I Samuel 17:26 - Ma Zhiklè

²⁶ David a ndzhaɗ ta ndohi a sam na: Ndo man nda keɗa ndo Philistie haha, a ncèma na hori auda a di a Israel, ta da ga na kè? Ndo Philistie, man ngwon nʼngela ɓi haha, wa, aman a shkè a derde ta ndohi var Zhiklè man a zhè a nshèffè.

I Samuel 17:26 ပူးပေါင်းရင်းမြစ်များ

II Rois 19:4

Wa ngiɗè ba Ndo nzi pèc pècèk, Zhiklè ngaya, a ntsena ma Rabshakè, man bi nengaʼa, bi Assyrie, a nzlündo, aman a ndurɗo Zhiklè man a zhè a nshèffè, a da ga na skwi ambaɓiaʼa, a géɗ ma man Ndo nzi pèc pècèk, Zhiklè ngaya, a tsenaʼa. Gar haha tsu rai a géɗ njèkèdihiaʼa man ta zhè a nshèffè dai.

II Chroniques 32:17

A bai a nzlündo ɗèlèwèr man a derɗè Ndo nzi pèc pècèk, Zhiklè Israel, a vna, a ngaɗa: Zhiklèhi ndohi kokwar ngiɗè azɓai man ta mbel ta ndohi ta te ri ga, ko Zhiklè Ezé-chias a da mbel ta ndohi na te ri ga azɓai.

Néhémie 5:9

A i gaɗa: Skwi man kin giaʼa, ambaɓai. Dara ngo-gokoy maya nshèffè nga, a nga gi zlau Zhiklè nga, aman nga ngècè hori a di azɓai a sam ndohi nte deɓa, mayamhi nga.

Psaumes 44:13

Ka preda ndohi ngaya a ma a gani ɓai, ka dzhaɗa skwa a pa kumba ɓai.

Psaumes 74:18

Hur skwi sa, Ndo nzi pèc pècèk; aman ndo mayam a liv ka, aman ndohi nrzlaʼa ta derɗe nzlembaɗ ngaya.

Psaumes 79:12

A nslamagihi nga, menda ta ngwoshè man ta ngwossaha ka, Bai, Zhiklè, a deɓa a gi sak tsaraɗ.

Esaie 37:23

Ka ngwossaha wa, ka derɗe wa, ka gaɗa na ma nfi va a wa, ka paka na di nfi va a wa? A Zhiklè Israel nkezlaʼa.

Jérémie 10:10

Aman Ndo nzi pèc pècèk, nengaʼa Zhiklè nzuraʼa, Zhiklè man a zhè a nshèffè, bi a mèdèp. Te ri ndzoan nengaʼa herkeda a gudzai, ndohi herkeda ta slaha ta dishè ndzoan nengaʼa ɓai.

Jérémie 9:25

Na haha patsa a di a shkè, Ndo nzi pèc pècèk a gaɗa, aman i da gi kita a géɗ ndohi nʼngela ngwon, aman ndav ta ntil ɓai:

Jérémie 9:26

a géɗ Egypte, a géɗ Juda, a géɗ Edom, a géɗ ndohi Ammon, a géɗ Moab, a géɗ ndohi man ta ngala gèɗ a ta zhè tʼhèshèkèɗ. Aman ndohi herkeda tèlèba ta lèmèlèmè, ndohi nʼngela ngwon ara ndohi man ta ngela ngwon ɓai; ndohi herkeda tèlèba a ndohi Israel tèlèba, ta tila ndav ta ɓai.

Ezéchiel 28:10

Ka da metsi ngaya ara ndo man ngwon nʼngel ɓai. Verzi ndohi ngiɗè ta keɗe ka, te man iyè, i goɗa, Bi Zhiklè a ngaɗa.

Daniel 5:23

ka goɗ aman ta hulko ka kokwi te gi nengaʼa, a kinè a ndohi ngaya mbibihiaʼa a ngwozi ngaya a ngwozi kalak ngaya, kin si zom a vna. Ka slubordo zhiklèhi verzhègenè a guro a zi pats a züdo a wof a kwa, man ta rka di ɓai, man ta tsena zlembaɗ ɓai, man ta sun maya ɓai. Aman Bi Zhiklè man nshèffê ngaya te ri nengaʼa, man civèɗ ngaya tèlèba nte ri nengaʼa, ka slebarda bai.

Daniel 6:27

Nengaʼa a mbél ndo, a preko ndo auda, a ngreda skwi auda, a gi nrkedai te zhiklè te géɗèʼa, tʼherkeda ba. Nengaʼa man a mbelko Daniel auda te ma marizhèlè.

Daniel 9:16

Bi Zhiklè, ara man ndo a se ka te va pèc pècèk, jèkeda ndzoan ngaya, a ka gu ndav a gèɗ kokwar Jérusalem, za ngaya nkezlaʼa, asaɓai; a gèɗ mali nga, a gèɗ mphömè bababhi nga, Jérusalem a ndohi ngaya ta ga a skwi man ndohi a tsagi nga tèlèba ta ngwèshè a pa.

Joel 2:19

Ndo nzi pèc pècèk a mʼmbeɗka ta ma a ngaɗa ta ndohi na: Na haha i da va kinè dau a zom a mbar, a kin ngézhè a vna. A ndohi herkeda ta da ngwossaha kinè te deɓaʼa azɓai a mèdèp.

Deutéronome 5:26

Ndo wa, man a ntsena daʼai Zhiklè man a gaɗka te va vogwa, lèmèlèmè ara nga, a za nzi a nshèffè genè?

1 Thessalonians 1:9

Ko wawa ngreda a géɗ nga a ri na, ara man nga ngots civèɗ a sam kinè, ara man kin menkaɗa deɓa a sam Zhiklè, te ri vrihai, a kin gi mizlinè Zhiklè nzuraʼa, man a zhè a nshèffè,

Josué 3:10

A Josué a ngaɗa: Te skwi haha kin da suna, Zhiklè a nshèffè a zhè te ndev kinè, a da dzam ta ndohi Canaan, Heth, Hévi, Phérez, Guirgasi, Amor a Jébus a ma kinè.

1 John 5:20

Aman nga suna, kra Zhiklè a mshkè, a mva nga maya, aman nga sun nengaʼa, man nzuraʼa a vava. Nga te nengaʼa man nzuraʼa a vava, te Yèsu Kristi, kra nengaʼa. Nengaʼa Zhiklè nzuraʼa, nengaʼa nshèffè a mèdèp.

I Samuel 11:2

Aman Nachash, ndo Ammon, a mʼmbeɗa ta a ma: Nga da pèsl ri a nda kinè aranta: i da tezko kinè di staɗ auda, a i pa na hori a di a Israel tèlèba.

I Samuel 14:6

Jonathan a ngaɗa na gol nzuɓa na skwi var nengaʼa: Washkè, ngo-do auna a sam nʼngélè ndohi man ngwon ta nʼngel ɓi mpaʼa. Gar Ndo nzi pèc pècèk a takaha nga. A sam Ndo nzi pèc pècèk wuɗi a te pa ɓai, a gi a ngul skwai, ko ndo a vata, ko ndo az a vata ɓai.

I Samuel 17:10

Ndo Philistie a ngaɗa: A patsna i ngwossaha ta ndohi var Israel. Va-zlündekoy ndo staɗ, a nga gi var a vna!

I Samuel 17:30

A njèkeda a pa, a ndzhoɗo a sam ndo ngiɗè, a ndohi ta gaɗa na lèmèlèmè ara nshèlèkuraʼa.

I Samuel 17:36

Ɓèl ngaya a keɗa marizhèlè a kokoya: a ndo Philistie man ngwon nʼngela ɓi haha, da ga na lèmèlèmè ar haha, a gèɗ man a nderɗe ta ndohi var Zhiklè man a zhè a nshèffè.

I Samuel 31:4

Saul a ngaɗa na gol nzuɓa na skwi var nengaʼa: Pho kafahi gwèsh a ka kedyè. I woya aman ndohi ngwon nʼngela ɓai ta kedyè ɓai, a ta da ngwossahayè. Aman gol nzuɓa na skwi var nengaʼa a woya ɓai, a gi zlau holholaʼa. A Saul a nco kafahi gwèsh, a nkalda na va a gèɗ.