I Samuel 19:10 - Ma Zhiklè

¹⁰ Saul a woya a nteza na David a va dergai, a tsakwal. Aman nengaʼa a mbezla va na, a tsakwal a ndza na dergai. Aman David a mhu na, a mwuc na a vaɗ.

I Samuel 19:10 ပူးပေါင်းရင်းမြစ်များ

Psaumes 124:7

Nshèffè nga, nara ɗiak man a mbel na a sam ndo man a woy a a ngshèʼa, a nceda votók a verzai, a nga mbel nga.

Psaumes 18:17

A ntorko ri a hi te géɗèʼa, a ngsyè, a nckay auda te va iyam mbiaʼa.

Psaumes 34:19

Ndo nzi pèc pècèk a zhè ndul ndul a sam ndohi man ndav ta a mbeɗè, a taka-ha ta tengaʼa man ta kuɗi te ndav.

Psaumes 37:32

Ndo ambaɓiaʼa a pi va a ndo nzuraʼa, a woya a kéɗèʼa.

Proverbes 1:16

Sak tengaʼa a dè a sam ambaɓiaʼa; ta hai a ta kéɗè ndo.

Proverbes 21:30

Skwi ngiɗè azɓai, maya ngiɗè azɓai, nshin skwi ngiɗè azɓai, man a slaha a nzlècè a sam Ndo nzi pèc pècèk.

Esaie 54:17

Skwi var ko mèmè man ta gu a géɗ ngaya, a slaha ka ɓai. Ma wawa man a pin ka, ka tseda ta a sam kita. Nasa nʼndi gi ɓèlèlihi Ndo nzi pèc pècèk, a skwi man ta ngècèʼa a sam ga, Ndo nzi pèc pècèk a gaɗa.

Osée 6:4

I da gi a ka mè, Ephraim? I da gi a ka mè, Juda? Mwoy-ndo man kin woy iyè a vna, nara vani malama, nara minmèn a prèk man a wush na.

Matthew 10:23

Aman ta da paraha kinè te kokwar staɗ, va-hu kinè a kokwar ngiɗè. Aman i gaɗa kinè a vava, kin ndikeda kokwar Israel tèlèba azɓai, ha kra-ndo a mshkè ma.

Luke 4:30

Aman nengaʼa a mbeza a ndev tengaʼa tèlèba, a mdo na.

Jean 10:39

A ta woy maya zaʼa, aman ta gshèʼa. Aman nengaʼa a mbel na te ri ta.

Hébreux 11:34

ta mbatsa wuɗi vogwa, ta mbel ta te ri kafahi gwèsh, ta ngots wuɗai, man nshèlèkuraʼa wuɗi ta azɓai, ta ngots wuɗai a sam var, ta gu aman ndohi var mayamhai ta mindè va ta a deɓa.

I Samuel 18:10

Te mangoslèmaʼa, mèzhèɓ ambaɓiaʼa a ngso Saul te gi na, gèɗ na ndzakaɓa. A David a ntsu ganzavar, ara man a gu pats ngiɗè. Saul a tsakwal te rai.

I Samuel 18:11

A Saul a ngeda tsakwal, a huro: I tizhè David a va dergai. Aman David a mbezla va na. Saul a nkola a tsakwal sak cèw.

I Samuel 19:6

A Saul a ntsena ma Jonathan, a ngaɗa: da metsa ɓai, ara man Ndo nzi pèc pècèk a zhè a vava.

I Samuel 20:33

A Saul a nzlatseda tsakwal, a woya a nkèlè kra na a vna. A Jonathan a suna, bab na a mʼmana ndav na, a woya a nkéɗè David.