a skwi deɓa, va ta pokwa a gèɗ; aman sèi ta gi a ndohi mvi skwi a Zhikiè pèc pècèk ndèzl. Te deɓaʼa ndha ta ri a Aaron a wudahi nengaʼa.

Proverbes 12:8

Ta ɗèl ndo te maya nengaʼa man amba; aman ndo man ndav nengaʼa nzura ka ɓai, ta dérɗèʼa.

Proverbes 4:8

Va na civèɗ, a da slambaɗda ka gèɗ; aman ka gso a ndav ngaya, a va ka nʼnjèlè,

Proverbes 8:17

Ndo man a woy iyè, i ba i woyaʼa; ndo man a hassyè, a da ngatsyè.

Esaie 29:13

Bi Zhiklè a gaɗa: A géɗ man ndohi haha ta herdekay va a ma, a ta slébèrdyè a tapidaf ma ambalai, aman ndav tengaʼa dra a sam ga, a ta gi zlau ga ara man ndohi ngiɗè ta njè ta genè,

Jérémie 29:32

a géɗ nengaʼa Ndo nzi pèc pècèk a gaɗa: Iyè i gi kita a géɗ Shemaeja, ndo Néchélam, a géɗ ndohi te verzi nengaʼa: Ndo azɓai te va gwoli na, man ta da nzi te ndev ndohi haha; nengaʼa a da rka skwi mbelaʼa man i ga ta ndohi ga azɓai, Ndo nzi pèc pècèk a gaɗa, a géɗ man a nju ma, a ndohi ta slambaɗa na va a Ndo nzi pèc pècèk.

Jérémie 49:15

Na haha i da manda ka gèɗ a hai te va ndohi herkeda; ka phomda te va ndohai!

Ezéchiel 34:10

Bi Zhiklè a goɗ ar haha: I gi kita a géɗ ndohi mɓer skwai! I jhèɗè tambakihi ga te ri tengaʼa. I da va ta civèɗ a nwèr skwi ga asaɓai, ndohi mɓer skwai ta da wèr di va ta asaɓai. I da ngezlama ta tambakihi ga auda te ma ta, ta slalia ta nde ta asaɓai.

Daniel 4:34

Te deɓ mvi tsaraɗ, iyè Nebucadnetsar, i pu di a zhiklè, a maya ga a mʼmenkaɗ na a deɓa. I shüd gèɗ a Zhiklè te géɗèʼa, i slébèrdèʼa, a i nzalaʼa, nengaʼa man a nzi a mèdèp, man kokwar-bi nengaʼa a dè a ma ma te verzi wud wuda.

Mal. 1:6

Kra a slébèrdè bab na. Ɓèlè a gi zlau babgi na. Aman i bab kinè, kin slebardyè a mè? Aman i bi kinè, kin gi zlau ga te mè? Zhiklè bi mbiaʼa a gaɗa kinè, kinè ndohi mvi skwi a Zhiklè man kin derɗè nzlembaɗ ga. A kin jhèɗèʼa: Nga durɗo nzlembaɗ ngaya te mè?

Mal. 2:3

Na haha, i ngelama kinè rai, i da gucè kinè zi skwi man kin ndarayè a dai; skwi ngolala man kin vokoyè, i rka ara zai.

Nombres 11:20

aman ki staɗ, ha a zhkèha kinè tʼhtsan, ha a ngezla kinè a gèɗ, a géɗ man kin durɗo Ndo nzi pèc pècèk man a zhè te ndev kinè, a kin kuɗi a sam nengaʼa, a kin gada: Nga shkè auda te kokwar Egypte èhèmè?

Nombres 35:34

Kin lizha kokwar man kin da nzi a pa, kokwar man kin nzi a ndevaʼa, bai; te man iyè, Ndo nzi pèc pècèk, i da nzi a ndev ndohi Israel.

Jean 12:26

Ndo man a woya a ntakahayè, sèi a dzadzar-kayè. A sam man iyè a pa, ndo ntakahayè ba a pa. Ndo man a takahayè, Bab ga a slébèrdèʼa.

Jean 5:23

aman ndohi tèlèba ta da slébèrdè kra, ara man ta slébèr-dè Bab na. Ndo man a slébèrdè kra azɓai, a slébèrdè Bab na man a zlindkoɗa azɓai lèmèlèmè arsa.

Jean 5:44

Aman kin woy aman ndohi ta slebarde kinè, kin woya man a Zhiklè ka ɓai, ncè-a-ndav kinè mè?

Jean 8:49

A Yèsu a ngaɗa ta: Madzagi a gay azɓai; aman i slébèrdè Bab ga, a kin derdyè.

1 Corinthians 4:5

Gar haha kin bazla na mali a gèɗ a ndo ngiɗè tsam tsam ɓai, sèi Bai Yèsu a shkè, nengaʼa a di a cko skwi tèlè auda a sam nhélaʼa, ko skwi man nʼnghedaʼa te ruva, a ngrédè skwi man ndohi ta hérè te ndav ta, auda. Te deɓaʼa Bi Zhiklè a slébèrdè ndo staɗ staɗ, ara man a ngècè a géɗ skwi man a gau.

1 Peter 1:7

Ndo a wèsl guro, man a di a ndiv na; man a shkè auda, man ta jkeda ma. Aman ncè-a-ndav kinè mʼmbi holholaʼa, a fena guro, sei ta jkedèʼa aranta, a ndi a nshid gèɗ, a nslébèrdè nʼnjèl Yèsu Kristi a pats man a gudko va a dai.

Juges 9:10

Te deɓaʼa wofhi ta gaɗa na wof kslor: Washkè, gau a bi nga!