I Samuel 19:5 - Ma Zhiklè

⁵ A nlaya nshèffè na ɓai, a nkeɗa ndo Philistie, a Ndo nzi pèc pècèk a nge ta ndohi Israel a ngul ndohi mbiaʼa. Ka ba ka rka a di ngaya, a ka wuf-fè a géɗèʼa. Ka woy a ka gi mali a sam ndo man nʼnga mali ɓai, a ka keɗa David ambali èhèmè?

I Samuel 19:5 ပူးပေါင်းရင်းမြစ်များ

II Samuel 23:10

nengaʼa a nʼnza, a mbazl ta ndohi Philistie, ha a nkaldama na rai, a tsakwal a prè auda te ri azbai. Aranta a pats nasa Ndo nzi pèc pècèk a nge ta a ngul ndohi kumba. A ndohi ta hakaɗa deɓa a verzi nengaʼa, aman ta hil skwi a sam ndohi mbazlaʼa.

I Chroniques 11:14

nengaʼa a nʼnza te ndev gi menda, a ɓerèʼa, a mbazl ta ndohi Philistie, a Ndo nzi pèc pècèk a ngaʼa a ngulaʼa mbiaʼa.

I Chroniques 11:18

A ngul ndohi makar ta hau, a ta beza zuraʼa a ndev ndohi Philistie mɓicaʼa, ta ɓol iyam te thal a ma kokwar Bethléhem, a ta cko na David. Aman David a woya a nsia ɓai, a mbadahi a nva na Ndo nzi pèc pècèk.

Psaumes 109:5

Skwi man i ga ta amba, ta pelayè a skwi man ambaɓai; mwoy man i woy ta, ta pelayè a skwi man ambaɓai; mwoy man i woy ta, ta pelayè a shèwa.

Psaumes 119:109

Nshèffè ga a zhè te ri skwi mwuɗitpa pèc pècèk, a ma kita ngaya a pcèy a gèɗ azɓai.

Psaumes 25:3

I suna, ndo man a zhèr ka, a ngècè hori a di azɓai, ko staɗ. Ndohi nʼngwèdè ndo ambalai, tengaʼa da ngots hori a dai!

Psaumes 69:4

I ngeza a mbèhè, daʼai ga a dzahay ma. Di ga a ngwor na, a géɗ man i pi di a Zhiklè ga.

Psaumes 94:21

Ta vhè ma a géɗ nshèffè ndo nzuraʼa, a ta fa na mali a gèɗ a ndo man mali na azɓai.

Exode 14:13

A Moise a ngaɗa ta ndohai: Kin gu zlau bai, va-nza taraʼa, a kin rka ara man Ndo nzi pèc pècèk a da mbel kinè a patsna. Ara man kin rka ta ndohi Egypte antanta, kin da rka ta te deɓaʼa asaɓai.

Jérémie 26:15

Aman sèi va-suna, aman kin da kedyè, nshèffè ga haha man i ga mali te pa ɓai, a fa kinè mali a gèɗ a kinè, a kokwar haha, a ndohi haha, te man Ndo nzi pèc pècèk a nzlindkayè a sam kinè a vava, aman i da menda kinè ma haha tèlèba.

Matthew 27:24

Aman Pilate a nrka, a slaha ta ndohi rèdèdèʼa ɓai, a ta rubai, a nco iyam, a mpana ri nengaʼa a sam di ndohi rèdèdèʼa, a ngaɗa: Ri ga sa! Anai mali ga azɓai a sam mʼmetsi ndo nzura haha. Ma kinè!

Matthew 27:4

a ngaɗa: I gu malai, man i ga na ri a gèɗ nshèffè ndo man nʼnga mali ɓai. Aman ta gaɗa na: A nga nga a pa mè? Ma ngaya!

Jean 15:25

Aman skwi haha a gi ara man ta Windo te ma kita Zhiklè: Ta gu shèwa a iyè ambalai.

Actes 20:24

Aman i hera ɓai, i rka nshèffè ga ara skwi mèshèlè ka ɓai, i woya man i ndeva nhi ga genè a mwuffe, a mizlinè man i ngots te ri Bi Yèsu, a i gi malwuɗi ma mbelaʼa a pombi Zhiklè.

Philippiens 2:30

Aman a géɗ mizlinè Kristi a mʼmbel na pshetühtüh, a nrka nshèffè na ara skwi ambalai, a géɗ man a slaha a ntakahayè te di man a kinè.

Hébreux 2:3

kos nga da mbél te mè, aman nga fi gèɗ a skwi mʼmbel ndo mbiaʼa aranta azɓai. Aman Bai Yèsu a njè nga skwi mʼmbel ndo haha nshèlèkuraʼa a ri na, a ndohi man ta tsenaʼa ta da na va.

Juges 12:3

Aman i rka ndo ntaka-hayè azɓai, i mbeɗa nshèffè ga asaɓai, a i do a i gu var a ndohi Ammon, a Ndo nzi pèc pècèk a mpe ta a ri ga. Kos kin shke a kin woy a kin gi var a iyè èhèmè?

Juges 9:17

Bab ga a ngu var a géɗ kinè, a mhur nshèffè na ɓai, a mʼmbelka kinè auda te ri ndohi Madian.

I Samuel 11:13

Aman Saul a ngaɗa: A patsna nga kédè ndo azɓai. A patsna Ndo nzi pèc pècèk a mʼmbel ta ndohi Israel.

I Samuel 14:45

Aman ndohi ta gaɗa na Saul: Mè! Jonathan man a ge ta ndohi Israel a ndohi ngul ndohi mbiaʼa haha, da mets na dè? Wuɗitpa a sam nga! Ko gwots gèɗ nengaʼa staɗ da kala a herkeda ɓai! Aman skwi man a ngau a patsna, a ngau a nda Zhiklè. A ndohi ta prokodi Jonathan auda, aman a metsi azɓai.

I Samuel 19:6

A Saul a ntsena ma Jonathan, a ngaɗa: da metsa ɓai, ara man Ndo nzi pèc pècèk a zhè a vava.

I Samuel 20:32

Jonathan á mʼmbeɗa na a ma Saul, bab na, a ngaɗa na: Da mets na èhèmè? A ge mè?

I Samuel 22:14

Achimélec a mʼmbeɗa na a ma bai: Ndo nlèɓèslèa gar David te va ɓèlèlihi ngaya, wa? Nengaʼa rnèsh bai, bi a géɗ ndohi mɓer géɗ bai, ndohi gi ngaya tèlèba ta slébèrdèʼa.

I Samuel 28:21

A ngwoz sa a mdo a sam Saul. Aman a nrkaʼa, a mɓerzl na a zlau, a ngaɗa na: Na haha i fu gèɗ a ma ngaya. I hera nshèffè ga ɓai, a i tsun ma ngaya.