I Samuel 18:8 - Ma Zhiklè

⁸ A Saul a ngu ndav a vata. Ma haha ambaha ɓai, a ngaɗa: Ta gaɗa a David 10.000, a ga ga sèi gozhèm staɗ. Njèkè na ngi bi mènè!

I Samuel 18:8 ပူးပေါင်းရင်းမြစ်များ

Genèse 37:11

A kramamhi nengaʼa ta gu srak a géɗ nengaʼa. Aman bab na a ngheda maʼa te ndav na.

Genèse 37:8

A kramamhi nengaʼa ta gaɗa na: Ka woy a ka gi bi a géɗ nga ɗè, a ka woy a ka kwor nga ɗè! A ta gu shèwa holholaʼa a géɗ nshunè nengaʼa man a ngra ta.

I Rois 2:22

A bi Salomon a mʼmbeɗa na a ma, a ngaɗa na mam na: Ai, ai, ai, ka jhèɗè Abishag, dem Sunem, a ngwoz a Adonia èhèmè? Dara ka jhèɗè kokwar-bi a deɓa! Nengaʼa kramam ga tsuvomaʼa ka ɓi dè? A ta humda ma ta a Abiathar, ndo mvi skwi a Zhiklè, a Joab, kra Tseruja!

Esther 3:5

Aman Haman a rkaʼa, Mardochée a gürɓahi a sam na azɓai, a ngu ndav.

Proverbes 13:10

Ndo nfi va a poko ta gèɗ auda a ndohai, a ta bèzi va; aman maya a zhe a sam ndohi man ta cè ma ndo.

Proverbes 27:4

Ndo man a gi ndav worworaʼa, wuɗitpa; aman mba srak.

Ecclésiaste 4:4

A i rka mizlinè tèlèba man ndo a geda matakwan a va a vna; skwi tèlèba, sèi srak genè, ngiɗè a gi srak a géɗ ngiɗè, ngiɗè a gi srak a géɗ ngiɗè. Ko skwi haha, skwi ambalai, nara nhi a gerzi kozlar.

Nombres 11:1

A ndohi ta gu ma a sam Ndo nzi pèc pècèk. A Ndo nzi pèc pècèk a ntsenaha, a ndza na a ndav, a vogwa Ndo nzi pèc pècèk a nslambaɗa a tsagi sam man ta nza a pa, a nʼnde ta ndohi tèlèba a ma.

Nombres 22:34

Balaam a ngaɗa na gol Ndo nzi pèc pècèk: I gu malai. I sun a i gada ka zlatsa a ma ga a civèɗ ɓai. Aman antanta, man skwi haha ambaha ka ɓai, i dè a deɓa a ngwai.

Jacques 4:5

Kin huro, ɗèlèwèr Zhiklè a goɗ ambali ɗè: Mèzhèɓ Zhiklè man a nzi a ndav nga a gi srak?

I Samuel 13:14

Aman arsa kokwar bi ngaya a nzi azɓai. Ndo nzi pèc pècèk a nʼngots ndo ngiɗè ara man ndav nengaʼa a woyaʼa, a fedahi a bi ndohi na, a géɗ man ka co ma Ndo nzi pèc pècèk ɓai.

I Samuel 15:28

Samuel a ngaɗa na: A patsna Ndo nzi pèc pècèk a nʼngela ka bi ngaya a géɗ ndohi Israel, a da va na ndo ngiɗè man a fen ka.

I Samuel 16:13

A Samuel a nco gatsak a mbar, a mbada na a gèɗ, te ndev kramamhi nengaʼa, a Mèzhèɓ Ndo nzi pèc pècèk a nshkè a gèɗ David, a hinè te pats sa, a nʼnza a géɗ nengaʼa. A Samuel a nslambaɗa, a ndo Rama.

I Samuel 18:9

A Saul a ngu srak a géɗ David, a hinè a pats nasa, a ndè a ma ma.

I Samuel 19:1

Saul a ngaɗa na Jonathan, kra na, a ɓèlèlihi nengaʼa tèlèba: Ngo-kudokoy David! Aman Jonathan, kra Saul, a woy David kumba.

I Samuel 20:31

Aman kra Isai a zhè tʼherkeda, ko ka, ko kokwar-bi ngaya a til azɓai. Gar haha zlündo ndo, a ta ckoɗa sam ga. Sèi a metsi na!