I Samuel 17:45 - Ma Zhiklè

⁴⁵ Aman David a ngaɗa na ndo Philistie: Ka, ka shkè a sam ga a tsakwal, a kafahi gwèsh, a gambar; aman iyè i dè a sam ngaya a nzlembaɗ Ndo nzi pèc pècèk, Zhiklè Bi wuɗai, Zhiklè ndohi Israel man ka derɗaʼa.

I Samuel 17:45 ပူးပေါင်းရင်းမြစ်များ

II Chroniques 14:10

Asa a ntsu ri a Ndo nzi pèc pècèk, Zhiklè na, a ngaɗa: Ndo nzi pèc pècèk, ka stadgenè ka slaha ka takaha nga, ko ndo man wuɗi na azɓai, ko ndo man wuɗi na zhè. Washkè a ka takaha nga, Ndo nzi pèc pècèk, Zhiklè nga! Aman nga thè va a ka, nga shke a nzlembaɗ ngaya a sam ndohi haha rèdèdèʼa. Ndo nzi pèc pècèk, ka Zhiklè nga. Ndo da fen ka ɓai!

II Chroniques 32:8

Ri ndo a zhè a takaha nengaʼa; aman Ndo nzi pèc pècèk, Zhiklè nga, a sam nga. Nengaʼa a da takaha nga a ngi var a géɗ nga. A ndohi ta pu ndav a ma Ezéchias, bi Juda.

Psaumes 124:8

Skwi ntakaha nga a zhè a nzlembaɗ Ndo nzi pèc pècèk man a gu giɗfèk a herkeda.

Psaumes 18:2

Ndo nzi pèc pècèk, i woy ka, ka wuɗi ga!

Psaumes 20:8

Matakahia ngiɗè ta hèsh wuɗi tekiki var, te plèsh; aman nga, nga hèshè te nzlembaɗ Ndo nzi pèc pècèk, Zhiklè nga.

Psaumes 3:8

Ndo nzi pèc pècèk, slambaɗa! Zhiklè ga, takahayè! Ka tsama ta bazlazlam a mayamhi ga tèlèba, a ka prosloma ta zlèʼèn auda te ma a ndohi ambaɓihiaʼa.

Psaumes 44:6

Nga a nda ka, nga dzam ta ndohi mayamhi nga; a wuɗi nzlembaɗ ngaya nga bazl ta ndohi nʼnga nga matakwan.

Proverbes 18:10

Nzlembaɗ Ndo nzi pèc pècèk nara gi ndakmaʼa. Ndo nzuraʼa a hi a pa, a ngècè sam nlèaʼa.

Esaie 37:23

Ka ngwossaha wa, ka derɗe wa, ka gaɗa na ma nfi va a wa, ka paka na di nfi va a wa? A Zhiklè Israel nkezlaʼa.

Esaie 37:28

i suna aman ka nza tʼhai, i suna aman ka dè, i suna aman ka shkè, i suna aman ka gi ndzoan.

2 Corinthians 10:4

Aman skwi var man nga gi var a vna, skwi ndo ka ɓai, aman wuɗi te ri Zhiklè, man a gedassa skwi nzalaʼa aussa.

2 Corinthians 3:5

Ara man nga slaha skwi a ri nga ka ɓai, a nga hérè a maya nga ka ɓai. Skwi man nga slaha, nga ngots a sam Bi Zhiklè,

Philippiens 4:13

I slaha skwi tèlèba a nda nengaʼa, man a vay wuɗai.

I Samuel 17:10

Ndo Philistie a ngaɗa: A patsna i ngwossaha ta ndohi var Israel. Va-zlündekoy ndo staɗ, a nga gi var a vna!

I Samuel 17:26

David a ndzhaɗ ta ndohi a sam na: Ndo man nda keɗa ndo Philistie haha, a ncèma na hori auda a di a Israel, ta da ga na kè? Ndo Philistie, man ngwon nʼngela ɓi haha, wa, aman a shkè a derde ta ndohi var Zhiklè man a zhè a nshèffè.

I Samuel 17:36

Ɓèl ngaya a keɗa marizhèlè a kokoya: a ndo Philistie man ngwon nʼngela ɓi haha, da ga na lèmèlèmè ar haha, a gèɗ man a nderɗe ta ndohi var Zhiklè man a zhè a nshèffè.

I Samuel 17:6

Kotokoroh züdo te sak, a tsakwal züdo a daʼai.