I Samuel 17:51 - Ma Zhiklè

⁵¹ David a mhau, a mbatsaha sak a va ndo Philistie, a mpho kafahi gwèsh ndo Philistie, a nkeɗaʼa a vèvèɗ, a nʼngelama na gèɗ. Aman ndohi Philistie ta rkaʼa, ngul tengaʼa a mʼmets na ma, ta hu ta.

I Samuel 17:51 ပူးပေါင်းရင်းမြစ်များ

II Samuel 23:21

Nengaʼa ba a nkeɗe ndo Egypte, ndo ngurèa. Ndo Egypte a tsakwal te rai, a nengaʼa a mdo a sam na a gaɗa, a nʼngezlama na tsakwa auda te rai, a nkeɗe ndo Egypte a vèvèɗ a tsakwal nengaʼa.

II Samuel 4:7

Ish-Bosheth a mʼmana a sam mʼmènè na te kalak na, a ta keɗaʼa, a ta ngela géɗèʼa. A to do a gèɗ te rai, a to do ha prèk, a ta beza a ndev dalbara Jourdain.

Esther 7:10

A ta ktsalda a pa a wof man a tildahi a géɗ Mardochée. Te deɓaʼa ndav bai a mʼmanahai.

Hébreux 11:34

ta mbatsa wuɗi vogwa, ta mbel ta te ri kafahi gwèsh, ta ngots wuɗai, man nshèlèkuraʼa wuɗi ta azɓai, ta ngots wuɗai a sam var, ta gu aman ndohi var mayamhai ta mindè va ta a deɓa.

Hébreux 2:14

Ara man wudahi ta ngots gada va a Pombaz ara ndohai, nengaʼa ba lèmèlèmè. Aman te mʼmetsi nengaʼa a nguzlo wuɗi te ri bi madzagai, man a ngots wuɗi mʼmetsai.

I Samuel 17:50

Arsa David a mfena ndo Philistie a vangava a krengaz, a ndza na ndo Philistie, a nkeɗaʼa, kafahi gwèsh a te ri na ɓai.

I Samuel 21:10

Te deɓaʼa David a nslambaɗa, a mhu na a Saul a pats sa, a mshkèda sam Akish, bi Gath.

I Samuel 21:9

Ndo mvi skwi a Zhiklè a ngaɗa: Na haha kafahi gwèsh Goliath, ndo Philistie, man ka keɗaʼa te slrats Térébinthe, na zhè tʼhwaɗ Ephod, mpaha te maslaka. Aman ka woyaʼa, co – ngiɗè asaɓai. David a ngaɗa: Ngar nengaʼa azɓai. Vayè!

I Samuel 31:9

A ta ngelama na gèɗ, a ta suɗama na limbèt auda a va, a ta zlündo a kokwar ndohi Philistie tèlèba, a ta ngra ta ndohi tèlèba, a zhiklèhi tengaʼa: nga ga a ngula ma!