I Samuel 2:26 - Ma Zhiklè

²⁶ Samuel, gèlèɓi kra, a grè a ma ma, a nʼngots pombai a ma ma a sam Ndo nzi pèc pècèk, a sam ndohai.

I Samuel 2:26 ပူးပေါင်းရင်းမြစ်များ

Genèse 39:4

Joseph a nʼngots pombai a sam na. A nengaʼa a ngaʼa a ndo mɓer gèɗ bai, a skwi gi nengaʼa tèlèba, a mva na a ri a nengaʼa.

Proverbes 3:3

Mwoy-ndo a nlèɓèslè da nza a sam ngaya, ara skwi daʼai te daʼai ngaya, windeda a ndav ngaya!

Proverbes 3:4

A ka ngècè pombai a manam a sam di Zhiklè, a sam di ndohai.

Luke 1:80

A kra a grè a grè, a nʼngots wuɗai te Mèzhèɓ Zhiklè, a nʼnza te ndev hèshèkèɗ, ha pats man a ngreda ta va na auda a sam ndohi Israel.

Luke 2:40

A kra a grè, a grè, a nʼngots wuɗai, a gèɗ nengaʼa nʼndha a maya, a pombi Zhiklè a zhè a gèɗ nengaʼa.

Luke 2:52

A Yèsu a ngrè a ma ma, a maya, a mvi a mvai, a pombai, a sam Zhiklè, a sam ndohai.

Actes 2:47

a ta slubordo Bi Zhiklè, a ta ngots pombai a sam ndohi tèlèba. Aman a nciɗ sam a nciɗ sam Zhiklè a mpe ta ndohi man a mbel ta a va mpi ndohi Zhiklè.

Romans 14:18

Ndo man a takaha Kristi te pa, nengaʼa ambaha Bi Zhiklè, a ndohi ta woyaʼa.

Juges 13:24

Te deɓaʼa ngwoz a myu kra, a mbaha na Samson. A kra a grè, a Ndo nzi pèc pècèk a mpshè na ma.

I Samuel 2:21

Te deɓaʼa to do ngwai a kokwar ta, a Ndo nzi pèc pècèk a mpshè na ma Anne, a ngu a hwaɗ, a myu wudahi makar, a dalahi cèw. Aman Samuel, kra nguraʼa, a grè a sam Ndo nzi pèc pècèk.

I Samuel 3:19

Samuel a grè a ma ma, a Ndo nzi pèc pècèk a zhè a sam nengaʼa, a ma nengaʼa tèlèba a fshèwa azbai, ko staɗ.