I Samuel 18:14 - Ma Zhiklè

¹⁴ Aman maya David a zhè a civèɗ nengaʼa tèlèba. Ndo nzi pèc pècèk a zhè a nda nengaʼa.

I Samuel 18:14 ပူးပေါင်းရင်းမြစ်များ

Genèse 39:23

Ndo mɓer gi dangai a nhera a géɗ skwi ngiɗè ɓai, man a mva na a ri a Joseph, a géɗ man Ndo nzi pèc pècèk a zhè a sam na, a ntakaha te skwi tèlèba man a giaʼa, a gi amba.

II Samuel 5:10

David a grè a ma ma, a ngaʼa a ndo mbiaʼa. Ndo nzi pèc pècèk, Zhiklè bi wuɗai a zhè a nda nengaʼa.

II Rois 18:7

Ndo nzi pèc pècèk a zhè a nda nengaʼa. Skwi tèlèba man a giaʼa, ngu amba amba. A nslambaɗa na va a bi Assyrie, a mpa na mpil gèɗ te deɓaʼa asaɓai.

I Chroniques 18:13

A mfeda ndohi ndzaraha ta a géɗ ndohi Edom, a David a nkwor ta ndohi Edom. Aranta Ndo nzi pèc pècèk a nga David a ngul ndo a sam tèlèba man a mdo a pa.

I Chroniques 18:6

David a mpe ta ndohi ndzaraha ta ndohi Syrie te Damas. A ndohi Syrie ta gu a ɓèlèlihi David, a ta pil gèɗ. Aranta Ndo nzi pèc pècèk a nʼnga David a ngul ndo a sam tèlèba man a mdo a pa.

II Chroniques 17:3

Ndo nzi pèc pècèk a zhè a nda Josaphat, a géɗ man a ndzodzor civèɗ David, bab na, krèh, a nfa na gèɗ a Baalhi bai, aman

Psaumes 101:2

I woy a i slebi ndè a civèɗ njèlèlèʼa. Ka shkè a sam ga a ngèmè? I da nzi a ndav jèlalaʼa tʼhwaɗ gi ga.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

Actes 18:10

Aman i zhè a nda ka, a ndo ngiɗè a slaha a nga ka matakwan azɓai. Aman ndohi ga kumba te kokwar haha.

Josué 6:27

Aranta Ndo nzi pèc pècèk a zhè a nda Josué, a labar ma Josué a zlèzlèmè te kokwar tèlèba.

Juges 1:19

Ndo nzi pèc pècèk a zhè a nda Juda, a ta ceda za a ma. Aman ndohi a vara, ta slaha ta dzam ta ɓai, te man ta ngots kiki var.

I Samuel 10:7

Aman skwi haha a da gi a sam ngaya, gau ara man Zhiklè a ngra ka.

I Samuel 16:18

Staɗ te va ɓèlèlihi nengaʼa a ngaɗa: Na haha, i rka kra Isai te Bethlèhem man a sun ntsi ganzavar, ndo slagama, ndo ncèmma, va nengaʼa daɓaraʼa, Ndo nzi pèc pècèk a zhè a nengaʼa.

I Samuel 18:15

Aman Saul a nrkaʼa, maya David a zhè a vata, Saul a gudzi tototoʼa.

I Samuel 19:8

Aman var a zhè zaʼa, a David a ndo var a ndohi Philistie, a ndzam ta, a ta hu ta auda a sam na.

I Samuel 3:19

Samuel a grè a ma ma, a Ndo nzi pèc pècèk a zhè a sam nengaʼa, a ma nengaʼa tèlèba a fshèwa azbai, ko staɗ.