I Samuel 16:18 - Ma Zhiklè

¹⁸ Staɗ te va ɓèlèlihi nengaʼa a ngaɗa: Na haha, i rka kra Isai te Bethlèhem man a sun ntsi ganzavar, ndo slagama, ndo ncèmma, va nengaʼa daɓaraʼa, Ndo nzi pèc pècèk a zhè a nengaʼa.

I Samuel 16:18 ပူးပေါင်းရင်းမြစ်များ

Genèse 39:2

A Ndo nzi pèc pècèk a zhè a sam Joseph; a skwi tèlèba man a gau, ngau amba, a slaha a nʼnzi a gi ndo Egypte, babgi na.

Genèse 39:23

Ndo mɓer gi dangai a nhera a géɗ skwi ngiɗè ɓai, man a mva na a ri a Joseph, a géɗ man Ndo nzi pèc pècèk a zhè a sam na, a ntakaha te skwi tèlèba man a giaʼa, a gi amba.

II Samuel 14:20

Joab, ɓèl ngaya, a gu arsa, a nhur a da til maʼa. Aman bi ga, maya na zhè ara maya gol Zhiklè, a sun skwi man a gi a géɗ herkeda tèlèba.

II Samuel 17:10

Te deɓaʼa ko ndo slagama holholaʼa, man a gi zlau azɓai ara marizhèlè, ndav nengaʼa a mbedè. Aman ndohi Israel tèlèba ta suna, bab ngaya ndo ngul skwai, ndohi nengaʼa ndohi slagama.

II Samuel 17:8

A Hushai a goɗ a vaʼa: Ka suna, bab ngaya a ndohi nengaʼa, ngul ndohai; ndav tengaʼa a mbeɗè azɓai, ara marizhèlè te dak man ta cèma na kra na. Bab ngaya, ndo var, nengaʼa a ndohi nengaʼa ta shèk va a vaɗ azɓai.

Proverbes 12:8

Ta ɗèl ndo te maya nengaʼa man amba; aman ndo man ndav nengaʼa nzura ka ɓai, ta dérɗèʼa.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

I Samuel 10:7

Aman skwi haha a da gi a sam ngaya, gau ara man Zhiklè a ngra ka.

I Samuel 16:12

A ta zlündo ndo a ta baha na. Gola, ndo ntevaʼa, va nengaʼa amba sandalangaʼa, kra amba te dai hudemshaʼa. Ndo nzi pèc pècèk a ngaɗa na Samuel: Slambaɗa! Bada na mbar a gèɗ. Nengaʼa!

I Samuel 16:17

Saul a ngaɗa ta ɓèlèlihi nengaʼa: Vo-do, va-woy ndo mènè, ndo man a sun ntsi ganzavar: a kin ckoɗa sam ga.

I Samuel 16:19

Saul a nzlündo ndo a sam Isai, a ngaɗa na: Zlündokoy David, kra ngaya, man a wèr tambakihai.

I Samuel 17:12

David, kra ndo Ephrata te Bethléhém, te Juda, man nzlembaɗ na Isai. Wudahi nengaʼa 8. Isai nhala ma, hurnjüfnjüfaʼa, te ndev man Saul bi dai.

I Samuel 3:19

Samuel a grè a ma ma, a Ndo nzi pèc pècèk a zhè a sam nengaʼa, a ma nengaʼa tèlèba a fshèwa azbai, ko staɗ.